Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 13 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
વડાપ્રધાન મોદીએ તાજેતરમાં જ કરેલી કેટલીક અપીલ બાદ સરકાર એક્શનમાં આવી છે અને અમલીકરણને લઈને ફટાફટ નિર્ણયો લેવાઈ રહ્યાં છે. વડાપ્રધાને ઈંધણ બચાવવા માટે લોકોને અપીલ કરી હતી. જેમાં પબ્લિક ટ્રાન્સપોર્ટનો ઉપયોગ કરવા સહિત ઓફિસોમાં મીટિંગો વર્ચ્યુઅલી રાખવી, વર્ક ફ્રોમ હોમ જેવી પ્રવૃત્તિ ફરી શરૂ કરવા જેવા અનેક મુદ્દા સામેલ હતાં. ત્યારે ગુજરાત સરકારે આ માટે એક્શન શરૂ કરી છે. વડાપ્રધાન મોદીની અપીલ બાદ સરકાર એક્શનમાં મુખ્યમંત્રી ભૂપેન્દ્ર પટેલે પોતાના કાફલામાંથી ચાર ગાડી હટાવવાનો નિર્ણય લીધો છે. હવે મુખ્યમંત્રીના કાફલામાં માત્ર ત્રણ જ ગાડીઓ રહેશે. આ ઉપરાંત તેઓ જે તે જિલ્લાના પ્રવાસ દરમિયાન સ્થાનિક કક્ષાએથી મળતા કાફલાને પણ નહીં સ્વીકારે. આજે સવારે તેમણે પોતાના નિવાસ સ્થાનેથી નિકળતા જ આ નિર્ણયનો અમલ શરૂ કર્યો છે. બીજી તરફ નાયબ મુખ્યમંત્રી હર્ષ સંઘવીએ પણ પોતાનો અમેરિકા પ્રવાસ રદ કર્યો છે. તેઓ પોતાના કાફલામાં પણ ત્રણ કાર રાખશે. જ્યારે રાજ્યપાલ પણ પોતાના કાફલાની જગ્યાએ બસ અને ટ્રેનમાં પ્રવાસ કરશે. આઉટડોર કાર્યક્રમો પણ વર્ચ્યુઅલી યોજવા વિચારણા હવે સરકાર દ્વારા મુખ્યમંત્રીના આઉટડોર કાર્યક્રમો પણ વર્ચ્યુઅલી યોજવા વિચારણા શરૂ કરી છે. આ ઉપરાંત નાયબ મુખ્યમંત્રીએ પણ પોતાના કાર્યક્રમ વર્ચ્યુઅલી યોજવા માટે વિચારણા શરૂ કરી છે. પેટ્રોલ અને ડીઝલનો ખર્ચ બચાવવા માટે આયોજન કરવામાં આવી રહ્યું છે. બીજી તરફ હેલિકોપ્ટરનો પણ ઓછો ઉપયોગ થાય તેવું આયોજન કરાશે. જેનાથી હેલિકોપ્ટરમાં વપરાતા ઈંધણની બચત કરી શકાશે. આ ઉપરાંત અન્ય સરકાર કાર્યક્રમો પણ વર્ચ્યુઅલી યોજવાની પણ વિચારણા ચાલી રહી છે. આ અંગે સરકાર મોટો નિર્ણય કરી શકે છે. આ પણ વાંચોઃ Kutchના નલિયામાં પેટ્રોલ-ડીઝલ માટે હાડમારી, હાઈવે સુધી વાહનોની લાંબી લાઈનો અને ટ્રાફિકજામ
Read Full Story arrow_forward
