android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
મોતની મર્યાદા ચુકાઈ : ટ્રેક્ટરની લારીમાં મૃતદેહોને મૂકી દવાખાને ખસેડાયા
calendar_today May 24, 2026

મોતની મર્યાદા ચુકાઈ : ટ્રેક્ટરની લારીમાં મૃતદેહોને મૂકી દવાખાને ખસેડાયા

અમરેલી જિલ્લાના લાઠી-અમરેલી હાઇવે રોડ ઉપર કેરાળા ગામના પાટિયા નજીક ગોળાઈ પાસે ગઈકાલે સાંજે ખાનગી લક્ઝરી બસ અને અલ્ટો કાર વચ્ચે સર્જાયેલા ગમખ્વાર અકસ્માતમાં ત્રણ લોકોનાં ઘટનાસ્થળે જ કરુણ મોત નિપજ્યાં હતાં. જો કે, આ બનાવમાં મોતની મર્યાદા ચુકી જવાય હતી અને મૃતદેહોને યોગ્ય વાહનની વ્યવસ્થા વિના ટ્રેક્ટરની લારીમાંમૂકી લાઠી દવાખાને પોસ્ટમોર્ટમ માટે ખસેડવામાં આવ્યા હતા. અકસ્માત બાદ બસ ચાલક બસ મુકી ફ્રાર થઈ ગયો હતો. બગસરાના ગોકુલપરા વિસ્તારમાં રહેતા હસમુખભાઈ હરીભાઈ સોજીત્રાના મોટા ભાઈ ભરતભાઈ હરીભાઈ સોજીત્રા કાર નં.GJ-03-BA-8537 લઈને ધંધુકા ખાતે મંડળીના કામે ગયા હતા. કામ પૂર્ણ કરી તેઓ બગસરા પરત ફ્રી રહ્યા હતા. તેમની સાથે જીતેન્દ્રભાઈ ધનજીભાઈ પાટડીયા તથા અસ્મીતાબેન ચતુરભાઈ ગઢીયા પણ કારમાં હતા.તે દરમિયાન ગઇકાલે સાંજે લાઠી-અમરેલી હાઇવે રોડ ઉપર કેરાળા ગામના પાટિયા પાસે આવેલા વળાંક નજીક પહોંચતા સામે તરફ્થી સુરત તરફ્ જતી રોનક લક્ઝરી બસ નં.GJ-04-AT-9450 ના ચાલકે બસ પુરઝડપે ચલાવી કાર સાથે અથડાવી દીધી હતી.જેમાં ભરતભાઈ સોજીત્રા, જીતેન્દ્રભાઈ પાટડીયા તથા અસ્મીતાબેન ગઢીયાને ગંભીર ઇજાઓ પહોંચી હતી. ત્રણેયના ઘટનાસ્થળે જ મોત નિપજ્યાં હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
દુષ્કર્મ અને યુવકની ચકચારી હત્યાના ગુનામાં ફરાર બેલડી 781 દિવસે ઝડપાઈ
calendar_today May 24, 2026

