Community News & Updates

Stay informed with the latest happenings, achievements, and announcements from our community.

All News

calendar_today May 16, 2026

કડદા ગામે નર્મદા નદીમાં નાવડીમાંથી રૂપિયા 4.63 લાખનો દારૂ ઝડપાયો

છોટાઉદેપુર જિલ્લામાં ગેરકાયદે દારૂની હેરાફેરી સામે નસવાડી પોલીસે ફ્રી એકવાર કડક કાર્યવાહી કરીને મોટી સફ્ળતા મેળવી છે. નર્મદા નદીમાં નાવડી મારફ્તે ભારતીય બનાવટનો ઇંગ્લીશ દારૂ સપ્લાય થતો હોવાની ચોક્કસ બાતમીને આધારે પોલીસે દરોડો પાડી કુલ રૂા.4,63,492નો મુદ્દામાલ ઝડપ્યો છે.નસવાડી પો. સ્ટે.ના PI આઈ.એમ. ઝાલાના નેતૃત્વમાં પોલીસ સ્ટાફ્ પેટ્રોલિંગમાં હતો. ત્યારે બાતમી મળી હતી કે, કવાંટના હાફેશ્વરના ઉત્લદરા ફ્ળિયામાં રહેતો મંગલીયા જંગલીયાભીલ નાવડી મારફ્તે મોટી માત્રામાં ઇંગ્લીશ દારૂ લઈને આવી રહ્યો છે. કડદા ગામે નર્મદા કિનારે માલ ઉતારવાનો છે. જેને આધારે પોલીસે તાત્કાલિક દરોડો પાડતા નદી કાંઠેથી મોટી માત્રામાં દારૂનો જથ્થો ઝડપાયો હતો.પોલીસે મુદ્દામાલમાં રીજેન્ટસ બોલ્ટ સુપર સ્ટ્રોંગ બિયર 288 ટીન,મેજિક મોમેન્ટ પ્રીમિયમ ઓરેન્જ વોડકા - 192 બોટલ,મેકડોવલ્સ નં.1 રિઝર્વ વ્હિસ્કી - 672 બોટલ, લંડન પ્રાઈડ ઓરેન્જ વોડકા - 700 બોટલ, મેજિક મોમેન્ટ્સ રેમિક્સ વોડકા - 60 બોટલ, સુપર હિંમત સંતરા કન્ટ્રી સ્પિરિટ -50 બોટલ સહિત કુલ 1962 બોટલ્સનો જથ્થો કબજે કરાયો હતો, જેની કિં. રૂા.3,93,492 થાય છે. ઉપરાંત દારૂની હેરાફેરી માટે ઉપયોગમાં લેવાયેલી રૂા.70,000 કિંમતની નાવડી પણ પોલીસે જપ્ત કરી હતી. આ સમગ્ર કાંડમાં સંડોવાયેલ મુખ્ય આરોપી મંગલીયા જંગલીયા ભીલ હાલ ફ્રાર હોવાનું જાણવા મળ્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 16, 2026

