Prantij: પ્રાંતિજ તાલુકાના કતપુર ટોલટેક્ષ પાસેથી 2.84 લાખનો દારૂ પકડાયો
સાબરકાંઠા જિલ્લાના પ્રાંતિજ પોલીસ સ્ટેશનની હદમાં આવેલ કતપુર ટોલટેક્ષ નજીકથી શનિવારે પ્રાંતિજ પોલીસને મળેલી બાતમી બાદ પોલીસે નાકાબંધી કરીને બાતમી મુજબ આવી રહેલ પીકઅપ ડાલામાં ફૂટ ભરવાની પેટીઓમાં સંતાડીને લઈ જવાતા અંદાજે રૂ.2.84 લાખથી વધુનો દારૂ અને બીયર જથ્થો ઝડપી લઈ પીકઅપ ડાલાના ચાલકની અટકાત કરી પ્રાંતિજ પોલીસે ગુનો નોંધી ઘટતી કાર્યવાહી હાથ ધરી હતી.આ અંગે પ્રાંતિજના પીઆઈ એ.એમ.વાળા તથા સ્ટાફના જણાવાયા મુજબ શનિવારે તેમને એવી બાતમી મળી હતી હિંમતનગર તરફથી આવી રહેલ પીકઅપ ડાલાના નં.જીજે.17એક્સએક્સ.5450 લાકડામાંથી બનાવાયેલ ફૂટ ભરવાની પેટીઓની આડમાં પાસ પરમીટ વિના દારૂ અને બીયરનો જથ્થો લઈ જવાઈ રહયો હતો જે આધારે પ્રાંતિજ પોલીસે કતપુર ટોલટેક્ષ નજીક નાકાબંધી કરીને બાતમી મુજબના પીકઅપ ડાલાને અટકાવી તપાસ કરી હતી. તપાસ દરમ્યાન પીકઅપ ડાલામાંથી અંદાજે રૂ.2,84,652ની કિંમતની દારૂ અને બીયરના મળી 2100 નંગ મળી આવ્યા હતા. જે અંગે પીકઅપ ડાલાના ચાલક પુનમચંદ ઉર્ફે પુરણ કાલુલાલ રાવત (રહે.ફલાડોર, તા.ભીંડર)ની પુછપરછ કરી હતી. પરંતુ તેણે દારૂની હેરાફેરી માટે કોઈપણ જાતના આધારપુરાવા રજુ ન કરતાં પ્રાંતિજ પોલીસે દારૂ અને બીયર સહિત રૂ.3 લાખના પીકઅપ ડાલા સાથે અંદાજે રૂ.5.82 લાખથી વધુનો મુદ્દામાલ કબ્જે લીધો હતો. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
