android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
પોલીસ દ્વારા માનવતાની પરબ શરુ કરાઈ
calendar_today May 22, 2026

પોલીસ દ્વારા માનવતાની પરબ શરુ કરાઈ

અમદાવાદ । કાળઝાળ ગરમીમાં લોકોની તરસ છિપાવવા માટે અમદાવાદની જશોદાનગર પોલીસ ચોકી દ્વારા ઠંડા પાણીના કેમ્પર મૂકીને સરાહનીય વ્યવસ્થા ઊભી કરવામાં આવી છે. પોલીસનો આ માનવતાવાદી ચહેરો જોઈ સ્થાનિકોએ બિરદાવી રહ્યા છે અને લોકો કાળઝાળ ગરમીમાં ઠંડું પાણી પીધા પછી પોલીસની કામગીરીને લઈને ખુશી વ્યક્ત કરી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ગરમીનો પ્રકોપ : રસ્તાઓ પર બપોરે કર્ફ્યુજેવો માહોલ
calendar_today May 22, 2026

ગરમીનો પ્રકોપ : રસ્તાઓ પર બપોરે કર્ફ્યુજેવો માહોલ

ચાલુ વર્ષે ઉનાળાએ પોતાનું રૌદ્ર સ્વરૂપ બતાવવાનું શરૂ કરી દીધું છે. અમદાવાદ સહિત સમગ્ર રાજ્યમાં સૂર્યદેવ જાણે અગનગોળા વરસાવી રહ્યા છે. શહેરમાં પારો 43 ડિગ્રીને પાર પહોંચી જતાં અસહ્ય બફરા અને લૂના કારણે નગરજનો ત્રાહિમામ પોકારી ઉઠયા છે. ગરમીનો પ્રકોપ એટલો પ્રચંડ છે કે બપોરના સમયે cityના માર્ગો પર જાણે સ્વયંભૂ લૉકડાઉન કે કર્ફ્યુ જેવી સ્થિતિ સર્જાઈ રહી છે.સામાન્ય રીતે વાહનોની ધમધમાટ અને ટ્રાફ્કિથી ઉભરાતા અમદાવાદના લાલ દરવાજા, આશ્રામ રોડ, એસ.જી. હાઈવે અને સી.જી. રોડ કે રિવરફ્રન્ટ જેવા વ્યસ્ત વિસ્તારો બપોરે 12 થી 4 વાગ્યાના ગાળામાં સાવ સૂમસામ જોવા મળી રહ્યા છે. કામે નીકળેલા વાહનચાલકો પણ ગરમીથી બચવા લાલ લાઈટ પર બ્રિજની નીચેઅથવા ઝાડના છાંયડે આશરો લેતા નજરે પડે છે. બપોરના સમયે લોકો બિનજરૂરી બહાર નીકળવાનું ટાળી રહ્યા છે, જેના કારણે બજારોમાં પણ ગ્રાહકોની પાંખી હાજરી જોવા મળી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
જશોદાનગરમાં ગટરલાઈન માટે ખાડો ખોદી તંત્ર પૂરાણ કરવાનું ભૂલી ગયું !
calendar_today May 22, 2026

જશોદાનગરમાં ગટરલાઈન માટે ખાડો ખોદી તંત્ર પૂરાણ કરવાનું ભૂલી ગયું !

શહેરના સ્માર્ટ સિટીના દાવાઓ વચ્ચે જશોદાનગર બ્રિજ નીચે તંત્રની ગંભીર બેદરકારી સામે આવી છે. અહીં બ્રીજની નીચે પાઈપલાઈન નાંખવા મસમોટો ખાડો ખોદીને લાંબા સમયથી એમ જ બિનવારસી હાલતમાં છોડી દેવામાં આવ્યો છે. સ્થાનિક રહીશોનું કહેવું છે કે બપોરના સમય આ બ્રીજ નીચે લારીઓ ઉભી રહે છે અહીં બપોરે બાળકો રમે છે. પરંતુ અત્યારે કોર્પોરેશને ખોદીને છોડી મુકી છે. અહીં આસપાસ દુકાનો આવેલી છે તેઓનું કહેવું છે કે આ ખોડો ખોદવાથી અનેક વખત બાળકો રમતા રમતા અંદર પડી જવાના બનાવો બન્યા છે. એટલુ જ નહીં જ્યારે પવન આવે છે ત્યારે ધુળ દુકાનોની અંદર આવતી હોવાની પણ ફરિયાદ ઉઠી છે.મહત્વનું છે કે, રસ્તાની બિલકુલ વચ્ચે કેબલિંગ અથવા ડ્રેનેજની લાઈન નાખવા માટે ઊંડી ખાઈ ખોદવામાં આવી છે. ખોદકામ કર્યા બાદ માટીના ઢગલા અને પથ્થરો રસ્તા પર જ વેરવિખેર પડયા છે. માત્ર એક સામાન્ય પ્લાસ્ટિકની પટ્ટી (બેરિકેડિંગ) લગાવીને તંત્રએ પોતાની જવાબદારીમાંથી પલ્લો ઝાડી લીધો છે. રાત્રિના અંધારામાં આ પટ્ટી દેખાતી ન હોવાથી કોઈ મોટો અકસ્માત સર્જાય તેવી પૂરેપૂરી આશંકા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward