Community News & Updates

Stay informed with the latest happenings, achievements, and announcements from our community.

All News

calendar_today May 14, 2026

Surat News: લિંબાયતમાં 3 હત્યાઓ બાદ JCP-1 ની આગેવાનીમાં મેગા કોમ્બિંગ, 200 જવાનોએ આખા વિસ્તારને બાનમાં લીધો!

સુરત શહેરના લિંબાયત વિસ્તારમાં છેલ્લા એક મહિનામાં કાયદો અને વ્યવસ્થાની સ્થિતિ કથળતા સુરત પોલીસ હવે સફાળી જાગી છે. લિંબાયતમાં ટૂંકા ગાળામાં ત્રણ-ત્રણ હત્યાઓ અને અનેક મારામારીની ઘટનાઓ બનતા પોલીસ કમિશનરની સૂચનાથી વિસ્તારમાં સઘન ચેકિંગ અને કોમ્બિંગ ઓપરેશન હાથ ધરવામાં આવ્યું છે.JCP-1 ના નેતૃત્વમાં 200 પોલીસ જવાનો તૈનાત લિંબાયત વિસ્તારમાં અસામાજિક તત્વોનો ખોફ દૂર કરવા અને શાંતિ જાળવવા માટે JCP-1 ની સીધી દેખરેખ હેઠળ આ કાર્યવાહી કરવામાં આવી છે. આ ઓપરેશનમાં 200થી વધુ પોલીસ કર્મચારીઓ જોડાયા છે. પોલીસના આ કાફલાએ લિંબાયતના સંવેદનશીલ વિસ્તારોમાં ઘૂસીને ગુનેગારોનું શાન ઠેકાણે લાવવાનો પ્રયાસ કર્યો છે. 25-25 જવાનોની અલગ ટીમો દ્વારા સર્ચ ઓપરેશન કોમ્બિંગને વધુ અસરકારક બનાવવા માટે પોલીસ દ્વારા 25-25 જવાનોની અલગ અલગ ટીમો બનાવવામાં આવી છે. આ ટીમોએ વિસ્તારના ખૂણેખૂણામાં જઈને શંકાસ્પદ શખ્સો, અગાઉના ગુનેગારો અને ગેરકાયદે પ્રવૃત્તિઓ પર ચેકિંગ હાથ ધર્યું હતું. પોલીસની આ આક્રમક કાર્યવાહીથી અસામાજિક તત્વોમાં ફફડાટ વ્યાપી ગયો છે. કાયદો અને વ્યવસ્થા જાળવવા સખ્ત સૂચના સતત વધતી હત્યાની ઘટનાઓને પગલે પોલીસ એક્શન મોડમાં આવી છે. JCP-1 દ્વારા સ્પષ્ટ સૂચના આપવામાં આવી છે કે, લિંબાયતમાં કાયદો વ્યવસ્થા સાથે ચેડા કરનારને કોઈપણ સંજોગોમાં છોડવામાં આવશે નહીં. આગામી દિવસોમાં પણ આ પ્રકારનું પેટ્રોલિંગ અને ચેકિંગ ચાલુ રાખવામાં આવશે, જેથી સામાન્ય નાગરિકો સુરક્ષિત અનુભવી શકે. આ પણ વાંચો - Surat News: લિંબાયતમાં જૂની અદાવતે યુવકની કરપીણ હત્યા, ચાકુ અને કુહાડીના ઘા ઝીંકી હત્યારાઓ ફરાર!

