ચૈતર એન્ડ કંપની સામે કાઉન્ટર કરવાની ક્ષમતા ના હોઈ તો પદ છોડી દેવુ જોઇએ
નર્મદા જિલ્લા ભારતીય જનતા પાર્ટીમાં સિનિયર અને જુનિયર નેતાઓ વચ્ચેનો ઉકળતો ચરુ વિધાનસભાની ચૂંટણીમાં ભાજપને દઝાડી જશે કે એ પહેલા બધું શાંત થશે તેની ચર્ચા હવે શરૂ થઇ ગઇ છે. નેતાઓના અંદરના અંદરના ડખાના કારણે રાજપીપળા નગરપાલિકા નાદોદ તાલુકા પંચાયત અને તિલકવાડા તાલુકા પંચાયતના પ્રમુખ અને હોદ્દેદારો પોતાની લોબીના બનાવવાની હોડ જામી છે.નર્મદા જિલ્લા ભારતીય જનતા પાર્ટીમાં અત્યારે સિન્ય નેતાઓ અને જુનિયર નેતાઓ બે જૂથમાં વહેંચાઈ ગઈ હોય તેવી સ્થિતિ સર્જાયેલી જોવા મળી રહી છે, જેનું મુખ્ય કારણ નર્મદા જિલ્લા પંચાયત અને ચાર તાલુકા પંચાયતોમાં ભાજપને મળેલી હાર છે. જો કે ભાજપે રાજપીપળા નગરપાલિકા, નાદોદ અને તિલકવાડા તાલુકા પંચાયત જીતીને આખો ગઢ હારી જતા બચાવી લીધો હતો. હવે જિલ્લા પંચાયત અને ચાર તાલુકા પંચાયતોમાં હાર માટે જવાબદાર કોણ એ માટે આક્ષેપો નો દોર શરૂ થઈ ગયો છે. અત્યારે ભરૂચના સાંસદ મનસુખ વસાવા નાંદોદ ધારાસભ્ય ડો દર્શના દેશમુખ એક મંચ પર જોવા મળી રહ્યા છે. સાંસદ મનસુખ વસાવાના એપીએમસીનો વિડીયો વાયરલ થયો છે જેમાં તેઓ બોલી રહ્યા હતા કે નર્મદા જિલ્લા સંગઠન પ્રભારી અર્જુન ચૌધરી કઠપૂતળી જેવો છે એને મને કહેવું જોઈએ કે આપણે જે સીટ પર નબળા છે તે સીટ પર તમારે જવાનું છે જિલ્લા પ્રમુખ કોઈપણ સીટ પર જીતાડવા માટે નીકળ્યા નથી સવારે 9 વાગે ઉઠે ને પછી સીધા એસ સી કાર્યાલય માં જતા રહેવાનું અને ફેન પણ બધું બ્રિફ્ગિં કર્યા કરવાનું ત્યારે આ ગુંડાઓ સામે કોણ લડે છે તેમને તો પૂછો કેવી રીતે જીતાય બેઠક. 10 વાગ્યા સુધી સુઈ રહે છે. લોકોના પ્રશ્નો સાંભળવાના હોય છે વહેલા ઉઠી જવું જોઈએ.પ્રમુખ અને મહામંત્રી એસી ઓફીસ માં બેસી રહે તો કેવી રીતે તાલુકા અને જિલ્લા પંચાયત જીતવાના છે. મેં કીધું હતું તે સીટ પર કોઈ ઉમેદવાર નહિ મુક્યો અને પોતાની મનમાની ચલાવી કહ્યું તાલુકાના સંગઠને કીધું તે ઉમેદવાર મુક્યો આપણે આ લોકોના ભરોસે નથી રહેવાનું અને 2027 માટે મહેનત કરવાની છે, તમે કામ કરવા સક્ષમ ના હોઈ તો નીકળી જાવ જુના લોકો કામ કરવા સક્ષમ છે નવા લોકો ને ચાન્સ આપ્યો છે પણ તે લોકો ફેલ ગયા છે અમે પ્રદેશ માં રજુઆત કરવાના છે ચૈતર એન્ડ કંપની સામે કાઉન્ટર કરવાની ક્ષમતા ના હોઈ તો પદ છોડી દો આપણે નાંદોદ અને દેડીયાપાડા વિધાનસભા જીતવાની છે જો આ લોકો ના ભરોસે રહ્યા તો હમણાં જે પરિસ્થિતિ થઈ તે જ થવાની છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