ગુજરાતમાં હવે ગુનેગારોને જાહેરમાં શાન ઠેકાણે લાવવાની પોલીસની જૂની પદ્ધતિઓ પર બ્રેક લાગી ગઈ છે. રાજ્યના ડીજીપી (DGP) એ તમામ પોલીસ કમિશનર અને જિલ્લા પોલીસ વડાઓને એક કડક લેખિત આદેશ જારી કર્યો છે. આ આદેશ મુજબ, હવે રાજ્યમાં કોઈપણ આરોપીનું જાહેરમાં સરઘસ કાઢી શકાશે નહીં કે તેની સાથે અમાનવીય વ્યવહાર કરી શકાશે નહીં.DGP ડો. કે. એલ. એન. રાવનો કડક આદેશ તાજેતરમાં જારી કરાયેલા આદેશમાં જણાવાયું છે કે આરોપીની ધરપકડ બાદ તેને જાહેરમાં પરેડ કરાવી શકાશે નહીં. પોલીસની જવાબદારી રહેશે કે આરોપીને મેજિસ્ટ્રેટ સમક્ષ રજૂ કરતી વખતે કે તપાસના કામે લઈ જતી વખતે હિંસક ટોળાઓથી સુરક્ષિત રાખવામાં આવે. આરોપી સાથે કોઈપણ પ્રકારની ગેરવર્તણૂક કરવાને બદલે તેનું આત્મસન્માન જળવાય તેવો વ્યવહાર પોલીસ અધિકારીઓએ કરવો પડશે કયા પ્રકારના વર્તન પર પ્રતિબંધ મુકાયો? નવા આદેશ મુજબ, પોલીસ હવે આરોપીનું જાહેરમાં સરઘસ કાઢી શકશે નહી તથા આરોપીને જાહેરમાં ઉઠક-બેઠક નહી કરાવી શકે અથવા ઘૂંટણીએ ચલાવી નહી શકે. આરોપીને જાહેરમાં લાત કે લાકડીથી માર મારી નહી શકે. ઉપરાંત આરોપી પાસે જાહેરમાં હાથ જોડાવવા કે કાન પકડાવી માફી પણ મંગાવી નહી શકે હાથકડીના ઉપયોગ માટે નવા નિયમો ભારતીય નાગરિક સુરક્ષા સંહિતા, 2023 મુજબ હવે માત્ર ગંભીર ગુનાઓ જેવા કે આતંકવાદ, ડ્રગ્સ, હત્યા, બળાત્કાર અથવા જે રીઢા ગુનેગારો હોય તેમના કિસ્સામાં જ હાથકડીનો ઉપયોગ કરી શકાશે. અન્ય સામાન્ય ગુનાઓમાં હાથકડી પહેરાવવા માટે મેજિસ્ટ્રેટની પૂર્વ મંજૂરી લેવી અનિવાર્ય રહેશે. જો કોઈ અધિકારી કે કર્મચારી આ સૂચનાઓનું ઉલ્લંઘન કરશે તો તેમની સામે કડક શિક્ષાત્મક કાર્યવાહી કરવામાં આવશે. આ માટે સંબંધિત વિસ્તારના DCP, SP કે તેનાથી ઉપરના દરજ્જાના અધિકારીઓને સીધી રીતે જવાબદાર ઠેરવવામાં આવશે. આરોપીને જાહેરમાં મુર્ગો નહી બનાવી શકે સુપ્રીમ કોર્ટ અને હાઈકોર્ટના વિવિધ ચુકાદાઓ અને માનવ અધિકારોને ધ્યાનમાં રાખીને DGP દ્વારા આ આદેશ આપવામાં આવ્યો છે. જો કોઈ પોલીસ અધિકારી આ આદેશનું ઉલ્લંઘન કરશે તો તેમની સામે પણ શિસ્તભંગના પગલાં લેવામાં આવી શકે છે.આ પણ વાંચો--- Ahmedabad : જ્વેલર્સ શોરૂમની મહિલાકર્મીએ જ 1.66 કરોડના દાગીના પર માર્યો હાથ, ચોરી કરતી CCTVમાં કેદ
Read Full Story arrow_forward