Community News & Updates

Stay informed with the latest happenings, achievements, and announcements from our community.

All News

calendar_today May 16, 2026

Banaskantha: રસાણા હાઇવે પર પંપ માલિકની લૂંટનો ભેદ ઉકેલાયો, 4 શખ્સો જેલના સળિયા પાછળ

ડીસા રૂરલ પોલીસ સ્ટેશનની હદમાં હાઇવે પર કાયદો અને વ્યવસ્થાને પડકારતી લૂંટની ઘટનાના ગણતરીના કલાકોમાં જ એલસીબી પોલીસે તમામ આરોપીઓને રાઉન્ડઅપ કરી લીધા છે. ડીસા-પાલનપુર નેશનલ હાઇવે પર રસાણા ગામ નજીક આવેલા પેટ્રોલ પંપના માલિક પર હુમલો કરી, સોનાની ચેઇન લૂંટીને ફરાર થઈ જનાર ચાર લૂંટારુઓને પોલીસે મુદ્દામાલ સાથે પકડી પાડ્યા છે.આખોલ ચાર રસ્તા પાસે ફિલ્મી ઢબે ઓપરેશનલૂંટની આ ગંભીર ઘટના બનતા જ ડીસા રૂરલ પોલીસ સ્ટેશનમાં ગુનો દાખલ કરવામાં આવ્યો હતો અને બનાસકાંઠા એલસીબીની ટીમ તપાસમાં જોતરાઈ હતી. પોલીસે હ્યુમન ઇન્ટેલિજન્સ (સ્થાનિક બાતમીદારો) અને ટેકનિકલ એનાલિસિસના આધારે લોકેશન ટ્રેસ કર્યું હતું. આરોપીઓ ભાગવાની ફિરાકમાં હોવાની ચોક્કસ માહિતી મળતા જ પોલીસે ડીસાના આખોલ ચાર રસ્તા પાસે વોચ ગોઠવી હતી અને શંકાસ્પદ હાલતમાં પસાર થતા ચારેય શખ્સોને આંતરી લીધા હતા.પાટણના તત્વો અને લૂંટનો મુદ્દામાલ જપ્તપોલીસની કડક પૂછપરછમાં ચારેય આરોપીઓએ રસાણા નજીક પેટ્રોલ પંપ માલિકને માર મારી લૂંટ ચલાવી હોવાની કબૂલાત કરી હતી. પકડાયેલા તમામ આરોપીઓ પાડોશી પાટણ જિલ્લાના અલગ-અલગ ગામોના રહેવાસી હોવાનું ખુલ્યું છે. પોલીસે આરોપીઓ પાસેથી લૂંટાયેલી સોનાની તુલસીની માળા, ગુનામાં વપરાયેલા બે મોટરસાયકલ અને બે મોબાઇલ ફોન સહિત કુલ રૂપિયા 3,14,000 નો મુદ્દામાલ જપ્ત કર્યો છે.આ પણ વાંચો: Ahmedabad: કેન્દ્રીય ગૃહમંત્રી અમિત શાહનો બે દિવસીય ગુજરાત પ્રવાસ,અમદાવાદ-ગાંધીનગરમાં બેઠકોનો ધમધમાટ

Read Full Story arrow_forward

calendar_today May 16, 2026

Rajkotમાં વર્ષો જૂના ફૂડ સેમ્પલનો રિપોર્ટ આવ્યો, ઢોસાના સંભારમાં કલર ભેળવનારાને 6 મહિનાની કેદ

રંગીલું રાજકોટ પોતાના અવનવા સ્વાદ અને ખાણીપીણીની સંસ્કૃતિ માટે આખા ગુજરાતમાં પ્રખ્યાત છે, પરંતુ સ્વાદના શોખીન રાજકોટવાસીઓ માટે એક અત્યંત ચોંકાવનારી અને આંખ ઉઘાડનારી ઘટના સામે આવી છે. રાજકોટ મહાનગરપાલિકાના આરોગ્ય વિભાગ દ્વારા વર્ષો પહેલા લેવામાં આવેલા ઢોસા, સંભાર અને લસણની ચટણીના સેમ્પલ લેબોરેટરી ટેસ્ટિંગમાં ફેઈલ સાબિત થયા છે. આ ભેળસેળ મામલે લાંબી કાનૂની લડત બાદ છેવટે અદાલતે કડક વલણ અપનાવી દોષિત વેપારીઓને જેલની સજા અને લાખો રૂપિયાનો દંડ ફટકારતો ઐતિહાસિક હુકમ કર્યો છે.સંભારમાંથી મળ્યો પ્રતિબંધિત કલર મળતી માહિતી મુજબ, આરોગ્ય વિભાગની ટીમે વર્ષ ૨૦૧૯ માં 'GJ 3 ઢોસા' નામના સેન્ટરમાંથી સંભારનો નમૂનો લીધો હતો. આ સેમ્પલની ચકાસણી દરમિયાન આરોગ્ય માટે અત્યંત હાનિકારક એવો પ્રતિબંધિત કલર મળી આવ્યો હતો. આ મામલે કોર્ટમાં કેસ ચાલતો હતો, જેનો આખરી ચુકાદો વર્ષ 2026 માં આવ્યો છે. કોર્ટે ભેળસેળયુક્ત સાંભર વેચવા મામલે સંચાલકને 6 મહિનાની સખત કેદની સજા અને ₹50,000 નો આકરો દંડ ફટકાર્યો છે. ચટણીમાં ભેળસેળ બદલ ₹2 લાખનો મોટો દંડ બીજો કિસ્સો 'જય દ્વારિકાધીશ હોટેલ' નો છે, જ્યાંથી વર્ષ 2021માં મરચાંની લસણયુક્ત ચટણીનો નમૂનો લેવામાં આવ્યો હતો. આ ચટણીમાં પણ ગ્રાહકોને આકર્ષવા માટે બિનઆરોગ્યપ્રદ આર્ટિફિશિયલ કલરની ભેળસેળ હોવાનું લેબ રિપોર્ટમાં સાબિત થયું હતું. આ કેસની સુનાવણી પૂર્ણ થતાં અદાલતે હોટેલ સંચાલકને ૬ મહિનાની જેલની સજાની સાથે ₹2,00,000 નો મસમોટો આર્થિક દંડ ભરવાનો આદેશ કર્યો છે. ભેળસેળિયા તત્વોમાં ફફડાટ આરોગ્ય વિભાગ દ્વારા વર્ષો પહેલાં હાથ ધરાયેલી આ કડક ઝુંબેશના કારણે આજે ભેળસેળિયા તત્વોમાં ફફડાટ વ્યાપી ગયો છે. જનતાના સ્વાસ્થ્ય સાથે ચેડાં કરનારાઓ માટે કોર્ટનો આ ચુકાદો એક મોટો સબક સમાન સાબિત થશે. આ પણ વાંચો---   Dhar Bhojshalaમાં ઈતિહાસ રચાયો, પોલીસ બંદોબસ્ત વચ્ચે હિંદુઓએ કરી પૂજા

