Himatnagar: વિજયનગર પાલ ચેક પોસ્ટ ITI પાસે લટાર મારતો દીપડો દેખાયો
વિજયનગર તાલુકાના કોડીયાવાડા- ચિઠોડાના હાઈવે માર્ગ પર મોડી રાત્રે પસાર થઈ રહેલા એક વાહન ચાલકે પાલ ચેક પોસ્ટ પાસે આવેલી મીની ITI આગળ આંટા ફેરા કરી રહેલો દીપડો જોવ્તા મળતાં વાહનની અંદર બેઠેલા મુસાફરો એક તબક્કે ડરી ગયા હતા. પરંતુ અંદર બેઠેલા મુસાફરે આંટા ફેરા કરી રહેલા દીપડાનો વિડિયો ઉતારી વાયરલ કરતા પાલ વિસ્તારના લોકોમાં ભયનો માહોલ ફેલાયો છે. શુક્રવારની મોડી રાત્રે હાઈવે રસ્તા પર પસાર થઈ રહેલા વાહન ચાલકને ITI પાસે દિપડો જોવા મળ્યો હતો.પરંતુ વાહનની લાઈટથી અંજાઈ જતા આમ તેમ ભાગી રહ્યો હતો. દીપડાની ઝલક મોબાઈલ કેમેરામાં કેદ કરી લેવાઈ હતી. આ દીપડો વાહનની લાઈટ ધીમી પડતા સંચરાઈ માતાજી તરફ્ના રસ્તે ભાગી ગયો હતો. જેનો વીડિયો સોશ્યિલ મિડીયા ગ્રુપમાં ફરતો થતાં જંગલ નજીક વસતા લોકોમાં દિપડાનો ભય વ્યાપી ગયો છે. આ દીપડો જ્યાં જોવા મળ્યો ત્યાં પાલ ચેક પોસ્ટ પર પોલીસ કર્મીઓના આરામ માટેનો તંબુ ઉભો કરાયો છે અને નજીકમાં પાલ ગામની જૂથ વસ્તીનો વસવાટ છે. મોટા ભાગે લોકો રાત્રે ઘર બહાર આંગણે અને ધાબા ઉપર ઊંઘતા હોય છે. આ દિપડો ગામમાં ઘૂસ્યો હોત તો કોઈ નિર્દોષ વ્યક્તિને હાની પહોંચાડી શક્યો હોત, એવા સવાલ લોકોમાં ઊભા થયા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward