Community News & Updates

Stay informed with the latest happenings, achievements, and announcements from our community.

All News

calendar_today May 14, 2026

Ahmedabad: વિરમગામમાં ગૌવંશની હત્યા કરી માંસ લઈ જવાના ગુનામાં બે યુવાનો ઝડપાયા

વિરમગામ શહેરમાં રહેતા પશુપાલક વિશાલભાઈ દોલાભાઈ ભરવાડના ચરવા છૂટા મુકેલા પશુમાં એક ગૌ વંશ ગુમ થયુ હતુ. દરમિયાનમાં વિરમગામ રહેમલપુર માર્ગ પર એક ખેતર જગ્યામાંથી મૃત ગૌવંશના કેટલાંક અવશેષો મળી આવતા વિશાલભાઈ ભરવાડે પોલીસ ફરિયાદ નોંધાવી હતી. જેથી પોલીસે તપાસના ચક્રોગતિમાન કર્યા હતા.દરમ્યાનમાં આધુનીક સાધનો તેમજ માનવીય ગુપ્તચર દ્વારા વિરમગામ શહેર અને જિલ્લા ગ્રામ્ય એલસીબી પોલીસ ટીમને સફ્ળતા મળી આવી હતી. બનાવમાં ઉપયોગ લેવાયેલ વાહન અને વ્યક્તિઓનું પગેરું મળી આવ્યુ હતુ. તેમજ વાહન લઈને મંગળવારે અમદાવાદથી મોરબી તરફ્ જવાની બાતમી મળી હતી. બંને પોલીસ ટીમે વિરમગામ રહેમલપુર ચોકડી પાસે તપાસ ગોઠવીને વાહન લઈ પસાર થતા ફિરોઝખાન ઉર્ફે અલ્લો બલોચ રહેવાસી આઈસ ફેકટરી પાસે, જુહાપુરા, અમદાવાદ અને આશીફ્ ઉર્ફે લેમ્પા ભિસ્તી રહેવાસી જુહાપુરા, અમદાવાદના બંને યુવાનોને પાંચ લાખ કિંમતના વાહન સાથે દબોચી લઈ શહેર પોલીસે વધુ તપાસ શરૂ કરી છે. બુધવારે બપોર બાદ બંને યુવાનોને કોર્ટ સમક્ષ રજુ કરવામાં આવી રિમાન્ડ મેળવવા તજવીજ હાથ ધરાઈ હતી. પોલીસની પ્રાથમિક પુછ પરછમા માંસ પ્રસંગ માટે લઈ ગયાનું જણાવતા પોલીસ તપાસ ચલાવી રહ્યાનું જાણવા મળ્યુ છે. વધુમાં ઝડપાયેલ ફિરોઝખાન બલોચ વિરુદ્ધમાં મોબાઈલ ચોરી તથા અન્ય ગુનાઓમાં ઈસનપુર અને ગાયકવાડ હવેલી પોલીસ મથકમાં તેમજ આશિફ્ ભીસ્તી વિરુદ્ધમાં વેજલપુર પોલીસ મથકમાં ત્રણ ગુનાઓ નોંધાયેલા હોવાનુ પોલીસ તપાસમાં જાણવા મળ્યુ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 13, 2026

નેત્રંગ તા. પંચાયતમાં ભાજપની હાર માટે આંતરિક વિખવાદ જવાબદાર

સ્થાનિક સ્વરાજ્યની નેત્રંગ તા.પંચાયત અને કાંટીપાડા,નેત્રંગ અને મૌઝા જી.પંચાયત બેઠક ઉપર ભાજપને અપેક્ષા મુજબ પરીણામ નહીં મળતા કાર્યકર્તાઓમાં નિરાશાનો માહોલ છે. જે સંદર્ભેં આજે ભરૂચ લોકસભા સાંસદ મનસુખભાઇ વસાવાના અધ્યક્ષસ્થાને નેત્રંગ તાલુકામાં સ્થાનિક સ્વરાજ્યની ચુંટણીમાં ભાજપની હાર-જીતની સમીક્ષા બેઠક ચાસવડ દુધ ડેરીમાં યોજાઈ હતી.જેમાં તમામ તા.પંચાયત અને જી.પંચાયત બેઠકના ઉમેદવારોએ પોતાના મંતવ્ય રજુ કર્યા હતા.જેમાં મુખ્યત્વે મૌઝા જી.પંચાયત અને તેના સમાવિષ્ટ ચાર તા.પંચાયત બેઠક ઉપર ભાજપની હાર થઈ છે.એકમાત્ર ઝરણા તા.પંચાયત બેઠક ભાજપે જીતી છે.જેમાં ચાસવડ દુધ ડેરીનું ફેક્ટર સૌથી મોટું પરીબળ સાબીત થયું છે.કાંટીપાડા જી.પંચાયત બેઠક ઉપર અને તેના સમાવિષ્ટ ચાર તા.પંચાયત બેઠક ઉપર ભાજપની હાર થઇ છે.જેમાં ભાજપનો આંતરિક વિખવાદ અને ઉમેદવાર પસંદગીમાં ભુલ થઈ હોવાનું ચર્ચાઇ રહ્યું હતું. જ્યારે નેત્રંગ જી.પંચાયત બેઠક અને તેમાં સમાવિષ્ટ બલડવા, કાકડકુઈ, કંબોડીયા અને નેત્રંગ-1 તા.પંચાયત બેઠક ભાજપે જીત મળતા ભાજપ સત્તા બચાવવા માટે સૌથી મોટું કી-ફેક્ટર સાબિત થયું છે. તેવા સંજોગોમાં ભરૂચ સાંસદ મનસુખભાઇ વસાવાએ જણાવ્યું હતું કે,સ્થાનિક સ્વરાજ્યની ચુંટણીના પરીણામથી નિરાશ થયા વગર સૌ કાર્યકરોએ પ્રજાલક્ષી-વિકાસના કામો કરવાનું સુચન કર્યુ હતું.આગામી ટુંક સમયમાં ચાસવડ દુધ ડેરીની ચુંટણી યોજાનાર છે.જેમાં પશુપાલકો-દુધઉત્પાદકોના હિતમાં સંચાલન કરી શકે તેવા વહીવટદારોને સત્તાનું સુકાન મળે તે માટે સૌ કામ કરવુંજરૂરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 13, 2026

