android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Prantij: પ્રાંતિજના તાજપુર હાઈસ્કૂલ પાસે અકસ્માત, 2 ઇજાગ્રસ્ત
calendar_today May 13, 2026

Prantij: પ્રાંતિજના તાજપુર હાઈસ્કૂલ પાસે અકસ્માત, 2 ઇજાગ્રસ્ત

પ્રાંતિજ : પ્રાંતિજ તાલુકામાં આવેલા તાજપુર હાઈસ્કૂલ નજીક એક બાઇકચાલક પ્રાંતિજ તરફ્થી મજરા તરફ્ જઈ રહ્યો હતો. દરમિયાન તાજપુર હાઈસ્કૂલ પાસે રોડ ક્રોસ કરી રહેલા એક વ્યક્તિને બાઇક અથડાતા અકસ્માત સર્જાયો હતો. અકસ્માત એટલો જોરદાર હતો કે બાઇકચાલક તેમજ રોડ ક્રોસ કરી રહેલા વ્યક્તિને ઇજાઓ પહોંચી હતી. ઘટનાને પગલે આસપાસના લોકો તાત્કાલિક મદદે દોડી આવ્યા હતા અને 108 એમ્બ્યુલન્સને જાણ કરતા 108 એમ્બ્યુલન્સ ઘટના સ્થળે પહોંચી હતી અને બંને ઇજાગ્રસ્તોને પ્રાથમિક સારવાર આપી વધુ સારવાર અર્થે હોસ્પિટલ ખાતે ખસેડવામાં આવ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Modasa: મોડાસામાં અખાધ કેરીઓનો નાશ કરી વેપારીઓને 4200 રૂપિયા દંડ કરાયો
calendar_today May 13, 2026

Modasa: મોડાસામાં અખાધ કેરીઓનો નાશ કરી વેપારીઓને 4200 રૂપિયા દંડ કરાયો

મોડાસા : કાળઝાળ ગરમી પડી રહી છે ત્યારે લોકો ઠંડક મેળવવા વિવિધ ઠંડા પીણાં અને રસ પી સંતોષ માને છે. જો કે આવા સમયે તકનો લાભ ઉઠાવી અનેક વેપારીઓ લોકોને અખાધ વસ્તુઓ પીરસતા હોય છે ત્યારે મોડાસામાં નગરપાલિકાના વહીવટીદાર વિશાલ.બી.પટેલ તેમજ ચીફ્ ઓફ્સિર ભદ્રેશ.જે પટેલના માર્ગદર્શન હેઠળ સુનિલસિંહ રાજપુરોહિત, ચિરાગ પ્રજાપતિ તથા આરોગ્ય ટીમ દ્વારા શહેરમાં જુદી જુદી 8 જગ્યાએ ચેકીંગ હાથ ધરવામાં આવ્યું હતું. જેમાં અખાદ્ય કેરીઓનો નાશ કરી દંડની કાર્યવાહી હાથ ધરવામાં આવી. જેમાં અંદાજિત 50 કિલોથી વધુ કેરીઓનો નાશ કરી વેપારીઓને 4200 રૂપિયા તથા દંડ કરવામાં આવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Himatnagar: દરામલી- ભદ્રેસર માર્ગ બન્યો બિસ્માર, વાહનચાલકોના જીવ જોખમમાં મૂકાયા
calendar_today May 13, 2026

Himatnagar: દરામલી- ભદ્રેસર માર્ગ બન્યો બિસ્માર, વાહનચાલકોના જીવ જોખમમાં મૂકાયા

ઈડર અને હિંમતનગર પંથકને જોડતો મહત્વનો એવો દરામલીથી ડુંગરી- ભદ્રેસર માર્ગ હાલમાં વહીવટી તંત્રની ઘોર ઉપેક્ષાનો ભોગ બન્યો છે. વર્ષો અગાઉ નિર્મિત આ માર્ગની હાલત એટલી હદે ખરાબ થઈ ગઈ છે કે, ડામરના નામે માત્ર મોટા ખાડાઓ જ બચ્યા છે. તંત્રની આ 'કુંભકર્ણની નિદ્રા' સામે સ્થાનિક રહીશો અને વાહનચાલકોમાં ભારે જનરોષ જોવા મળી રહ્યો છે.આ માર્ગ અંકાલા, ચિત્રોડા, પૃથ્વીપુરા અને નરસિંહપુરા જેવા અનેક ગામોને જોડતી મુખ્ય જીવાદોરી સમાન છે. પરંતુ લાંબા સમયથી નવીનીકરણના અભાવે માર્ગની સ્થિતિ દયનીય બની છે. ઊંડા ખાડાઓને કારણે વાહનોના સ્પેરપાર્ટ્સ તૂટી રહ્યા છે, જેનાથી સામાન્ય જનતા પર આર્થિક બોજ વધી રહ્યો છે. ખરાબ રસ્તા પર મુસાફરી કરવાને કારણે મુસાફ્રો કમર અને મણકાની તકલીફેનો સામનો કરી રહ્યા છે. રાત્રિ દરમિયાન અંધારામાં ખાડાઓ ન દેખાવાને કારણે અનેક બાઈક ચાલકો પટકાયા હોવાના બનાવો બન્યા છે. કોઈ મોટી જાનહાનિ થાય તેવી ભીતિ સતત સેવાઈ રહી છે. સ્થાનિક લોકોએ આક્ષેપ કર્યો છે કે, વારંવાર લેખિત અને મૌખિક રજૂઆતો કરવા છતાં અધિકારીઓના પેટનું પાણી હલતું નથી. રસ્તા પર માત્ર 'થીંગડા' મારીને સંતોષ માનતા તંત્ર સામે લોકો કટાક્ષમાં પૂછી રહ્યા છે કે, શું તંત્ર કોઈ મોટી હોનારત થાય તેની રાહ જોઈ રહ્યું છે? રહીશોની સ્પષ્ટ માંગ છે કે, આ માર્ગ હવે પોતાની મર્યાદા વટાવી ચૂક્યો છે, તેથી પેચવર્ક કરવાને બદલે તેનું સંપૂર્ણ નવીનીકરણ (રિ-કાર્પેટિંગ) કરવામાં આવે. હવે જોવાનું એ રહે છે કે, હજારો લોકોની હાલાકીને નજરઅંદાજ કરતું તંત્ર આ આવેદના સાંભળીને જાગશે ખરું? કે પછી જનતાએ હજુ પણ જોખમી મુસાફરી કરવા મજબૂર બનવું પડશે? ગુજરાતના વધુ સમાચાર વાંચવા માટે ક્લિક કરો

Read Full Story arrow_forward