પાણીની અંડરગ્રાઉન્ડ પીવીસી લાઇનમાં ઠેર ઠેર પડેલા પંક્ચર
સિંગવડ નગરમાં દ્વારા પીવાના પાણીની યોજનાની અંડરગ્રાઉન્ડ પીવીસી લાઇનમાં ઠેર ઠેર પડેલા પંક્ચરના કારણે હજારો લીટર પાણી રોડ પર વેડફઈ રહ્યું હોવાની ઘટના સામે આવી છે. જમીનમાં દબાવેલી પાણીની લાઇનમાંથી સતત પાણી બહાર આવતાં સ્થાનિકોમાં ભારે રોષ જોવા મળી રહ્યો છે.તાલુકા મથક ખાતે છેલ્લા ઘણા વર્ષોથી ઉપરવાસ બજાર પોલીસ સ્ટેશનથી લઈ નીચવાસ બજાર સ્થિત ભમરેજી માતાજી મંદિર સુધી નવા આર.સી.સી. રસ્તાની માંગણી ગ્રામજનો દ્વારા કરવામાં આવી રહી હતી. જેને ધ્યાનમાં રાખી રાજ્ય સરકારની ગ્રાન્ટમાંથી નવીન આર.સી.સી. રોડ બનાવવાની કામગીરી હાલમાં પી.ડબ્લ્યુ.ડી. વિભાગ લીમખેડા (પંચાયત) દ્વારા શરૂ કરાઈ છે. પરંતુ ગ્રામ પંચાયત સિંગવડની પાણી પુરવઠાની અંડરગ્રાઉન્ડ લાઇન ઉપરવાસ તથા નીચવાસ બજાર સહિત અનેક વિસ્તારમાં અનેક જગ્યાએ પંક્ચર હોવાના કારણે સતત પાણી રોડ પર ફ્રી વળી રહ્યું છે. સ્થાનિક લોકોના જણાવ્યા મુજબ ગ્રામ પંચાયતના વહીવટી તંત્ર દ્વારા સમયસર પંક્ચર દૂર કરાતું નથી, જેના કારણે નવા બની રહેલા આર.સી.સી. રસ્તાને નુકસાન પહોંચવાની શક્યતા ઉભી થઈ રહી છે. જો સમયસર પાણીની લાઇનનું સમારકામ નહીં કરવામાં આવે તો પાણીનો વ્યાપક બગાડ થવાની સાથે નવા રસ્તા તેમજ નજીકના રહેણાંક મકાનોને પણ નુકસાન થઈ શકે છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