દુષ્કર્મ અને યુવકની ચકચારી હત્યાના ગુનામાં ફરાર બેલડી 781 દિવસે ઝડપાઈ

રાજકોટના પડધરી પંથકના દુષ્કર્મ અને પોક્સો કેસના ફ્રિયાદી યુવકની ઘાતકી હત્યા કરવાના મામલે છેલ્લા બે વર્ષથી નાસતા ફ્રતા બે મુખ્ય આરોપીઓ મહેન્દ્રસિંહ રણજીતસિંહ જાડેજા અને યશપાલસિંહ જાડેજાને જીલ્લા પોલીસની ટીમે રાજસ્થાન બોર્ડર પાસેથી ઝડપી લઈ વિશેષ પુછતાછ કરતા બન્ને આરોપીઓ રાજસ્થાન અને મનાલીમાં છુપાયા હતા અને કેસમાં સમાધાનના મામલે યુવકની હત્યા કરી પરત રાજસ્થાન નાસી છુટે તે પુર્વે જ પોલીસની ટીમે દબોચી લીધા હતોપોલિસ સુત્રોના જણાવ્યા મુજબ પડધરીના ખાખડાબેલા ગામે રહેતા યુવરાજસિંહ જાડેજા તેની મહિલા મિત્ર સાથે પોતાની કાર લઈને પડધરી તાલુકાના પોતાના ગામે જઈ રહ્યા હતા, ત્યારે આરોપીઓએ પૂર્વઆયોજિત કાવતરાના ભાગરૂપે તેમની હેરિયર કાર સાથે પોતાની કાર ભટકાવી દીધી હતી. અકસ્માત સર્જ્યા બાદ આવેશમાં આવીને આરોપીઓએ યુવક પર છરીના આડેધડ એક પછી એક 9 જેટલા ઘા ઝીંકીને તેને જાહેરમાં હત્યા કરી ત્યાંથી નાસી છૂટયા હતા. આ ઘટનાને પગલે સમગ્ર પંથકમાં ભારે ચકચાર મચી ગઈ હતી. આ ચકચારી હત્યા કેસમાં પોલીસની ગંભીર બેદરકારી પણ સામે આવી હતી, કારણ કે મૃતક યુવકે અગાઉથી જ પોતાના જીવનું જોખમ હોવા અંગે પડધરી પોલીસ સ્ટેશનમાં લેખીતમાં ફરીયાદ કરી હતી. તેમ છતાં પોલીસે યોગ્ય પગલાં ન લેતા ફ્રિયાદીની હત્યા થઈ ગઈ હતી. આ સમગ્ર મામલાને અત્યંત ગંભીરતાથી લઈને રેન્જ ડીઆઈજી નિર્લિપ્ત રાયએ તાત્કાલિક અસરથી બે પોલીસ ઈન્સ્પેક્ટર (PI) સહિત ચાર પોલીસ કર્મચારીઓને સસ્પેન્ડ કરી દીધા હતા. રેન્જ આઈજીના આ કડક આદેશ બાદ દોડતી થયેલી પોલીસે આરોપીઓને પકડવા માટે એસપી વિજયસિંહ ગુર્જર અને એએસપી સિમરન ભારદ્વાજના સુપરવિઝન હેઠળ 3 પીઆઈ, 3 પીએસઆઈ સહિત 100 જેટલા પોલીસ જવાનોની એક ખાસ મેગા ટીમ બનાવી હતી. ટેકનિકલસોર્સ અને ચોક્કસ બાતમીના આધારે પોલીસે રાજસ્થાન સરહદ નજીકથી ગણતરીના કલાકોમાં જ બંને આરોપીઓને દબોચી લીધા હતા. પોલીસની પ્રાથમિક પૂછપરછમાં સામે આવ્યું છે કે, આરોપીઓ વિરુદ્ધ અગાઉ પણ ખનીજચોરી, દુષ્કર્મ અને પોક્સો હેઠળ અલગ-અલગ ફ્રિયાદો નોંધાઈ ચૂકી છે. આ હત્યાના ગુનામાં ઉપયોગમાં લેવાયેલી બ્રેઝા કાર તેઓ કચ્છના ગાંધીધામ ખાતેથી કાનાભાઈ આહીર પાસેથી લાવ્યા હતા અને પોલીસને ગેરમાર્ગે દોરવા માટે અસલી નંબર પ્લેટ કાઢીને ખોટી નંબર પ્લેટ લગાવી દીધી હતી. છેલ્લા બે વર્ષ દરમિયાન પોલીસ પકડથી બચવા માટે આરોપીઓ રાજસ્થાન, હરિયાણા અને ઉતરાખંડ જેવા રાજ્યોમાં સતત આશરો લેતા હતા અને પોતાના મોબાઈલ ફેનનો બિલકુલ ઉપયોગ કરતા નહોતા. તેઓ હોટલોમાં વેઈટર કે સફઈ કર્મચારી તરીકે નાનું-મોટું કામ કરીને ગુજરાન ચલાવતા હતા અને માત્ર જરૂર પડે ત્યારે જ મિત્રોના ફેનથી સંપર્ક કરી પૈસા મંગાવતા હતા. હાલ પોલીસે હત્યાના ગુનામાં બંનેના રિમાન્ડ મેળવવાની તજવીજ હાથ ધરી છે, તેમજ ફ્રાર રહેવા દરમિયાન અન્ય કોઈ સ્થાનિક કે બહારના શખ્સોએ તેમને મદદગારી કરી હતી કે કેમ તે અંગે પણ કડક પૂછપરછ શરૂ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
200 કિ.મી.નાં 150થી વધુ CCTV તપાસી ગેંગના 3 સાગરીતને ઝડપી લીધા, 5 હજૂ ફરાર
calendar_today May 24, 2026

