android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
ઓલિમ્પિકનાં સપનાં ? ખોખરા વિસ્તારના સ્પોર્ટ્સ કોમ્પ્લેક્સમાં સુવિધાઓના નામે ભંગાર અને ગંદકી!
calendar_today May 24, 2026

ઓલિમ્પિકનાં સપનાં ? ખોખરા વિસ્તારના સ્પોર્ટ્સ કોમ્પ્લેક્સમાં સુવિધાઓના નામે ભંગાર અને ગંદકી!

એક તરફ્ અમદાવાદ શહેરને વૈશ્વિક સ્તરે ચમકાવવા અને વર્ષ 2036ની ઓલિમ્પિક ગેમ્સની યજમાની મેળવવા માટે તંત્ર કરોડો-અબજો રૂપિયાના આયોજનો કરી રહ્યું છે. બીજી તરફ્, અમદાવાદના પૂર્વ વિસ્તારમાં આવેલા ગરીબ અને મધ્યમ વર્ગના ઉભરતા ખેલાડીઓ માટે આશા સમાન જિલ્લા રમત સંકુલ, ખોખરા જે ગુજરાત સરકારના રમત-ગમત, યુવા અને સાંસ્કૃતિક પ્રવૃત્તિઓ વિભાગ હસ્તક આવેલુ છે તે આજે તંત્રની ઘોર અક્ષમ્ય બેદરકારીના કારણે દયનીય અને ખંડેર હાલતમાં ફેરવાઈ ગયું છે.મહત્વનું છે કે ખોખરા સ્પોર્ટ કોમ્પ્લેક્સની મુલાકાત લેતા જ એવું લાગે છે કે અહીં કોઈ રમતવીરો તૈયાર નથી થઈ રહ્યા, પરંતુ રોગચાળો અને અકસ્માતને ખુલ્લું આમંત્રણ આપવામાં આવી રહ્યું છે. ગ્રાઉન્ડની ચારેય તરફ્ કચરાના ઢગલા, રૂમોની અંદર વગર ખેલાડીએ લાઈટો અને પંખાઓ ધમધમી રહ્યા છે, જે સરકારી નાણાં અને વીજળીનો સરેઆમ બગાડ દર્શાવે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
વટવા પોસ્ટ ઓફિસ માટે દુકાન ભાડે લીધી પણ કાર્યરત ન થતા લોકો પરેશાન
calendar_today May 24, 2026

વટવા પોસ્ટ ઓફિસ માટે દુકાન ભાડે લીધી પણ કાર્યરત ન થતા લોકો પરેશાન

વટવા પોસ્ટ ઓફિસ માટે ભાડે લીધેલી દુકાન કાર્યરત થતાં હજી સમય લાગશે. રારની પ્રોસેસ ચાલે છે, વહીવટી તંત્રની બેદરકારીને લીધે ગામડાના ગ્રાહકો દૂર સુધી જવા લાચાર બન્યા છે. છેલ્લા દસ મહિનાથી જીઆઇડીસીમાં પોસ્ટ ઓફ્સિના સ્થળાંતરથી હાલાકી તો પડી રહી છે, સાથો સાથ સિનિયર સિટીઝનો અને પેન્શનરોની મુશ્કેલી વધી છે.વટવા ગામની પોસ્ટ ઓફ્સિનું જૂનું મકાન જર્જરિત થઈ જતાં તેને છેલ્લા દસ-બાર મહિનાથી જીઆઈડીસી (GIDC) વટવા ખાતે ખસેડવામાં આવી છે. આ નિર્ણયના કારણે વટવા ગામ સહિત ગામડી, ચોસર, લાભા અને ઈન્દિરા નગર જેવા આસપાસના વિસ્તારોમાંથી આવતા હજારો ગ્રાહકો ભારે મુશ્કેલીનો સામનો કરી રહ્યા છે. ખાસ કરીને વૃદ્ધ પેન્શનરો અને સીનિયર સિટીઝન ખાતાધારકોને પોતાની નજીકની પોસ્ટલ સેવાઓ મેળવવા માટે દૂર સુધી ધક્કા ખાવા પડે છે, તેઓની મુશ્કેલીઓ ચરમસીમાએ પહોંચી ગઇ છે. જેને લઈને સ્થાનિક પ્રજામાં ભારે રોષ અને આક્રોશ જોવા મળ્યો છે. વટવા ગામ ખાતે ગોલ્ડન નાઈનમાં પોસ્ટ ઓફ્સિ માટેની નવી દુકાન તૈયાર હોવા છતાં પણ કામગીરી અટકેલી છે. પોસ્ટ કર્મચારીઓ સતાવાર કંઇ જણાવતા નથી. અધિકારીઓની ઉદાસીનતાને કારણે આ પ્રક્રિયા લંબાઈ રહી છે. સ્થાનિક લોકોનો પ્રશ્ન છે કે, શું અમલદારશાહી ઉપર કોઈનોકાબૂ છે ખરો? પ્રજાની પ્રાથમિક સુવિધાઓ સાથે જોડાયેલા આ મુદ્દે પોસ્ટ વિભાગે ત્વરિત પગલાં ભરીને વટવા ગામમાં ભાડાની દુકાનમાં શરૂ થનાર પોસ્ટ ઓફ્સિ ઝડપથી પુનઃ કાર્યરત કરવા માંગ ઉઠી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
1 જૂનથી ટાઈલ્સના ભાવ ફરી 10થી 20 ટકા વધશે
calendar_today May 24, 2026