Read Full Story arrow_forward

calendar_today May 16, 2026

Ahmedabad: બલોલનગર બ્રિજ પરથી પટકાવાના કારણે થતા મોત અટકાવવા AMCએ સેફ્ટી ગ્રિલ લગાવી

અમદાવાદ શહેરના પશ્ચિમ વિસ્તારમાં આવેલા બલોલનગર બ્રિજ પર છેલ્લા કેટલાક સમયથી અકસ્માતે નીચે ખાબકવાના કારણે નાગરિકોના મોતના કિસ્સા ચિંતાજનક રીતે વધી રહ્યા હતા. જેને પગલે આ બ્રિજ સ્થાનિકોમાં 'મોતનો બ્રિજ' તરીકે ઓળખાવા લાગ્યો હતો. જો કે, ટ્રાફિક પોલીસની ગંભીર ચેતવણી અને રજૂઆત બાદ અમદાવાદ મ્યુનિસિપલ કોર્પોરેશને (AMC) તાત્કાલિક ધોરણે આ બ્રિજ પર મજબૂત સેફ્ટી ગ્રિલ (સુરક્ષા જાળી) લગાવી દીધી છે.મે મહિનાની બે ઘટનાઓ બાદ જાગ્યું તંત્રમળતી માહિતી મુજબ, ચાલુ મે મહિનામાં જ આ બ્રિજ પરથી નીચે પટકાવવાના કારણે બે વ્યક્તિઓએ પોતાના જીવ ગુમાવ્યા છે. તાજેતરમાં જ ગુરુવારે મોડી રાત્રે એક આધેડ વયના વ્યક્તિ બ્રિજ પરથી કોઈ કારણસર નીચે રોડ પર ખાબક્યા હતા, જેમાં તેમનું ઘટનાસ્થળે જ કમકમાટીભર્યું મોત નીપજ્યું હતું. આ અગાઉ પણ આવી જ એક દુર્ઘટના ઘટી હતી.ટ્રાફિક પોલીસે કરી હતી લેખિત રજૂઆતએક જ મહિનામાં બે-બે જીવલેણ અકસ્માતો સર્જાતા ટ્રાફિક પોલીસ વિભાગે આ બાબતને અત્યંત ગંભીરતાથી લીધી હતી. બ્રિજની ઓછી ઊંચાઈ ધરાવતી દીવાલોના કારણે લોકો નીચે ખાબકતા હોવાનું વિશ્લેષણ કરીને ટ્રાફિક પોલીસે તાત્કાલિક સેફ્ટી ગ્રિલ લગાવવા માટે AMCના એન્જિનિયરિંગ વિભાગને લેખિતમાં જાણ કરી હતી. પોલીસની આ તાકીદના પગલે કોર્પોરેશને મંજૂરી આપીને રાતોરાત બ્રિજ પર પ્રોટેક્શન ગ્રિલ ઇન્સ્ટોલ કરવાનું કામ પૂરું કર્યું છે, જેથી ભવિષ્યમાં આવી નિર્દોષ જિંદગીઓ હોમાતી અટકાવી શકાય. તંત્રની આ ત્વરિત કામગીરીથી સ્થાનિક રહીશો અને વાહનચાલકોએ રાહતનો શ્વાસ લીધો છે.આ પણ વાંચો: Banaskantha: રસાણા હાઇવે પર પંપ માલિકની લૂંટનો ભેદ ઉકેલાયો, 4 શખ્સો જેલના સળિયા પાછળ

Read Full Story arrow_forward