કતલખાનેથી બચાવાયેલા પશુઓના નિભાવ માટે પાંજરાપોળને આર્થિક સહાય
કતલખાનેથી બચાવાયેલા પશુઓના નિભાવ માટે પાંજરાપોળને આર્થિક સહાયગેરકાયદેસર કતલખાને લઈ જવાતા પશુઓને પોલીસે એફઆઈઆર હેઠળ પકડી તેમની દેખભાળ અને ભરણપોષણ માટે રાજપુર પાંજરાપોળ, ડીસા ખાતે મોકલવામાં આવે છે. બનાસકાંઠા જિલ્લા પ્રાણી અત્યાચાર નિવારણ સોસાયટીને આ પશુઓના નિભાવ ખર્ચ પેટે ગુજરાત પ્રાણી કલ્યાણ બોર્ડ દ્વારા ગ્રાન્ટ ફાળવવામાં આવે છે. બનાસકાંઠા જિલ્લા પ્રાણી અત્યાચાર નિવારણ સોસાયટી દ્વારા વર્ષ 2025-26 દરમ્યાન ગેરકાયદેસર કતલખાને લઈ જવાતા પશુઓને બનાસકાંઠા પોલીસ વિભાગના સહયોગથી પકડીને રાજપુર પાંજરાપોળ, ડીસા ખાતે મોકલવામાં આવ્યા હતા. આ પશુઓના નિભાવ હેતુ રાજપુર પાંજરાપોળ ડીસાને પશુઓની દેખભાળ અને ભરણપોષણ માટે કુલ રૂા.20,002,50 નો ચેક બનાસકાંઠા જિલ્લા પ્રાણી અત્યાચાર નિવારણ સોસાયટીના અધ્યક્ષ તથા કલેકટર મિહિર પટેલના હસ્તે સંસ્થાના ટ્રસ્ટીઓ ભરતભાઈ વારિયા અને જગદીશભાઈ સોલંકીને એનાયત કરવામાં આવ્યો હતો. રાજપુર પાંજરાપોળ, ડીસા સંસ્થા બનાસકાંઠા જિલ્લામાં કતલખાને લઈ જવાતા પશુઓને આશ્રાય, ખોરાક અને સારવાર પુરી પાડી ઉત્તમ જીવદયાનું કાર્ય કરી રહી છે. અધ્યક્ષ તથા કલેકટર મિહિર પટેલના માર્ગદર્શન અને પ્રેરણાથી બનાસકાંઠા જિલ્લા પ્રાણી અત્યાચાર નિવારણ સોસાયટી દ્વારા જીવદયા અને પ્રાણી કલ્યાણ સંબંધિત વિવિધ કાર્યક્રમો હાથ ધરવામાં આવી રહ્યા છે તેમ નાયબ પશુપાલન અધિકારી બનાસકાંઠા દ્વારા એક અખબારી યાદીમાં જણાવ્યું છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