1 જૂનથી ટાઈલ્સના ભાવ ફરી 10થી 20 ટકા વધશે

મધ્યપૂર્વમાં અશાંતિ વચ્ચે ટાઈલ્સના ભાવમાં ફરી એક વખત 10થી 20 ટકાનો વધારો થશે. ઈરાન પર અમેરિકા અને ઇઝરાઈલના હુમલા બાદ સમગ્ર વિશ્વમાં ઈંધણની અછત વચ્ચે મોંઘવારીનો બૉમ્બ ફૂટયો છે ત્યારે ગેસના અભાવે સતત દોઢેક મહિના સુધી બંધ રહેલા સિરામિક ઉદ્યોગ અચાનક જ ગેસના ભાવનો તોતિંગ ભાવ વધારો આવી પડતા ટાઇલ્સના ભાવમાં 15થી 20 ટકા જેટલો ભાવ વધારો અમલી કરવામાં આવ્યો હતો. આ ભાવ વધારાના એક જ મહિનામાં ફ્રી રો મટિરિયલમાં ભાવ વધતા આગામી તા.1 જૂનથી મોરબી સિરામિક ઇન્ડસ્ટ્રીઝ દ્વારા ફ્રી ટાઇલ્સના ભાવમાં 10થી 20 ટકા જેટલો ભાવ વધારો કરવા જાહેરાત કરવામાં આવી છે.પ્રઆપ્ત વિગતો મુજબ ઈરાન અમેરિકા વચ્ચે તંગ સંબંધો બાદ એલપીજી અને પ્રોપેનની સપ્લાય સંપૂર્ણ બંધ થતા મોરબીના સિરામિક એકમોમાં દોઢેક મહિનો શટડાઉન કરવામાં આવ્યું હતું. બીજી તરફ્ મોરબીના સિરામિક ઉદ્યોગને ધમધમતો રાખવા ઉદ્યોગકારો પાસે એક માત્ર પાઇપલાઇન નેચરલ ગેસ જ વિકલ્પ બચ્યો હોય તેમાં પણ તોતિંગ ભાવ વધારો અમલી બનાવવામાં આવતા મે મહિનામાં ગેસના ભાવ વધારાને પગલે સિરામિક ઉદ્યોગકારોએ 15થી 20 ટકા જેટલો ભાવ વધારો અમલી બનાવ્યો હતો. જેથી વોલ ટાઇલ્સના ભાવ પ્રતિ બોક્સ રૂ.160 સુધી પહોંચવાની સાથે વિટ્રીફઇડ અને જીવીટી ટાઇલ્સના ભાવ 27 રૂપિયા પ્રતિ ચોરસ ફૂટ સુધી સરેરાશ પહોંચી ગયા હતા. જો કે, હજુ પણ ગેસ સપ્લાયમાં અસ્થિરતા વચ્ચે જૂન માસમાં ફ્રી એક વખત ગેસના ભાવ વધે તેમ હોવાથી મોરબી સિરામિક એસોસિએશન દ્વારા આગામી તા.1 જૂનથી જીવીટી અને વિટ્રીફઇડ ટાઇલ્સના ભાવમાં પ્રતિ ચોરસ ફૂટે રૂ.3નો ભાવવધારો કરવા તેમજ વોલ ટાઇલ્સના ભાવમાં દરેક બોકસે રૂ.30 સુધીનો વધારો કરવા નક્કી કરી પોતાના ગ્રાહકોને ભાવ વધારા માટે તૈયાર રહેવા જાણ પણ કરી દીધી હોવાનું જાણવા મળે છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward