Community News & Updates

Stay informed with the latest happenings, achievements, and announcements from our community.

All News

calendar_today May 13, 2026

Ahmedabad News: AMCના વાહનો રોજનું 5000 લિટર ઈંધણ બાળે છે

અમદાવાદ મ્યુનિસિપલ કોર્પોરેશન પોતાના વિવિધ વિભાગોના વાહનોમાં પેટ્રોલ અને ડીઝલ પાછળ વર્ષે અંદાજે 16.53 કરોડથી વધુ ખર્ચ કરે છે.તાજેતરમાં વડાપ્રધાન નરેન્દ્ર મોદીએ ઈધણ બચત માટે વર્ક ફ્રોમ હોમ,ઓનલાઈન મીટિંગ્સ, મેટ્રો અને જાહેર પરિવહનનો વધુ ઉપયોગ કરવાની અપીલ કર્યા બાદ AMCમાં પણ ઈધણ વપરાશ ઘટાડવા માટે ડિજિટલ મીટિંગ્સને પ્રાથમિકતા આપવાની ચર્ચા શરૂ થઈ છે. કુલ 5100 લિટર ઈંધણનો વપરાશ થાય છે હાલમાં AMCના જમાલપુર એસ.ટી. ડેપો નજીક આવેલા સેન્ટ્રલ વર્કશોપમાંથી કોર્પોરેશનના વિવિધ વિભાગોના વાહનોમાં ઈધણ ભરવામાં આવે છે.વિભાગીય માહિતી મુજબ રોજ સરેરાશ 100 લિટર પેટ્રોલ અને 5000 લિટર ડીઝલ એમ કુલ 5100 લિટર ઈંધણનો વપરાશ થાય છે.કોર્પોરેશને અનેક વાહનોને CNG આધારિત બનાવ્યા છે અને ઈલેક્ટ્રિક વાહનોનો ઉપયોગ પણ વધાર્યો છે. તેમ છતાં મોટરકારો સહિતના વાહનોમાં પેટ્રોલ અને ડીઝલનો નોંધપાત્ર વપરાશ યથાવત છે.આ અંદાજ મુજબ વર્ષે આશરે 36000 લિટર પેટ્રોલ અને 1800000 લિટર ડીઝલ વપરાય છે.

Read Full Story arrow_forward

calendar_today May 13, 2026

Gujarat News: ગુજરાતના IAS બેડામાં ધરખમ ફેરફાર

ગુજરાતમાં સ્થાનિક સ્વરાજ્યની ચૂંટણી બાદ વહિવટી તંત્રમાં મોટા ફેરફાર કરવામાં આવ્યા છે. રાજ્ય સરકારે ગઈકાલે મોડી રાત્રે 72 IAS અધિકારીઓની બદલીનો આદેશ કર્યો હતો. રાજ્ય સરકાર દ્વારા અનેક જિલ્લા કલેક્ટર અને મ્યુનિસિપલ કમિશ્નરની બદલીના આદેશો કર્યા છે. રાજ્ય સરકાર દ્વારા કરવામાં આવેલી બદલીઓને કારણે અનેક અટકળો શરૂ થઈ ગઈ છે. કલેક્ટર અને મ્યુનિસિપલ કમિશ્નરો બદલાયા રાજ્ય સરકાર દ્વારા કરવામાં આવેલી બદલીઓમાં જોઈએ તો અમદાવાદના કલેક્ટર સુજીત કુમારની સ્પેશિયલ કમિશનર ટેક્સ તરીકે બદલી કરવામાં આવી છે. તેમના સ્થાને વલસાડના કલેક્ટર ભવ્ય વર્માની નિમણૂક કરાઈ છે. જામનગરના મ્યુનિસિપલ કમિશનર ડી એન મોદીની વિકાસ કમિશનર તરીકે બદલી કરવામાં આવી છે. ગાંધીધામ, મહેસાણા, આણંદ, વાપી અને જૂનાગઢના કમિશ્નરો પણ બદલાયા છે.

Read Full Story arrow_forward

calendar_today May 13, 2026

Ahmedabad : સાબરમતી જેલના ‘છોટા ચક્કર’માં 4 કેદીઓએ જેલ સહાયકનું માથું ફોડ્યું; ગાળો બોલવાની ના પાડતા ઈંટના ટુકડા વડે હિંસક હુમલો

 અમદાવાદની સાબરમતી સેન્ટ્રલ જેલ ફરી એકવાર વિવાદોમાં આવી છે. જેલની સુરક્ષા પર ગંભીર સવાલો ઉભા કરતા આ કિસ્સામાં, જેલના 'છોટા ચક્કર' વોર્ડમાં ફરજ બજાવતા જેલ સહાયક ભરતભાઈ ચાવડા પર ચાર કેદીઓએ જીવલેણ હુમલો કર્યો છે. આ હુમલા પાછળનું કારણ માત્ર એટલું જ હતું કે જેલ કર્મીએ કેદીઓને જેલની અંદર ગાળો બોલવાની ના પાડી હતી.ગાર્ડનમાંથી ઈંટ ઉપાડી માથામાં ઝીંકી મળતી માહિતી મુજબ, જેલ સહાયક ભરતભાઈ જ્યારે પોતાની ફરજ પર હતા ત્યારે ચાર કેદીઓ ઉગ્ર ગાળાગાળી કરી રહ્યા હતા. ભરતભાઈએ તેમને અટકાવતા કેદીઓ ઉશ્કેરાઈ ગયા હતા અને ગાર્ડનમાંથી ઈંટના ટુકડા ઉપાડી તેમના માથાના ભાગે ઝીંક્યા હતા. હુમલો એટલો જોરદાર હતો કે ભરતભાઈ લોહીલુહાણ હાલતમાં ઢળી પડ્યા હતા. તેમને તાત્કાલિક સારવાર માટે અમદાવાદ સિવિલ હોસ્પિટલ ખસેડવામાં આવ્યા છે. બહાર જોઈ લેવાની આપી ધમકી હુમલો કર્યા બાદ પણ કેદીઓએ પોલીસ સ્ટાફને ખુલ્લેઆમ "બહાર જોઈ લેવાની" ધમકીઓ આપી હતી. આ ઘટનાને પગલે જેલ પ્રશાસનમાં દોડધામ મચી ગઈ છે. હુમલો કરનાર કેદીઓના નામ પોલીસ સુત્રોના જણાવ્યા મુજબ સંગ્રામસિંહ શીકરવાર, સનિપ ઉર્ફે સની પટણી, લખમણ ઉર્ફે પોપટ હડિયોલ અને અંકિત લોધીએ આ હુમલો કર્યો હતો પોલીસે તપાસ શરુ કરી રાણીપ પોલીસે આ ચારેય કેદીઓ વિરુદ્ધ ગુનો નોંધી વધુ તપાસ હાથ ધરી છે. જોકે, આ ઘટનાએ સાબરમતી જેલની આંતરિક સુરક્ષા અને કેદીઓમાં પોલીસના ડર અંગે અનેક પ્રશ્નો ઉભા કર્યા છે.આ પણ વાંચો----     Gandhinagar : પોલીસ હવે આરોપીઓને મુર્ગો નહીં બનાવી શકે, જાહેરમાં સરઘસ કાઢવા, કાન પકડાવવા કે ઉઠક-બેઠક કરાવવા પર લાગી રોક

Read Full Story arrow_forward