કોટ વિસ્તારના સરવે બાદ ભયજનક મકાનો બહાર બોર્ડ લગાવાયા
ચોમાસાની ઋતુ તેમજ રથયાત્રા નજીક આવતા જ AMCઅને શહેર પોલીસ દ્વારા કોટ વિસ્તારમાં જર્જરિત મકાનોને લઈને કડક વલણ અપનાવવામાં આવ્યું છે. તાજેતરમાં AMCદ્વારા કરવામાં આવેલા સર્વે બાદ, ખાડિયા વિસ્તારમાં અત્યંત ભયજનક જણાતા મકાનોની બહાર ખાડિયા પોલીસ સ્ટેશન દ્વારા જાહેર ચેતવણીના બેનરો લગાવી દેવામાં આવ્યા છે. મહત્વનું છે કે પોલિસ દ્વારા લગાવવામાં આવેલા બેનરોમાં લખ્યું છે કે મકાનના ધાબા, છત કે ગેલેરી પર જવું સખત પ્રતિબંધિત છે. મકાન પાસેથી પસાર થવું પણ જોખમકારક હોવાથી સાવચેતી રાખવી. જો કોઈ વ્યક્તિ આ સૂચનાનું ઉલ્લંઘન કરશે અને કોઈ અણબનાવ બનશે, તો તે વ્યક્તિ વિરુદ્ધ પોલીસ દ્વારા કાયદેસરની કાર્યવાહી કરાશે. સ્થાનિક રહીશોમાં આ કામગીરીને લઈને મિશ્રા પ્રતિસાદ જોવા મળી રહ્યો છે. એક તરફ્ તંત્રની આ કામગીરી સુરક્ષા માટે જરૂરી મનાઈ રહી છે, તો બીજી તરફ્ વર્ષોથી આવા મકાનોમાં રહેતા પરિવારો માટે રહેઠાણનો પ્રશ્ન પણ ઊભો થયો છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
