Bharuch: મક્તમપુરમાં 8 વેદમૂર્તિઓ દ્વારા વેદ ઘનપાઠનો પ્રારંભ
શહેરના મક્તમપુર સ્થિત સિદ્ધિ વિનાયક મંદિર ખાતે શેઠ ગોકળભાઈ બ્રિજલાલ ટ્રસ્ટ દ્વારા એક અત્યંત દિવ્ય અને અનોખા આધ્યાત્મિક ઉત્સવનો મંગલ પ્રારંભ કરવામાં આવ્યો છે. પુરાતન કાળથી ચાલી આવતી આપણી ભવ્ય વૈદિક પરંપરાઓ જીવંત રહે અને પવિત્ર મંત્રોના દિવ્ય મોજાં જન-જન સુધી પહોંચે તેવા પવિત્ર ઉદ્દેશ્ય સાથે અહીં 21 દિવસીય 'ઘનપારાયણ મહોત્સવ'નું ભવ્ય આયોજન કરાયું છે. આજના આધુનિક સમયમાં જ્યાં મૌખિક વૈદિક પરંપરાઓ ધીમે-ધીમે ક્ષીણ થઈ રહી છે, ત્યાં ઘનપાઠનો પદ્ધતિસર અભ્યાસ કરનારા વૈદિક વિદ્વાનો અતિ દુર્લભ ગણાય છે. આવા સમયમાં ભરૂચના આંગણે અધિક માસના પવિત્ર દિવસોમાં વૈદિક ઊર્જાનો આ અનોખો અવસર પ્રાપ્ત થયો છે.આ મહોત્સવ અધિક જેઠ સુદ એકમ એટલે કે 17મી મે થી શરૂ થઈને આગામી 7મી જૂન 2026ના રોજ પૂર્ણાહુતિ પામશે. આ 21 દિવસ દરમિયાન રોજ સવારે 8:00 થી 12:00 વાગ્યા સુધી 8 જેટલા પ્રકાંડ વેદમૂર્તિ પારાયણકર્તાઓ દ્વારા ઘનપાઠ પદ્ધતિથી વેદમંત્રોનું ગાન કરવામાં આવશે. સમગ્ર મહોત્સવ દરમિયાન કુલ 1975 મંત્રોનું પારાયણ થવાનું છે, જેના પ્રથમ દિવસે શાસ્ત્ર્રોક્ત વિધિ સાથે એક મંત્રનું સફ્ળ પારાયણ કરવામાં આવ્યું હતું.આ પ્રસંગે ઘન પારાયણ મહોત્સવના આયોજક ખુમાનસિંહ વાંસીયાએ જણાવ્યું હતું કે ભરૂચના ઇતિહાસમાં પ્રથમવાર આટલા લાંબા સમય સુધી વેદોના પવિત્ર સ્વરો ગુંજવાના હોવાથી સમગ્ર મક્તમપુરનું સિદ્ધિ વિનાયક મંદિર દિવ્ય આધ્યાત્મિક ઊર્જાનું કેન્દ્ર બની ગયું છે. અધિક માસના આ પુણ્યશાળી અવસરેભરૂચની ધર્મપ્રેમી જનતાને આ ઘન પારાયણ મહોત્સવનો લાભ લેવા જાહેર આમત્રંણ છે,ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