વસેડી પાસે ટ્રક-બાઇક વચ્ચે અકસ્માતમાં બે યુવાનનાં મોત

છોટાઉદેપુર તાલુકાના કાનાવાટ કાછેલ ગામના બે યુવક અને એક યુવતી જેઓ સબંધી હોય બાઇક ઉપર છોટાઉદેપુર આવી રહ્યાં હતા. ત્યારે વસેડી ગામ પાસે ડોલોમાઇટ પથ્થર ભરેલી ટ્રક નીચે કચડાઇ જતાં બે યુવાન મોતને ભેટયા હતા. જ્યારે 1 યુવતી ગંભીર રીતે ઈજાગ્રસ્ત થતાં સારવાર અર્થે ખસેડાઇ હતી.પ્રાપ્ત વિગત અનુસાર, છોટાઉદેપુર તાલુકાના કાછેલ કાનાવાટ ગામના યુવાન રાઠવા લીલેશ ભીમસિંહ (ઉં.24 રહે. આંબલી ફ્ળિયા કાછેલ છોટાઉદેપુર) અને રાઠવા સંજય ધાનકા (ઉં.23 આંબલી ફ્ળિયા કાછેલ,છોટાઉદેપુર)નું ડોલોમાઇટ પથ્થર ભરેલી ટ્રક નીચે કચડાઇ જતાં મોત નીપજયુ હતું. જ્યારે કાનાવાટ ગામની યુવતી રશ્મિકાબેન કાછલાભાઈ રાઠવા ગંભીર રીતે ઈજાગ્રસ્ત થતા સારવાર અર્થે ખસેડાઇ હતી. ઘટનામાં બંને યુવાનો મોતને ભેટયા હોય સમગ્ર ગ્રામીણ વિસ્તારમાં ભારે માતમ છવાયો હતો. છોટાઉદેપુર વસેડી પાસે ગંગા મિનરલ સામે અચાનક 3 બાઇક સવારમાંથી બે યુવાનો પથ્થર ભરેલી ટ્રક નીચે અચાનક કચડાઈ જતા સર્જાયેલા અકસ્માત બાદ મોટી સંખ્યામાં લોકટોળા ઊમટયાં હતા. ઈજાગ્રસ્ત યુવતીને બચાવ અર્થે સારવાર અર્થે ખસેડાઇ હતી. જયારે મરનાર યુવાનોના મૃતદેહને પોસ્ટમોર્ટમ અર્થે છોટાઉદેપુર લવાયા હતા. ઘટના સ્થળ પર આંત્રોલી ગામના આગેવાન રતુભાઈ રાઠવા પહોચી ગયા હતા. અને ઘટના સંદર્ભે પોલીસે વધુ કાર્યવાહી હાથ ધરી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 16, 2026

પાદરાના પધરાઇ ચોક વિસ્તારમાં મિત્રે જ મિત્રનાં ઘરમાં ધાપ મારી

પાદરા નગરના પધરાઈ ચોક વિસ્તારમાં થયેલી સોના-ચાંદીના દાગીનાની ચોરીનો ભેદ પાદરા પોલીસે ગણતરીના કલાકોમાં ઉકેલી આરોપીની ધરપકડ કરી ચોરીમાં ગયેલ તમામ દાગીના કબજે કર્યા છે.પ્રાપ્ત વિગતો અનુસાર, પાદરા પોલીસ સ્ટેશન પાર્ટ-એ ખાતે ભારતીય ન્યાય સંહિતા-2023 ની કલમ 305(એ) મુજબ ગુનો નોંધાયો હતો. જેમાં તા.06/05/2026 થી તા.11/05/2026 દરમિયાન કોઈ અજાણ્યા ઈસમ દ્વારા પધરાઈ ચોક વિસ્તારમાં આવેલ ફ્રીયાદીના ઘરેથી અંદાજે રૂ.3,62,590 કિંમતના સોના-ચાંદીના અલગ અલગ દાગીનાની ચોરી કરવામાં આવી હતી. બનાવની ગંભીરતાને ધ્યાનમાં રાખી પાદરા પોલીસ ઇન્સ્પેક્ટર પી.વી.ગોહિલ ના માર્ગદર્શન હેઠળ પોલીસની અલગ અલગ ટીમો બનાવી તપાસ હાથ ધરવામાં આવી હતી. પોલીસે હ્યુમન સોર્સીસ, ટેક્નિકલ સોર્સીસ તથા ઘટનાસ્થળ આસપાસના સીસીટીવી કેમેરાઓના આધારે તપાસ કરતા ફ્રીયાદીના મિત્ર જ ચોરીમાં સંડોવાયેલ હોવાનું બહાર આવ્યું હતું. તપાસ દરમિયાન હિતેશ ઉફે ગઢવી ભુપત દરજી (પરમાર) હાલ (રહે. અક્ષર હાઈટ, તાજપુરા રોડ, પાદરા) અને મૂળ અમરેલી જિલ્લાના મુંજીયાસર ગામના રહેવાસી હોવાનું સામે આવ્યું હતું. પોલીસે આરોપીની ધરપકડ કરી તેની પાસેથી ચોરીમાં ગયેલ તમામ દાગીના રિકવર કર્યા છે. આ બનાવે મિત્રતાના સંબંધોને કલંકિત કરતો કિસ્સો પ્રકાશમાં આવતા પાદરા પંથકમાં ચર્ચાનો વિષય બન્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward