Community News & Updates

Stay informed with the latest happenings, achievements, and announcements from our community.

All News

calendar_today May 13, 2026

Surat News: ઉધનામાં રોડ કિનારે ચા પીવા બેઠેલા યુવકને અજાણ્યા વાહને ઉડાવ્યો, 3 સંતાનોએ પિતાની છત્રછાયા ગુમાવી

સુરત શહેરના ઉધના વિસ્તારમાં હિટ એન્ડ રનની એક હૃદયદ્રાવક ઘટના સામે આવી છે. ઉધના રોડ નંબર 10 પર સવારના સમયે શાંતિથી ચા પીવા બેઠેલા 28 વર્ષીય યુવાનને કાળરૂપી વાહને અડફેટે લેતા તેનું મોત નીપજ્યું છે. આ અકસ્માતને પગલે શ્રમજીવી પરિવાર પર આભ ફાટ્યું છે.ચા પીતા સમયે કાળ આંબી ગયો ઘટનાની મળતી માહિતી અનુસાર, મૂળ રહેમતભાઈ (ઉંમર વર્ષ 28) સવારના સમયે ઉધના રોડ નંબર 10 પર રસ્તાના કિનારે બેસીને ચા પી રહ્યા હતા. આ દરમિયાન પૂરપાટ ઝડપે આવી રહેલા એક અજાણ્યા વાહન ચાલકે તેમને જોરદાર ટક્કર મારી હતી. અકસ્માત એટલો ગંભીર હતો કે, રહેમતભાઈને માથા અને પગના ભાગે ગંભીર ઈજાઓ પહોંચી હતી. સિવિલ હોસ્પિટલમાં દમ તોડ્યો ઘટના બાદ આસપાસના લોકોએ લોહીલુહાણ હાલતમાં રહેમતભાઈને તાત્કાલિક સારવાર માટે સુરતની નવી સિવિલ હોસ્પિટલમાં ખસેડ્યા હતા. જોકે, હોસ્પિટલમાં હાજર તબીબોએ તેમને તપાસીને મૃત જાહેર કર્યા હતા. રહેમતભાઈના અકાળે અવસાનથી તેમના પરિવારમાં શોકનું મોજું ફરી વળ્યું છે. મૃતક યુવાનના પરિવારમાં પત્ની, ત્રણ માસૂમ બાળકો, માતા-પિતા અને એક બહેન છે. પિતાની છત્રછાયા ગુમાવતા બાળકો નોંધારા બન્યા છે. ઉધના પોલીસે તપાસ તેજ કરી આ મામલે ઉધના પોલીસે અકસ્માતનો ગુનો નોંધી આગળની કાર્યવાહી હાથ ધરી છે. પોલીસ દ્વારા આસપાસના સીસીટીવી ફૂટેજ તપાસવામાં આવી રહ્યા છે, જેથી ટક્કર મારીને ફરાર થઈ ગયેલા વાહન ચાલકની ઓળખ કરી તેને ઝડપી શકાય. આ પણ વાંચો - Surat News: PM મોદીની અપીલ બાદ વિદેશ પ્રવાસના બુકિંગ ઘટ્યાં, ડોમેસ્ટિક ઈન્કવાયરીમાં વધારો થયો

Read Full Story arrow_forward

calendar_today May 13, 2026

Jammu Kashmir : વિદેશી આતંકીઓની મદદ કરનારા સૈફુલ્લાહ ગ્રુપના બે સમર્થકની ધરપકડ

જમ્મુ-કાશ્મીરના કિશ્તવાડ જિલ્લામાં પોલીસે આતંકવાદીઓ સામે મોટી કાર્યવાહી કરતા સૈફુલ્લાહ ગ્રુપ સાથે જોડાયેલા બે કથિત ઓવરગ્રાઉન્ડ વર્કર્સ (OGWs)ની ધરપકડ કરી છે. પોલીસના જણાવ્યા મુજબ આ આરોપીઓ વિદેશી આતંકવાદીઓને મદદ પહોંચાડવા અને તેમને સુરક્ષિત ઠેકાણા ઉપલબ્ધ કરાવવામાં સામેલ હતા. પોલીસે જણાવ્યું કે સમગ્ર નેટવર્કને ખતમ કરવા માટે સતત અભિયાન ચલાવવામાં આવી રહ્યું છે.FIR નોંધવામાં આવી પોલીસે જણાવ્યું કે આ કાર્યવાહી સિંહપોરા-ચતરું વિસ્તારમાં ચલાવવામાં આવેલા વિશેષ ઓપરેશન દરમિયાન કરવામાં આવી હતી. આ મામલે FIR નોંધવામાં આવી છે. આરોપીઓ સામે ભારતીય ન્યાય સંહિતા (BNS)ની વિવિધ કલમો ઉપરાંત UAPA અને આર્મ્સ એક્ટ હેઠળ પણ ગુના દાખલ કરવામાં આવ્યા છે. પોલીસે દાવો કર્યો છે કે ધરપકડ કરાયેલા આરોપીઓ આતંકવાદીઓને તમામ પ્રકારની મદદ પહોંચાડી રહ્યા હતા. આરોપી સિંહપોરાના બેઘપોરા વિસ્તારનો રહેવાસી કિશ્તવાડના SSPએ જણાવ્યું કે તપાસ અને ગુપ્તચર માહિતીના આધારે પોલીસે મશ્કૂર અહમદની ધરપકડ કરી. આરોપી મશ્કૂર અહમદ મોહમ્મદ રમઝાનનો પુત્ર છે અને સિંહપોરાના બેઘપોરા વિસ્તારનો રહેવાસી છે. તે શાળા શિક્ષણ વિભાગમાં શિક્ષક તરીકે કામ કરતો હતો. પોલીસના જણાવ્યા મુજબ તે આતંકવાદીઓ માટે ઠેકાણા તૈયાર કરાવવા અને તેમને સહકાર આપવા સીધો સંકળાયેલો હતો. ધરપકડ બાદ લોજિસ્ટિક સપોર્ટ નબળો પડ્યો પોલીસનું કહેવું છે કે મશ્કૂર અહમદની ધરપકડથી આતંકવાદીઓને મળતું મહત્વપૂર્ણ લોજિસ્ટિક સપોર્ટ નબળો પડ્યો છે. તપાસમાં એ પણ સામે આવ્યું છે કે આરોપી લાંબા સમયથી આતંકી નેટવર્કના સંપર્કમાં હતો. હવે પોલીસે તેના અન્ય સાથીદારો અને સંપર્કોની પણ તપાસ શરૂ કરી છે, જેથી સમગ્ર મોડ્યુલનો ભાંડો ફોડી શકાય. વિદેશી આતંકવાદીઓને મદદ કરવાનો આરોપ આ પહેલા આ જ કેસમાં મનીર અહમદ નામના બીજા એક આરોપીની પણ ધરપકડ કરવામાં આવી હતી. મનીર અહમદ બાંદેયાન નૈડગામ વિસ્તારનો રહેવાસી છે. પોલીસના જણાવ્યા મુજબ તેના પર પણ વિદેશી આતંકવાદીઓને મદદ કરવાનો અને તેમને સુરક્ષિત સહયોગ આપવાનો આરોપ છે. બંને આરોપીઓની પૂછપરછના આધારે આગળની કાર્યવાહી કરવામાં આવી રહી છે.આ પણ વાંચો : Tamil Nadu Politics: ફ્લોર ટેસ્ટ બાદ થલાપતિનો યુ ટર્ન, જે જ્યોતિષને બનાવ્યા OSD, 1 દિવસ બાદ..

Read Full Story arrow_forward

calendar_today May 13, 2026

Norway: "વિશ્વના સૌથી લોકપ્રિય નેતા છે નરેન્દ્ર મોદી", પ્રધાનમંત્રીની પ્રશંસામાં વિદેશી નેતાએ કર્યા જોરદાર વખાણ

વડાપ્રધાન નરેન્દ્ર મોદીની 18 થી 19 મે દરમિયાન થનારી નોર્વેની મુલાકાત પહેલા આંતરરાષ્ટ્રીય સ્તરે તેમની નીતિઓની વ્યાપક પ્રશંસા થઈ રહી છે. નોર્વેના પૂર્વ મંત્રી અને સંયુક્ત રાષ્ટ્ર પર્યાવરણ કાર્યક્રમ (UNEP) ના ભૂતપૂર્વ વડા એરિક સોલહેમે નોર્વેના અગ્રણી અખબાર 'ડેગેન્સ નેરિંગ્સલિવ'માં એક લેખ લખીને પીએમ મોદીને વિશ્વના સૌથી લોકપ્રિય નેતા તરીકે વર્ણવ્યા છે. લોકપ્રિયતા અને નેતૃત્વની શૈલી એરિક સોલહેમે પોતાના લેખમાં નોંધ્યું છે કે વિશ્વના કોઈપણ મોટા દેશમાં વડાપ્રધાન મોદી જેટલો પ્રભાવશાળી અને લોકપ્રિય નેતા અત્યારે કોઈ નથી. આશરે 70 ટકા જેટલું ઊંચું લોકપ્રિયતા રેટિંગ ધરાવતા મોદીએ ગુજરાતના વડનગરના એક સામાન્ય પરિવારમાંથી આવીને ભારત જેવા વિશાળ લોકશાહી દેશનું જે રીતે નેતૃત્વ કર્યું છે, તે તેમને એક 'પરિવર્તનશીલ નેતા' બનાવે છે. સોલહેમે ભારતના 7 ટકા આર્થિક વિકાસ દરની પણ પ્રશંસા કરી હતી, જે વિશ્વની ઘણી મોટી અર્થવ્યવસ્થાઓ કરતા વધુ છે. હરિયાળો વિકાસ અને માળખાગત સુવિધાઓ સોલહેમે પીએમ મોદીને "હરિયાળા વિકાસના આશ્રયદાતા" તરીકે ઓળખાવ્યા છે. તેમણે પશ્ચિમી નેતાઓને સલાહ આપી કે તેઓએ મોદીના પર્યાવરણ અને વિકાસના "સતત લીલા સંદેશ" માંથી ઘણું શીખવું જોઈએ. લેખમાં ભારતમાં થયેલી પ્રગતિના ઉદાહરણો આપતા તેમણે જણાવ્યું કે: ગુજરાતમાં વિશ્વનો સૌથી મોટો સોલાર પાર્ક કાર્યરત છે. આંધ્રપ્રદેશમાં સૌર-પવન અને જળવિદ્યુતનો વિશાળ પ્રોજેક્ટ આકાર પામ્યો છે. ભારતના લગભગ દરેક રાજ્યમાં આધુનિક એરપોર્ટ અને દૂરના વિસ્તારો સુધી પાકા રસ્તાઓનું નેટવર્ક પહોંચ્યું છે. રાજકીય અને સામાજિક વિશ્લેષણ સોલહેમે લેખમાં સ્વીકાર્યું કે ભારતમાં હિન્દુ રાષ્ટ્રવાદ એક મુખ્ય રાજકીય બળ છે, પરંતુ તેમણે ટીકાકારોના એ દાવાઓને નકારી કાઢ્યા હતા કે ભારતમાં ધાર્મિક સંઘર્ષો વધ્યા છે. તેમણે કહ્યું કે તાજેતરના વર્ષોમાં આવા કોઈ નક્કર પુરાવા મળ્યા નથી. જોકે, તેમણે એમ પણ ઉમેર્યું કે ભારતની સાચી કસોટી મુસ્લિમ લઘુમતી વસ્તીને વિકાસની મુખ્યધારામાં કેટલી સંપૂર્ણતાથી સામેલ કરી શકાય છે તેના પર નિર્ભર રહેશે. ભારત-નોર્વે સંબંધો સોલહેમે અંતમાં તારણ કાઢ્યું હતું કે ભારત અને નોર્વે વચ્ચે મજબૂત સંબંધો બંને દેશો માટે ફાયદાકારક રહેશે. પર્યાવરણ, ઉર્જા અને ટેકનોલોજીના ક્ષેત્રમાં ભારતનું વધતું કદ નોર્વે જેવા દેશો માટે સહયોગની નવી તકો ખોલશે. આ લેખ પીએમ મોદીની મુલાકાત પૂર્વે બંને દેશોના રાજદ્વારી સંબંધો માટે સકારાત્મક વાતાવરણ ઊભું કરે છે.આ પણ વાંચોઃ Home Cooling Tips: હીટવેવથી બચાવશે આ પાંચ છોડ, AC વગર પણ ઘર રહેશે શિમલા જેવું ઠંડુ!

Read Full Story arrow_forward