ડભોઈ શહેરના બજારોમાં અથાણામાં ઉપયોગમાં લેવાતી કેરીની ધૂમ આવક
ચોમાસાના આગમનને હવે ગણતરીના દિવસો બાકી રહ્યા છે, ત્યારે ગૃહિણીઓ આખા વર્ષના ભાણાનું ભાથું એવા અથાણાં બનાવવાની તૈયારીમાં લાગી ગઈ છે. મુખ્ય બજારોમાં અથાણાં માટેની ખાસ ગણાતી, રાજાપુરી અને વનરાજ કેરીનું આગમન થતાં બજારમાં કેરીના ઢગલા જોવા મળી રહ્યા છે.અથાણાં બનાવવા માટે ગૃહિણીઓની પ્રથમ પસંદગી રાજાપુરી અને વનરાજ કેરી હોય છે. વેપારીઓના જણાવ્યા મુજબર રાજાપુરી અને વનરાજઃ આ કેરીઓ કદમાં મોટી અને દળદાર હોવાથી ગળ્યું અથાણું (છૂંદો કે મુરબ્બો) બનાવવા માટે શ્રોષ્ઠ માનવામાં આવે છે દેશી અને તોતાપુરીઃ ખાટું અથાણું બનાવવા માટે જેમને વધુ ખટાશની જરૂર હોય તેઓ દેશી કેરીની માંગ કરી રહ્યા છે. ડભોઇ ટાવર રોડ પરના જથ્થાબંધ અને છૂટક વેપારીઓના જણાવ્યા અનુસાર, હાલ બજારમાં ભાવ નીચે મુજબ જોવા મળી રહ્યા છે. માત્ર કેરી જ નહીં, પણ તેની સાથે અથાણાંમાં વપરાતા અન્ય મસાલા અને પૂરક વસ્તુઓની બજારમાં પણ તેજી જોવા મળી રહી છે. કેરીની સાથે ગુંદાના અથાણાંનો પણ ભારે ક્રેઝ હોવાથી બજારમાં ગુંદાની માંગ વધી છે. અથાણાં માટેના સ્પેશિયલ રાઈના કુરિયા, મેથીના કુરિયા અને લાલ મરચાંના વેચાણમાં ઉછાળો આવ્યો છે. સામાન્ય રીતે અખાત્રીજ પછી અથાણાંની સીઝન જામતી હોય છે, પરંતુ આ વર્ષે ડભોઇના બજારોમાં અત્યારથી જ ગ્રાહકોનો ભારે ધસારો જોવા મળી રહ્યો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
