Mahisagar: લુણાવાડા કલેક્ટર કચેરી અને એસપી કચેરીને જોડતા રોડ ઉપર જ ખાડાઓ
મહીસากร જિલ્લાના વહીવટી તંત્રના નાક સમાન ગણાતા સેવા સદન વિસ્તારમાં જ માર્ગોની હાલત અત્યંત દયનીય બની છે. લુણાવાડા ખાતે આવેલી કલેક્ટર કચેરી, જિલ્લા પંચાયત અને એસપી ઓફ્સિ જેવા મહત્વના સરકારી ભવનોની બિલકુલ બાજુમાં આવેલા આરસીસી રોડ પર મસમોટા ખાડા પડી જતાં તંત્રની કામગીરી સામે ગંભીર સવાલો ઉઠી રહ્યા છે.જ્યાંથી સમગ્ર જિલ્લાનો વહીવટ ચાલે છે અને જ્યાં દિવસભર ઉચ્ચ અધિકારીઓ તેમજ પદાધિકારીઓની અવરજવર રહે છે, તેવા કલેક્ટર કચેરી પાસેના મુખ્ય આરસીસી રોડના કાંકરા ઉખડી ગયા છે. રોડ પર ઠેર-ઠેર ખાડા પડી જવાથી વાહનચાલકોને ભારે હાલાકી ભોગવવી પડી રહી છે. કરોડોના ખર્ચે બનેલા આરસીસી રોડની આટલી ટૂંકા સમયમાં આવી હાલત થતા કામની ગુણવત્તા સામે પણ શંકાની સોય સેવાઈ રહી છે. સ્થાનિક નાગરિકોમાં ઉગ્ર ચર્ચા છે કે, શું આ રસ્તેથી પસાર થતા જવાબદાર અધિકારીઓને આ મસ્ત મોટા ખાડા દેખાતા નથી? કે પછી જાણીજોઈને આંખ આડા કાન કરવામાં આવી રહ્યા છે? કલેક્ટર ઓફ્સિ અને એસપી ઓફ્સિ જેવા સંવેદનશીલ વિસ્તારોમાં પણ જો રસ્તાની આવી સ્થિતિ હોય,તો અંતરિયાળ ગામડાઓના રસ્તાઓની હાલત કેવી હશે તે કલ્પના કરવી જ રહી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