Read Full Story arrow_forward

calendar_today May 14, 2026

Viscera Test: કેવી રીતે કરાય છે વિસેરા તપાસ અને સચવાય છે શરીરના કયા ભાગો?, જાણો

પ્રતીક યાદવનું પોસ્ટમોર્ટમ થયુ હતુ. લખનૌમાં પોસ્ટમોર્ટમ દરમિયાન ડોક્ટરોએ તેમના વિસેરા સાચવી રાખ્યા હતા. કેવી રીતે થાય છે વિસેરા તપાસ ? વિસેરા એ પોસ્ટમોર્ટમ દરમિયાન સાચવેલા આંતરિક અવયવો અને સંબંધિત નમૂનાઓનો ઉલ્લેખ કરે છે. જ્યારે પોસ્ટમોર્ટમમાંથી મૃત્યુનું કારણ સ્પષ્ટ ન હોય ત્યારે ડોકટરો સામાન્ય રીતે વિસેરાને વધુ તપાસ માટે સાચવે છે. આ શરીરના ભાગોને સાચવે છે જે નક્કી કરવામાં મદદ કરી શકે છે કે મૃત્યુ કોઈ રોગ, ઝેરી પદાર્થ, દવાઓ અથવા રસાયણોથી થયું છે. ફોરેન્સિક નિષ્ણાતો પછીથી આ નમૂનાઓની સંપૂર્ણ પ્રયોગશાળા તપાસ કરે છે. કયા અંગોના નમૂના લેવામાં આવે છે ? પોસ્ટમોર્ટમ દરમિયાન, ડોકટરો આંતરિક અવયવોની તપાસ કરે છે. આમાં આંતરિક અવયવોની સ્થિતિ તપાસવા માટે છાતી અને પેટ ખોલવાનો સમાવેશ થાય છે. ચોક્કસ અવયવો અને પ્રવાહીના નમૂનાઓ પણ સાચવવામાં આવે છે. આ નમૂનાઓમાં સામાન્ય રીતે પેટ અને તેની સામગ્રી, આંતરડા, લીવર, કિડની, હૃદય, ફેફસાં અને લોહીનો સમાવેશ થાય છે. ઘણા કિસ્સાઓમાં, પેશાબ, વીર્ય અને અન્ય જૈવિક નમૂનાઓ પણ એકત્રિત કરવામાં આવે છે. ફોરેન્સિક નિષ્ણાતો આ નમૂનાઓ પર રાસાયણિક પરીક્ષણો કરે છે જેથી નક્કી કરી શકાય કે શરીર કોઈ ઝેરી પદાર્થ અથવા દવાથી પ્રભાવિત થયું છે કે નહીં. કેવી રીતે કરવામાં આવે છે વિસેરા તપાસ ? વિસેરા તપાસ ફોરેન્સિક વિજ્ઞાનનો એક ભાગ છે. પોસ્ટમોર્ટમ દરમિયાન સાચવેલા નમૂનાઓને સીલ કરીને ફોરેન્સિક વિજ્ઞાન પ્રયોગશાળામાં મોકલવામાં આવે છે, જ્યાં નિષ્ણાતો રાસાયણિક પરીક્ષણો કરે છે. જો કોઈ વ્યક્તિએ ઝેરી પદાર્થનું સેવન કર્યું હોય, પીધું હોય અથવા શ્વાસમાં લીધું હોય, તો તેની અસરો શરીરના આંતરિક અવયવો પર દેખાય છે. તપાસ શરીરમાં કયા રાસાયણિક અથવા ઝેરી પદાર્થ હાજર હતા અને તેની અસર નક્કી કરે છે. નિષ્ણાતોના મતે, વધુ સચોટ રિપોર્ટ સુનિશ્ચિત કરવા માટે વિસેરા નમૂનાઓની ચોક્કસ સમયમર્યાદામાં તપાસ કરવામાં આવે છે. શંકાસ્પદ મૃત્યુમાં વિસેરા રિપોર્ટ જરૂરી દરેક પોસ્ટમોર્ટમમાં મૃત્યુનું કારણ તાત્કાલિક સ્પષ્ટ થતું નથી. પ્રારંભિક તપાસમાં ઘણીવાર હાર્ટ એટેક, શ્વસન નિષ્ફળતા અથવા અન્ય તબીબી કારણો બહાર આવે છે. જો કે, પાછળથી, વિસેરા રિપોર્ટ કંઈક બીજું સૂચવે છે. આ કારણોસર, હત્યા, આત્મહત્યા, ઝેર અથવા વિવાદિત મૃત્યુના કિસ્સાઓમાં વિસેરા તપાસ મહત્વપૂર્ણ માનવામાં આવે છે. જો પરિવાર અથવા પોલીસને કોઈ વ્યક્તિના મૃત્યુ અંગે શંકા હોય, તો ફોરેન્સિક રિપોર્ટ સાચા કારણને ઉજાગર કરવામાં મદદ કરી શકે છે. Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. આ પણ વાંચોઃ સ્વાસ્થ્ય બગડી રહ્યું છે વધુ પડતી એન્ટિબાયોટિક્સ લેવાથી, જાણો શુ કહે છે તબીબો?

