Mahisagar: અકસ્માતની એક સેકન્ડ પહેલાં સીટબેલ્ટ બાંધનાર યુવાન જીવતો બચ્યો, 2 મિત્રોના ઘટનાસ્થળે જ કમકમાટીભર્યા મોત
મહીસાગર જિલ્લાના કડાણાથી સંતરામપુર માર્ગ પર થોડા દિવસો અગાઉ બનેલા એક ભયાનક કાર અકસ્માતનો વીડિયો આજે વાહનચાલકોની આંખો ઉઘાડી રહ્યો છે. કારની અંદર સવાર યુવાનોની સહેજ અમથી બેદરકારી અને સ્પીડની મજા કેવી રીતે બે પરિવારોના વહાલસોયા દીકરાઓને કાળનો કોળિયો બનાવી ગઈ, તેનો જીવતો-જાગતો પુરાવો સોશિયલ મીડિયા પર વાયરલ થયેલા વીડિયોમાં જોવા મળી રહ્યો છે. આ અકસ્માતમાં કારમાં સવાર ૫ યુવકોમાંથી બેના કમકમાટીભર્યા મોત નીપજ્યા છે."ગાડી ધીમી ચલાવ..." અને કાર ઝાડ સાથે અથડાઈવાયરલ વીડિયો અનુસાર, કારની અંદર પાંચ મિત્રો સવાર હતા અને કાર ખૂબ જ ઊંચી ઝડપે (ઓવર સ્પીડ) દોડી રહી હતી. કારની અંદર યુવાનો મોજ-મસ્તી કરી રહ્યા હતા અને વીડિયો શૂટ થઈ રહ્યો હતો. આ દરમિયાન કારની સ્પીડ જોખમી જણાતા એક યુવકે ડ્રાઇવરને ગાડી ધીમી ચલાવવા માટે ટોક્યો પણ હતો. પરંતુ ડ્રાઇવરે કાબૂ ગુમાવી દેતા કાર રોડની નીચે ઉતરી ગઈ હતી અને જોતજોતામાં એક મોટા ઝાડ સાથે ધડાકાભેર અથડાઈ હતી. આ ભયાનક અકસ્માતમાં બે યુવકોના ઘટનાસ્થળે જ કરુણ મોત નીપજ્યા હતા.1 સેકન્ડ પહેલા લગાવેલો સીટબેલ્ટ જીવતદાન આપી ગયો!આ સમગ્ર દુર્ઘટનામાં કુદરતનો એક ચમત્કાર અને ટ્રાફિક નિયમોનું મહત્વ સાબિત કરતો કિસ્સો જોવા મળ્યો. ડ્રાઇવરની બાજુની સીટ પર બેઠેલા યુવકને જોખમનો અહેસાસ થતાં જ તેણે એકાએક સીટબેલ્ટ (Seat belt) લગાવી દીધો હતો. સીટબેલ્ટ લોક થયાની બરાબર એકાદ સેકન્ડની અંદર જ કાર ઝાડ સાથે અથડાઈ પડી હતી. સીટબેલ્ટ લગાવેલો હોવાના કારણે અકસ્માત થતાં જ કારની એરબેગ (Airbag) સમયસર ખૂલી ગઈ હતી અને તે યુવક લોખંડી કબાટ બનેલી કારમાંથી પણ સુરક્ષિત અને જીવતો બહાર નીકળી આવ્યો હતો.ટ્રાફિક પોલીસની વાહનચાલકોને માર્મિક અપીલઆ કિસ્સો સોશિયલ મીડિયા પર વાયરલ થતાં ટ્રાફિક પોલીસે તેને વાહનચાલકોની જાગૃતિ માટેનું ઉત્તમ ઉદાહરણ ગણાવ્યું છે. ટ્રાફિક પોલીસે અપીલ કરતાં જણાવ્યું છે કે, પોલીસ દંડ વસૂલવા માટે નહીં પરંતુ તમારો જીવ બચાવવા માટે સીટબેલ્ટ અને હેલ્મેટ આગ્રહ રાખે છે. આ અકસ્માત સાબિત કરે છે કે જો બાકીના યુવાનોએ પણ સીટબેલ્ટ પહેર્યો હોત તો કદાચ આજે બે આશાસ્પદ યુવાનોના મોત ન થયા હોત.આ પણ વાંચો: Rajkot: પતિના અફેર અને સાસરીયાના ત્રાસથી કંટાળી પરિણીતાનો આપઘાત, પોલીસ ફરિયાદ નોંધાઈ
Read Full Story arrow_forward
