પાદરા સંતરામ મંદિર ખાતે ભજન-સ્નેહમિલન સંમેલન-ભજન સત્સંગ
પાદરા નગર ખાતે વૈશાખ વદ ચૌદસ નિમિત્તે પ.પૂ. લક્ષ્મણદાસ મહારાજની 156મી નિર્વાહન તિથિ પ્રસંગે શ્રી સંતરામ મંદિર પરિસરમાં ભવ્ય ધાર્મિક અને ભજનમય કાર્યક્રમનું આયોજન કરાયું હતું. જેમા નગરના વિવિધ મહિલા ભજન મંડળો અને સખી મંડળોના સહભાગથી સમગ્ર મંદિર પરિસર ભક્તિમય વાતાવરણથી ગુંજી ઉઠયું હતું.કાર્યક્રમ અંતર્ગત પાદરા નગરના વિવિધ સખી મંડળોનું સ્નેહમિલન યોજાયું હતું. જેમાં મોટી સંખ્યામાં ભક્તોએ હાજરી આપી ધાર્મિક માહોલને ઉજાગર કર્યો હતો. કાર્યક્રમની શરૂઆત પ્રીતિ ભોજન સાથે કરવામાં આવી હતી. ત્યારબાદ વિવિધ મહિલા ભજન મંડળો દ્વારા ભજન સંધ્યાનું સુંદર આયોજન કરાયું હતું.ભક્તિમય ભજનોના સ્વરે ઉપસ્થિત ભક્તજનો ભક્તિરસમાં તરબોળ બન્યા હતા. આ પ્રસંગે અંદાજે 40 જેટલા મહિલા ભજન મંડળોની આશરે 1000 જેટલી બહેનોએ ઉત્સાહભેર ભાગ લીધો હતો. વિવિધ ભજન મંડળો દ્વારા રજૂ કરાયેલા ભજનોને ઉપસ્થિત ભક્તોએ ભાવભેર માણ્યા હતા.કાર્યક્રમમાં બહેનોને સાડી વિતરણ પણ કરાયું હતું. પ્રસંગે શ્રી સંતરામ મંદિરના મહંત મોહનદાસજી મહારાજે આશીર્વચન પાઠવી સૌને ધર્મ અને ભક્તિના માર્ગે આગળ વધવા પ્રેરણા આપી હતી. કાર્યક્રમમાં પાદરાના ધારાસભ્ય ચૈતન્યસિંહ ઝાલા, માજી પ્રમુખ પરેશ ગાંધી, સભ્ય સંતોષ પટેલ, બ્રિજેશ પટેલ તેમજ નગરના તમામ કોર્પોરેટરો અને વડીલોએ મોટી સંખ્યામાં હાજરી આપી કાર્યક્રમને સફ્ળ બનાવ્યો હતો. અંતમાં સંતરામ મંદિર ટ્રસ્ટ તથા આયોજન સમિતિ દ્વારા ઉપસ્થિત તમામ ભક્તો અને બહેનોનો આભાર વ્યક્ત કરાયો હતો. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