Read Full Story arrow_forward

calendar_today May 14, 2026

NEET-UG 2026 પેપર લીક મામલે વધુ 2 આરોપની ધરપકડ, અત્યાર સુધી કુલ 7 લોકોની ધરપકડ

દેશની મહત્વપૂર્ણ મેડિકલ પ્રવેશ પરીક્ષા NEET-UG 2026ના પેપર લીક કેસમાં ચાલી રહેલી તપાસમાં CBIએ ઝડપી કાર્યવાહી હાથ ધરી છે. છેલ્લા 24 કલાકમાં બે વધુ આરોપીઓને મહારાષ્ટ્રના પુણે અને અહિલ્યાનગરમાંથી ધરપકડ કરવામાં આવી છે. ધરપકડ કરાયેલા આરોપીઓના નામ ધનંજય લોખંડે અને મનીષા વાઘમારે હોવાનું સામે આવ્યું છે. CBIએ ગઈકાલે પાંચ આરોપીઓને ઝડપી લીધા હતા આ પહેલા પણ CBIએ ગઈકાલે પાંચ આરોપીઓને ઝડપી લીધા હતા, જેમાં જયપુર, ગુરુગ્રામ અને નાસિક સહિતના વિસ્તારોમાંથી ધરપકડ કરવામાં આવી હતી. આ રીતે અત્યાર સુધી કુલ સાત લોકોની ધરપકડ થઈ ચૂકી છે, જે સમગ્ર પેપર લીક નેટવર્ક સાથે જોડાયેલા હોવાનું માનવામાં આવી રહ્યું છે. તપાસ એજન્સીના જણાવ્યા મુજબ આ કેસમાં અન્ય કેટલાક શંકાસ્પદ લોકોની પૂછપરછ પણ ચાલુ છે અને નેટવર્કના દરેક કડી સુધી પહોંચવા માટે વધુ તપાસ હાથ ધરવામાં આવી રહી છે. આરોપીઓ પાસેથી મળેલા ડિજિટલ પુરાવા મળ્યા પ્રાથમિક તપાસમાં જાણવા મળ્યું છે કે પેપર લીકનો આ મામલો અલગ-અલગ રાજ્યોમાં ફેલાયેલા એક સંગઠિત ગેરકાયદેસર નેટવર્ક સાથે જોડાયેલો હોય શકે છે. CBIના અધિકારીઓએ જણાવ્યું છે કે ધરપકડ કરાયેલા આરોપીઓ પાસેથી મળેલા ડિજિટલ પુરાવા અને મોબાઈલ ડેટાની પણ તપાસ કરવામાં આવી રહી છે. આ પુરાવાઓના આધારે નેટવર્કના મુખ્ય કડીઓ અને સંભવિત માસ્ટરમાઈન્ડ સુધી પહોંચવાનો પ્રયાસ ચાલી રહ્યો છે. પરીક્ષા વ્યવસ્થામાં પારદર્શિતા જાળવવા માટે એજન્સી તમામ દિશામાં તપાસ કરી રહી છે. આગામી દિવસોમાં વધુ ધરપકડ થવાની શક્યતા વ્યક્ત કરવામાં આવી રહી છે. સમગ્ર કેસમાં કૌભાંડની વ્યાપકતા કેટલી છે તે જાણવા માટે તપાસને વધુ તેજ કરવામાં આવી છે. આ પણ વાંચો : NEET પેપર લીકના આરોપીના પરિવારમાંથી 5 બાળકો છે ડોક્ટર! CBIની રડાર પર સમગ્ર પરિવાર

Read Full Story arrow_forward