Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 19 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ગુજરાતના આર્થિક પાટનગર ગણાતા સુરત શહેરમાંથી સુરત ક્રાઈમ બ્રાન્ચે એક ખૂબ જ મોટી સફળતા મેળવી છે. ઉત્તર પ્રદેશ પોલીસની ઉંઘ હરામ કરનારો અને લાંબા સમયથી નાસતો-ફરતો કુખ્યાત ગેંગસ્ટર શોલેસિંગ જોનપુરવાળો સુરતમાંથી દબોચી લેવાયો છે. સુરત ક્રાઈમ બ્રાન્ચે બાતમીના આધારે ઓપરેશન પાર પાડીને આ ખતરનાક શાર્પ શૂટરને જીવતા કારતૂસ અને વિદેશી બનાવટની પિસ્તોલ સાથે ઝડપી પાડ્યો છે.2 અત્યાધુનિક પિસ્તોલ અને 6 નંગ જીવતા કારતૂસ મળી આવ્યા મળતી માહિતી મુજબ, સુરત ક્રાઈમ બ્રાન્ચની ટીમને ચોક્કસ કડીઓ મળી હતી કે ઉત્તર પ્રદેશનો મોટો ગુનેગાર સુરતમાં આશરો લઈને છુપાયો છે. આ બાતમીના આધારે પોલીસે વોચ ગોઠવીને આરોપી શોલેસિંગ (રહે. જોનપુર, યુપી) ને ઘેરી લીધો હતો. તેની અંગઝડતી લેતા પોલીસ પણ ચોંકી ઉઠી હતી. આરોપી પાસેથી 2 અત્યાધુનિક પિસ્તોલ અને 6 નંગ જીવતા કારતૂસ મળી આવ્યા છે, જેને પોલીસે સ્થળ પર જ જપ્ત કરી લીધા છે. રૂપિયા 1.5 લાખનું હતું ઈનામ પકડાયેલો આરોપી શોલેસિંગ ઉત્તર પ્રદેશ પોલીસના ચોપડે મોસ્ટ વોન્ટેડ લિસ્ટમાં હતો. તેની ગુનાહિત પ્રવૃત્તિઓ અને આતંકને જોતાં ઉત્તર પ્રદેશ સરકાર અને પોલીસ વિભાગ દ્વારા તેની ધરપકડ પર રૂપિયા દોઢ લાખનું મોટું રોકડ ઈનામ જાહેર કરવામાં આવ્યું હતું. તે લાંબા સમયથી પોતાની ઓળખ છુપાવીને પોલીસને હાથતાળી આપી રહ્યો હતો. હત્યાની કોશિશ અને ખંડણીના ગંભીર ગુના પોલીસની પ્રાથમિક પૂછપરછમાં સામે આવ્યું છે કે પકડાયેલા ગેંગસ્ટર સામે ઉત્તર પ્રદેશના જુદા જુદા પોલીસ સ્ટેશનોમાં હત્યાની કોશિશ આર્મ્સ એક્ટ અને વેપારીઓ પાસે મોટી રકમની ખંડણી ઉઘરાવવા સહિતના કુલ 5 જેટલા ગંભીર ગુનાઓ સત્તાવાર રીતે નોંધાયેલા છે. સુરત ક્રાઈમ બ્રાન્ચે આ અંગે ઉત્તર પ્રદેશ પોલીસને પણ જાણ કરી દીધી છે, અને આગળની કાનૂની કાર્યવાહી તેમજ ટ્રાન્સફર વોરંટની પ્રક્રિયા હાથ ધરી છે. આ ધરપકડથી સુરતમાં કોઈ મોટી ગુનાહિત ઘટના બનતા અટકી હોવાની પણ આશંકા સેવાઈ રહી છે.આ પણ વાંચો ----- Gandhinagar : ભાજપે પદાધિકારીઓની નિમણૂક મુદ્દે આપ્યું મોટું નિવેદન,વાંચો ક્યારે થશે નામો જાહેર
Read Full Story arrow_forward
ગુજરાતમાં સ્થાનિક સ્વરાજ્યની ચૂંટણીના પરિણામો આવ્યા બાદ હવે હોદ્દેદારોની વરણી થઈ રહી છે. ત્યારે ચૂંટણી વખતનું મનદુઃખ હજી સમાયું નથી. ભાજપના સાંસદ મનસુખ વસાવાએ ચૂંટણી પહેલા જ કહ્યું હતું કે, આ ચૂંટણીમાં ભાજપ જ ભાજપને હરાવશે. તેમના આ નિવેદન પ્રમાણે ક્યાંક એ પ્રમાણેના પરિણામો પણ જોવા મળ્યા છે. ત્યારે તેમણે ફરીવાર એક નિવેદન આપીને વિવાદ ઉભો કર્યો છે. તેઓ નર્મદાના ડેડિયાપાડા ખાતે ભાજપની એક બેઠકમાં પહોંચ્યા હતાં અને જિલ્લા પ્રમુખ સામે પરાજયનો આરોપ લગાવ્યો હતો. ચૈતર વસાવા અને ભાજપના જિલ્લા પ્રમુખ મળેલા છે ભાજપના સાંસદ મનસુખ વસાવાએ નર્મદા જિલ્લામાં જે જગ્યાએ ભાજપનો પરાજય થયો છે તેનો દોષનો ટોપલો જિલ્લા પ્રમુખ પર નાંખતા કહ્યું હતું કે, આમ આદમી પાર્ટીના ધારાસભ્ય ચૈતર વસાવા અને ભાજપના જિલ્લા પ્રમુખ મળેલા છે. તેઓ પ્રમુખનો હોદ્દો મળ્યો છે એટલે મન ફાવે તેવું કરે છે. ભાજપના કાર્યકરોએ નીલ થી ડરવાની જરૂર નથી. ચૂંટણીમાં ખોટો પ્રચાર કરી રહેલા ચૈતર વસાવા સામે કાઉન્ટર કરવાની જગ્યાએ ભાજપના પ્રમુખ નીલ રાવ ઓફિસમાં બેસી રહે છે. મનસુખ વસાવાના નિવેદનને લઈને રાજકારણમાં ગરમાવો મનસુખ વસાવાએ એવો આરોપ લગાવ્યો હતો કે, સ્થાનિક સ્વરાજ્યની ચૂંટણીમાં ભાજપના મહામંત્રી કે જિલ્લા પ્રમુખ કોઈ જગ્યાએ પ્રચારમાં નીકળ્યા નહીં એટલે પરાજય થયો છે. આ ભાજપ છે કોઈનું પણ આ પ્રકારનું વલણ ચલાવી નહીં લેવાય. નર્મદા જિલ્લામાં હાર પાછળનું મુખ્ય કારણ જિલ્લા પ્રમુખ નીલ રાવ છે. તેમણે ભાજપના સિનિયર નેતાઓને પૂછ્યું જ નહીં તેનું આ પરાજયનું પરિણામ આવ્યું છે. મનસુખ વસાવાના નિવેદનને લઈને નર્મદા જિલ્લામાં રાજકારણમાં ગરમાવો આવ્યો છે. આ પણ વાંચોઃ UP: યોગીના CM બન્યા બાદ કેટલા એન્કાઉન્ટર થયા? UP સરકારે જાહેર કર્યો આંકડો
Read Full Story arrow_forward