200 કિ.મી.નાં 150થી વધુ CCTV તપાસી ગેંગના 3 સાગરીતને ઝડપી લીધા, 5 હજૂ ફરાર

બાબરા તાલુકાનાં ખાખરીયા ગામમાં થયેલી રૂ.18.60 લાખની ચોરીનો ભેદ ઉકેલાયો છે. અમરેલી LCB અને બાબરા પોલીસે સંયુકત તપાસ હાથ ધરીને આંતરરાજય ચોર ગેંગના ત્રણ સાગરીતોને પડકી પાડયા છે. હજૂ પાંચ આરોપી ફરાર છે. પોલીસે આશરે 200 કિ.મી.માં લગાવેલા 150થી વધુ સીસીટીવી તપાસી આરોપીઓને ઝડપી લીધા હતા. પુછપરછમા આ તસ્કર ગેંગ ગૂગલ મેપથી 500 કિ.મી. દૂરનાં ગામોને નિશાન બનાવતી હોવાની મોડસ ઓપરેન્ડી સામે આવી છે.બાબરા તાલુકા ના ખાખરીયા ગામે ગત તા.10/5 ના પૌત્રની સગાઇમાં સુરત ગયેલા ખેડુત જાદવભાઇ સવજીભાઇ નારોલાના રહેણાક મકાનના તાળા તોડી કબાટમાં રાખેલા સોનાના દાગીના કુલ કીમત 15.60 લાખ અને ખેત ઉપજ વેચાણની રકમ ત્રણ લાખ મળી કુલ 18.60 લાખની ચોરી થવા અંગે બાબરા પોલીસ મથક માં ફ્રિયાદ નોંધવા પામી હતી. સ્થાનિક પોલીસ ટીમ અને જીલ્લા એલ.સી.બી ટીમ દ્વારા 200 કિ.મી.ના 150થી વધુ સીસી ટીવી ફૂટેજ અને ટેકનીકલ સ્ત્ર્રોત સહિત હ્યુમન સ્ત્ર્રોત આધારે મહારાષ્ટ્ર ના પુના અને દાહોદ જીલ્લાના ઝાલોદ તાલુકામાંથી કાર્તિક રમેશભાઈ ચામઠા, સુનીલ ઈશ્વરભાઈ નાનાવત (રહે.ઓસાડે ગાવથન જી.પુના મહરાષ્ટ્ર) વ્યાસ કડવા મનાવત ( રહે.ડોંગરગાવ તા.વડ્ગાવ જી.પુના)ને રોકડા રૂપિયા 1,50,000 તથા ચોરી કરવા ઉપયોગમાં લાવેલા કાર પકડી પાડયા છે જયારે 15.60 લાખના સોનાના દાગીના તથા રોકડ 1.5 લાખ ઝડપવા બાકી છે. પોલીસ પ્રાથમિક પુછપરછ માં પકડાયેલા આરોપી દ્વારા ચોરી ને અંજામ આપવા મદદ કરનારા સાથી તસ્કરો તરીકે સુબ્રમણ્યમ મુક્તાર મનાવત રહે.પુના અવિનાશ કીડું ચામઠા રહે.ઝાલોદ જી.દાહોદ રાજપાલ કલ્પેશભાઈ ચામઠા રહે.ઝાલોદ જી.દાહોદ ભગીરથ ચંદુભાઈ ચામઠા રહે.ઝાલોદ જી.દાહોદ વિશ્વનાથ શર્મા નાનાવત રહે.પુના મહારાષ્ટ્રના નામો જાહેર થતા તેમની શોધખોળ આદરી છે. પોલીસની તપાસમાં આ તસ્કરોની ચોરી કરવાની મોડસ ઓપરેન્ડી સામે આવી છે. જેમાં ગુજરાત અને મહારાષ્ટ્રના આરોપી દ્વારા પોતાના રહેઠાણથી 500 કિમી દુર ગુગલ મેપ આધારિત આંતરીયાળ ગ્રામ્ય વિસ્તારમાં પ્રથમ સ્પોર્ટ બાઈક ઉપર ચોરીને અંજામ આપી ત્યાંથી 100 કિમી જેટલા દુર અન્ય તસ્કર કાર સાથે ઉભા રહી અને એક મેકના વાહનો અને ચોરી કરેલ મુદ્દામાલ બદલી નાખતા હતા. ફોર વ્હીલના તસ્કરો પોલીસથી બચવા માટે અરસ-પરસ ચેન્જ થઈ જતા હતા. બાઈકના ઈસમો ફોરવ્હીલમાં અને ફોર વ્હીલના ઈસમો બાઈક લઈને અને હેલ્મેટ પહેરીને પોતાના મુળ સ્થાને પહોંચી જતા હોવાનું પોલીસ તપાસમાં ફ્લિત થયાનું જાણવા મળે છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward