Community News & Updates

Stay informed with the latest happenings, achievements, and announcements from our community.

All News

calendar_today May 20, 2026

શામળાજીના મેશ્વો જળાશયમાંથી નદીમાં પાણી છોડાતા ખેડૂતોને રાહત

અરવલ્લીના શામળાજીના મેશ્વો જળાશયમાંથી મેશ્વો નદીમાં પાણી છોડાતાં નદી કાંઠાના બોર-કુવાઓમાં પાણીના જળસ્તર ઉંચા આવશે જેથી ખેડૂતોનો પાણીનો પ્રશ્નહલ થશે તેમ જાણવા મળેલ છે.શામળાજી તાલુકાના મેશ્વો નદી કાંઠા વિસ્તારના ખેરંચા, ભવાનપુર, શામળપુર, ખારી, વજાપુર, દાંતીયા, સોડપુર, અસાલ, વાંદિયોલ તેમજ ગડાદર સહિતના ગામોના ખેડૂતો દ્વારા મેશ્વો નદી કોરી ધાકોર બની જતાં બોર-કુવાઓમાં પાણીનું સ્તર ઘટી જતાં ઘાસચારાને પિયતની તેમજ પશુઓને પીવાના પાણીની મુશ્કેલી સર્જાવા લાગતાં મેશ્વો જળાશયમાંથી મેશ્વો નદીમાં પાણી છોડવાની માંગણી ઉઠી હતી અને સિંચાઈ વિભાગે પાણી છોડવા બાબતે રજુઆત કરાઈ હતી. જેથી નદી કાંઠાના ખેડૂતોની માંગણીને સિંચાઈ વિભાગ દ્વારા સંતોષીને શામળાજીના મેશ્વો જળાશયમાંથી આજરોજ મેશ્વો નદીમાં પાણી છોડવામાં આવ્યું હતું. જે 30 દિવસ સુધી રોજનું 45 ક્યુસેક પાણી છોડવામાં આવશે તેમ જાણવા મળેલ છે. મેશ્વો નદીમાં પાણી છોડવામાં આવતાં ખેડૂતોમાં આનંદ વ્યાપ્યો હોવાનું જાણવા મળેલ છે. કાળઝાડ ગરમીમાં પશું-પંખીઓને પીવા માટે પાણી મળશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 20, 2026

હીટવેવનો કાળો કેરઃ સરકારી હોસ્પિટલમાં રોજના 600થી 700 દર્દીઓ ઉભરાયા

સમગ્ર ગુજરાતમાં ભારે ગરમીને કારણે લોકો પણ મારી ચિંતામાં મુકાઈ ગયા છે ત્યારે ધોરાજી શહેર અને ગ્રામ્યમાં પણ 40 થી 44 ડિગ્રી તાપમાન વચ્ચે લોકો યેલો એલર્ટ સામે લડી રહ્યા છે હાલમાં ધોરાજી સરકારી હોસ્પિટલમાં દરરોજ 600 થી 700 દરમિયાન સારવાર માટે આવી રહ્યા છે તે ખૂબ જ ચિંતાનો વિષય થઈ રહ્યો છેહીટવેવને કારણે દર્દીઓની સંખ્યા વધી રહી છે અને ખાનગી હોસ્પિટલો પણ ભરાઈ ગઈ છે ત્યારે ધોરાજીમાં યેલો એલર્ટને કારણે લોકોની તબિયત બગડી રહી છે ખાસ કરીને પેટનો દુખાવો,ઝાડા તેમજ તાવના દર્દીઓ વધુ પ્રમાણમાં જોવા મળી રહ્યા છે.લોકોએ ગરમીમાં પણ બહાર જવાનું ટાળવું જોઈએ પ્રસંગોમાં જવું હોય તો રાત્રિના સમયે જવું જોઈએ આવા તડકાના સમયમાં બહાર ન જવા પણ લોકોને અપીલ છે.ધોરાજી સરકારી હોસ્પિટલના અધિક્ષક ડોક્ટર જયેશ વેશેટીયનનો સંપર્ક કરતા તેઓએ જણાવેલ કે હાલમાં ભારે ગરમીને કારણે સરકારી હોસ્પિટલમાં દર્દીઓનો વધારો જોવા મળી રહ્યો છે દરરોજ 600 થી 700 દર્દીઓ આવી રહ્યા છે મહિને અંદાજે 25 થી 26,000 દર્દીઓ નોંધાઈ રહ્યા છે આ બાબતે ધોરાજી સરકારી હોસ્પિટલમાં પણ ડોક્ટરોની ટીમ ખડે પગે રાખવામાં આવી છે સિવિલ હોસ્પિટલમાં 24 કલાક ડોક્ટર અને નર્સિંગ સ્ટાફ્ ખડેપગે રાખવામાં આવ્યા છે તેમજ એમ્બ્યુલન્સ વાહન અને ઓઆરએસ કાઉન્ટર શરૂ કરાયા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 20, 2026

ડીઝલની અછતનો ફટકોઃ કોડીનાર યાર્ડમાં કઠોળની આવક અનિશ્ચિત મુદ્દત માટે બંધ

ગીર સોમનાથ જિલ્લાના અગ્રણી કોડીનાર માર્કેટિંગ યાર્ડ દ્વારા આજથી કઠોળની આવક સંપૂર્ણપણે બંધ કરવાનો મહત્વનો નિર્ણય લેવામાં આવ્યો છે. હાલમાં વર્તાઈ રહેલી ડીઝલની તીવ્ર અછત અને તેના કારણે સર્જાયેલી ટ્રાન્સપોર્ટની સમસ્યાને પગલે મગ, અડદ અને તલ સહિતના કઠોળના વેપાર પર સીધી માઠી અસર પડી છે. માર્કેટિંગ યાર્ડના આ અણધાર્યા નિર્ણયથી સ્થાનિક ખેડૂતોઅને વેપારીઓ બંને ભારે ચિંતામાં મુકાયા છે. આ ગંભીર મુદ્દે કોડીનાર માર્કેટિંગ યાર્ડના સેક્રેટરીએ જણાવ્યું હતું કે, Personal Context Omitted હાલ ચોમાસાની આગામી સિઝન માટે ખેતરો તૈયાર કરવાનો ખૂબ જ મહત્વનો સમય ચાલી રહ્યો છે. ખેડૂતો પોતાનો પાક વેચીને આગામી વાવેતર માટે બીજ, ખાતર અને મજૂરીના ખર્ચની વ્યવસ્થા કરતા હોય છે. ખરીદી બંધ થતાં ખેડૂતો પાસે પાકનો સંગ્રહ કરવા સિવાય કોઈ વિકલ્પ બચ્યો નથી, જેના કારણે ગ્રામ્ય અર્થતંત્ર ખોરવાઈ જવાનો ભય છે. બીજી તરફ્ વેપારીઓ પણ મૂંઝવણમાં મુકાયા છે. ઉપલબ્ધ ગણતરીની ટ્રકોના ભાડામાં તોતિંગ વધારો ઝીંકાયો હોવાથી વેપાર કરવો નુકસાનકારક સાબિત થઈ રહ્યો છે. જો સરકાર વહેલી તકે ડીઝલનો પુરવઠો સામાન્ય નહીં કરે તો વેપાર વ્યવસ્થા વધુ કથળશે તેવી ભીતિ વેપારીઓએ વ્યક્ત કરી છે. ડીઝલની આ કટોકટી વચ્ચે કોડીનાર તાલુકાના ખેડૂતો માટે રાહતના સમાચાર આવ્યા છે. ખેડૂતોને ખેતીકામ અને વાહનો માટે ડીઝલ મળી રહે તે માટે તાલુકાના 9 જેટલા પ્રવેશ પંપના સંચાલકોની ટીમો બનાવાઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward