Rajya Sabha Election: 10 રાજ્યોની 24 બેઠકો માટે ચૂંટણી તારીખ જાહેર, જાણો ક્યારે વોટિંગ?
10 રાજ્યોમાં 24 રાજ્યસભા બેઠકો માટે ચૂંટણી યોજાવાની છે. ચૂંટણી પંચે શુક્રવારે ચૂંટણીની તારીખોની જાહેરાત કરી. ચૂંટણી પંચે માહિતી આપી છે કે 10 રાજ્યોમાં આ 24 રાજ્યસભા બેઠકો માટે ચૂંટણી 18 જૂન, 2026 ના રોજ યોજાશે. ચૂંટણી પંચની જાહેરાત બાદ, સંબંધિત રાજ્યોમાં રાજકીય ગતિવિધિઓ તેજ થઈ ગઈ છે.કયા 10 રાજ્યોમાં થશે ચૂંટણી ? જે રાજ્યોમાં ચૂંટણી યોજાવાની છે તેમાં આંધ્રપ્રદેશ, ગુજરાત, મધ્યપ્રદેશ, ઝારખંડ, રાજસ્થાન, કર્ણાટક, મણિપુર, મેઘાલય, અરુણાચલ પ્રદેશ અને મિઝોરમનો સમાવેશ થાય છે. આંધ્રપ્રદેશ, ગુજરાત અને કર્ણાટકમાં સૌથી વધુ બેઠકો - દરેકમાં ચાર - માટે મતદાન થશે. કેટલી રાજ્યસભા બેઠકો માટે ચૂંટણી યોજાશે ? ચૂંટણી પંચ દ્વારા જાહેર કરાયેલા એક નિવેદનમાં જણાવાયું છે કે 10 રાજ્યોના વર્તમાન સંસદસભ્યો 21 જૂનથી 19 જુલાઈ વચ્ચે વિવિધ તારીખે રાજ્યસભામાંથી નિવૃત્ત થઈ રહ્યા છે. રાજ્યસભાની ચૂંટણી આંધ્રપ્રદેશ, ગુજરાત અને કર્ણાટકમાં ચાર-ચાર બેઠકો. મધ્યપ્રદેશ અને રાજસ્થાનમાં ત્રણ-ત્રણ બેઠકો; ઝારખંડમાં બે બેઠકો.મણિપુર, મેઘાલય, અરુણાચલ પ્રદેશ અને મિઝોરમમાં એક-એક બેઠક માટે યોજાશે. કોંગ્રેસ પ્રમુખ મલ્લિકાર્જુન ખડગે, દિગ્વિજય સિંહ અને ભૂતપૂર્વ વડા પ્રધાન એચ.ડી. દેવગૌડા જેવા અગ્રણી નેતાઓ રાજ્યસભામાંથી નિવૃત્ત થવાના છે. રાજસ્થાનથી રાજેન્દ્ર ગેહલોત, નીરજ ડાંગી અને રવનીત સિંહની બેઠકો પણ ખાલી થવાની તૈયારીમાં છે. ચૂંટણી સમયપત્રક મુજબ, સત્તાવાર સૂચના 1 જૂને જાહેર કરવામાં આવશે. ઉમેદવારો 8 જૂન સુધી તેમના નામાંકન દાખલ કરી શકશે. નામાંકન પત્રોની ચકાસણી 9 જૂને થશે, જ્યારે ઉમેદવારો 11 જૂન સુધી તેમના નામાંકન પાછા ખેંચી શકશે.ચૂંટણી પંચે નિર્દેશો કર્યા જાહેર ચૂંટણી પંચે મતદાન પ્રક્રિયા અંગે ખાસ નિર્દેશો જારી કર્યા છે. પંચે સ્પષ્ટતા કરી છે કે મતદાન દરમિયાન, ફક્ત રિટર્નિંગ ઓફિસર દ્વારા પૂરી પાડવામાં આવેલ ખાસ જાંબલી રંગની સ્કેચ પેનનો ઉપયોગ કરવાનો રહેશે. અન્ય કોઈપણ પેનનો ઉપયોગ કરવાની મંજૂરી આપવામાં આવશે નહીં. નિષ્પક્ષ મતદાન સુનિશ્ચિત કરવા માટે નિરીક્ષકોની પણ નિમણૂક કરવામાં આવશે. આ પણ વાંચો- PM Modi ઇટલીના પ્રવાસે.. જુઓ મોદી-મેલોનીની કેમિસ્ટ્રી
Read Full Story arrow_forward
