Surendranagar: સુરેન્દ્રનગરમાં જિલ્લા પંચાયત 1 પરંતુ સરનામા 3!
સુરેન્દ્રનગર જિલ્લા પંચાયતનું વર્ષોજુનું બિલ્ડીંગ જર્જરીત થવાના કારણે એક જ જિલ્લા પંચાયતના ત્રણ ભાગ હોય એમ ત્રણ અલગ અલગ જગ્યાએ ડી.ડી.ઓ.પ્રમુખ,શિક્ષણ ચેરમેન અને બાકીના ચેરમેનોને બેસતા હોવાથી લોકોને અલગ અલગ જગ્યાએ અવર જવરના કારણે મુસ્કેલી પડતી હોવાથી નવી જિલ્લા પંચાયત બિલ્ડીંગ બનાવાય એવી માંગ ઉઠી છે.પ્રાપ્ત વિગતો અનુસાર સુરેન્દ્રનગર કલેકટર કચેરી અને એસ.પી.કચેરીમાં પોતાના તાબા હેઠળના અધિકારીઓની એક જ જગ્યાએ કચેરીઓ આવેલી છે.પરંતુ સુરેન્દ્રનગર જિલ્લા પંચાયતનું વર્ષોજુનુ બિલ્ડીંગ જર્જરીત થવાના કારણે એક જ જિલ્લા પંચાયતના ત્રણ ભાગ પડી ગયા છે.જિલ્લા પંચાયતની કલેકટર કચેરી પાસે આવેલી જુની કચેરીમાં ડી.ડી.ઓ.પ્રમુખ,કારોબારી ચેરમેનનો સ્ટાફ બેસે છે ત્યાંથી દોઢેક કિલોમીટર દૂર પતરાવાળી હોટલ પાસે શિક્ષણ ચેરમેન અને જિલ્લા શિક્ષણાધીકારી બેસે છે અને ત્યાંથી બે કિ.મી.દૂર અજરામરમાં મુળી રોડ ઉપર ભાડાના મકાનમાં બાકીના ચેરમેન અને સ્ટાફ બેસે છે.આમ લોકોને એક કામ માટે અનેક વખત ત્રણ ત્રણ જગ્યાએ ધકકા ખાવા પડતા હોવાથી ભાડા અને સમયનો વેડફાટ કરવો પડે છે.કારણ જિલ્લા પંચાયતના ત્રણેય અલગ અલગ વિભાગ થઇ જવાના કારણે લોકોને એકબીજાથી દૂર ત્રણેય બિલ્ડીંગોમાં અવર જવર માટે મુસ્કેલી પડતી હોવાથી જિલ્લા પંચાયતનું નવુ બિલ્ડીંગ જલ્દી બને એવી માંગ ઉઠી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