નાંદોદ તાલુકાના માંડણ વિસ્તારને પ્રવાસન સ્થળ તરીકે વિકસાવવા માગ

નર્મદાના માંડણ ગામ પાસે કરજણ જળાશયમાં પ્રવાસન ઉદ્યોગ વિકસાવવા માંગ ઉઠી છે, જેનાથી સ્થાનિક આદિવાસી યુવાનોને રોજગારી મળી શકે તેમ છે.વડાપ્રધાન નરેન્દ્ર મોદીએ સોમવારે ગુજરાતમાં સોમનાથ અને વડોદરાની મુલાકાત દરમિયાન તેમના ભાષણમાં ખાસ વાત કહી હતી કે વિદેશ પ્રવાસના બદલે ભારતના પર્યટન સ્થળો ઉપર ફરવા જાવ અને દેશની ઇકોનોમીને મજબુત બનાવો. ત્યારે નર્મદા જિલ્લાના નાંદોદ તાલુકાના માંડણ ગામ નજીક આવેલો કુદરતી સૌંદર્યથી ભરપુર વિસ્તારને જો તંત્ર દ્વારા વિકાસ કરવમાં આવે તો પ્રવાસન ઉદ્યોગ અહી વિકસી શકે છે. પંતુ તંત્રની ઉદાસીનતાના કારણે આ વિસ્તારમાં પ્રવાસીઓ આવતા નથી. નાંદોદ તાલુકાના માંડણ ગામ પાસે કરજણ ડેમ જળાશયનું પાણી સંગ્રહ થયેલું છે અને નાની મોટી ભમરી સુધી ફેલાયેલું છે. આ પાણી માંડણ પાસે વિશાળ સરોવરની જેમ ફેલાયેલુ છે એટલે અહીનું દ્રશ્ય જમ્મુ અને કાશ્મીરની યાદી અપાવે છે. જેમ જમ્મુ કાશ્મીરમાં ઝીલો અને સરોવરો અને તળાવોમાં પ્રવાસીઓ નૌકા વિહાર કરે છે. એવા જ આબેહૂબ દ્રશ્યો અહી જોવા મળે છે.  આ વિસ્તારના આદિવાસીઓ નાની નૌકા લઈને માંડણ ખાતે આવતાં પ્રવાસીઓને નૌકા વિહાર કરાવે છે. કરજણ ડેમ જળાશયનું પાણી નિર્મલ સ્વચ્છ અને સુંદર લાગે છે. આ વિસ્તારનું સૌંદર્ય ખીલી ઉઠયું છે. આસપાસ ડુંગરો અને અને તેમાં સંગ્રહ થયેલું કરજણ ડેમ જળાશયનું પાણી નયનરમ્ય અને મનોહર લાગે છે. જેમ જેમ નૌકા વિહાર કરતાં પ્રવાસીઓ આગળ જાય છે તેમ તેમ કરજણ ડેમ જળાશયનું અદભૂત નજારો જોવા મળે છે વિશાલ ખાડી વિસ્તારમાં પણ નાની નૌકાઓ લઈને પ્રવાસીઓને નૌકા વિહાર કરાવે છે અને આજીવિકા મેળવે છે.માંડણ વિસ્તારમાં કરજણ ડેમ જળાશયનું પાણી સંગ્રહ થયેલો છે ત્યાં જવા ઉપર અને જળાશયમાં નાહવા ઉપર પ્રતિબંધ લગાવી દીધો છે. આ વિસ્તારમાં નાની નૌકા લઈને પ્રવાસીઓને નૌકા વિહાર કરાવતા આદિવાસી યુવકો રોજગારી વિના બેકાર બન્યા છે. નૌકા લઈને પ્રવાસીઓની પ્રતિક્ષા કરી રહ્યા છે ? ગુજરાતના વધુ સમાચાર વાંચવા માટે ક્લિક કરો

Read Full Story arrow_forward