Patan: રાધનપુર તાલુકા પંચાયતના પ્રમુખ તરીકે રમેશભાઈ પરમારની નિયુક્તિ
રાધનપુર તાલુકા પંચાયતનું 18 બેઠકનું પરિણામ જાહેર થતા ની સાથે જ ભારતીય જનતા પાર્ટી એ 18 માંથી 16 સીટ પર વિજય મેળવી કમળ ખીલવ્યું હતું. આમ પરિણામ બાદ રાધનપુર તાલુકા પંચાયતના પ્રમુખ અને ઉપપ્રમુખ તરીકે કોણ નિયુકત થશે તેનો આજે અંત આવ્યો છે. જ્યારે આજરોજ રાધનપુર તાલુકા પંચાયતના પ્રમુખ અને ઉપપ્રમુખની બિન હરીફ્ વરણી પ્રક્રિયા હાથ ધરવામાં આવી હતી જેમાં પ્રમુખ તરીકે રાધનપુર તાલુકા પંચાયતની અરજણ સીટ પરથી વિજેતા બનેલ રમેશભાઈ હરિભાઈ પરમારને પ્રમુખ તરીકે નિયુક્ત કરવામાં આવ્યા છે જ્યારે રાધનપુર તાલુકા પંચાયતની સરદારપુરા બેઠક પર વિજય થયેલ ભરતભાઈ ધનાભાઈ ચૌધરીની ઉપપ્રમુખ તરીકે વરર્ણી કરવામાં આવી છે. આ પ્રમુખ અને ઉપપ્રમુખની વરણી પ્રક્રિયા સમય દરમિયાન ભારતીય જનતા પાર્ટીના તમામ સદસ્યો હાજર રહ્યા હતા. આમ પ્રમુખ અને ઉપપ્રમુખની સર્વનુંમતે વરણી થતાં ભારતીય જનતા પાર્ટીના હોદ્દેદારો તેમજ સમર્થકોમાં આનંદ અને ઉલ્લાસ જોવા મળ્યો હતો અને વરણી પ્રક્રિયા બાદ પ્રમુખ અને ઉપપ્રમુખને શુભેચ્છાઓ પાઠવી રાધનપુર તાલુકાના વિકાસ કાર્યોને વેગ મળે તેવી આશા વ્યક્ત કરી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward