Community News & Updates

Stay informed with the latest happenings, achievements, and announcements from our community.

All News

calendar_today May 11, 2026

ભરૂચ જિલ્લામાં હિટવેવ : 44 ડિગ્રીએ લોકોની અગ્નિ પરીક્ષા

ભરૂચ 44 ડીગ્રી સાથે હિટવેવની આગોસમાં લપેટાઈ જતા બળબળતા તાપે જનજીવન ડામાડોળ કરી દીધું છે. ભરૂચ જિલ્લાની પ્રજા અને પશુધન સાથે ખેતી માટે આગામી 5 દિવસ અગ્નિપરીક્ષા સમાન પુરવાર થઇ શકે છે.ઉનાળાની મૌસમમાં ભરૂચ જિલ્લામાં રવિવારે 44 ડીગ્રી પારા સાથે મૌસમના સૌથી ગરમ દિવસ રહ્યો. તો આગામી દિવસો હજી પારો 2 થી 3 ડીગ્રી ઊંચકાતા લોકોનું સ્વાસ્થ્ય બગાડી શકે છે. જિલ્લામાં લઘુતમ તાપમાન પણ 27 ડિગ્રી જેટલું ઊંચું રહ્યું છે. ભેજનું પ્રમાણ વાતાવરણમાં માત્ર 24 % રહેતા આકરી ગરમીથી લોકો ત્રાસી ગયા છે. આકરી ગરમીની પ્રતિકૂળ અસરથી દુધાળા પશુઓને બચાવવા દિવસમાં બે વખત સ્નાન કરાવવું. જેથી દુધના પ્રમાણમાં પણ ઘટાડો નહિ થાય અને પશુઓ બીમારીઓથી બચી રહેશે. પશુઓને રહેવાની જગ્યા હવા ઉજાસ વાળી રાખવી. બપોરના સમયે ગરમી અને સૂર્યના કિરણો વધુ ઘાતક હોય છે. જેના કારણે બેચેની, ચક્કર, ઉલટી, બેભાન થઈ જવું જેવી સમસ્યાનો ભોગ લોકો બની શકે છે. બપોરે સૂર્યના સીધા સંપર્કમાં વધુ વાર રહેવાથી ટાળવું જોઈએ. બને ત્યાં સુધી નાના બાળકો, વૃદ્ધઓ, સગર્ભા અને ક્રોનિક ડીસીઝવાળા દર્દીઓએ બપોરે તડકામાં નીકળવાનું ટાળવું જોઈએ. લોકોએ સુતરાઉ ઢીલા કપડાં પહેરવા. આકરી ગરમીમાં ઉભો પાક સુકાઈ ન જાય તે માટે ખેડૂતોએ 4 થી 5 દિવસે પાણી આપવું જોઈએ. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

ભરૂચમાં કરોડોની છેતરપિંડીનો માસ્ટરમાઈન્ડ યતીન શાહ ઝડપાયો

ભરૂચ શહેરના સી-ડિવિઝન પોલીસ મથક હેઠળ વર્ષ 2024 દરમિયાન સામે આવેલા કરોડો રૂપિયાની છેતરપિંડીના હાઈપ્રોફઇલ કેસમાં પોલીસને મહત્વપૂર્ણ સફ્ળતા મળી છે. ખોટા લોન સેન્કશન લેટર, બનાવટી એફ્.ડી. દસ્તાવેજો અને વિવિધ સરકારી યોજનાઓના બહાના હેઠળ અનેક લોકોને છેતરનાર રીઢો આરોપી યતીન અરુણભાઈ શાહને આંતરરાષ્ટ્રીય સ્તરના ટેકનિકલ સર્વેલન્સ બાદ બેંગ્લોર એરપોર્ટ પરથી ઝડપી લેવામાં આવ્યો છે.મળતી માહિતી મુજબ, ભરૂચના ઝાડેશ્વર રોડ સ્થિત રામવાટિકા સોસાયટીમાં રહેતા અને દ્રષ્ટિ કાર સ્પા નામે વ્યવસાય કરતા દિપનભાઈ અરૂણભાઈ દલાલે ભરૂચ સી-ડિવિઝન પોલીસ મથકે ફ્રિયાદ નોંધાવી હતી. ફ્રિયાદ અનુસાર, તેમની દીકરીને યુનાઇટેડ કિંગડમમાં અભ્યાસ માટે મોકલવાની પ્રક્રિયા દરમિયાન યતીન શાહે પોતાના સંપર્કો દ્વારા વિઝા અપાવી આપવાની ખાતરી આપી હતી. આરોપીએ યુ.કે. એમ્બેસીમાં ઓળખાણ હોવાનો દાવો કરી પરિવારનો વિશ્વાસ જીત્યો હતો. ત્યારબાદ વિઝા પ્રક્રિયા માટે બેંક ટ્રાન્ઝેક્શન દર્શાવવાની જરૂર હોવાનું કહી દિપનભાઈની પત્નીના ખાતામાં રહેલા રૂ. 21.95 લાખ પોતાના પુત્ર અરહમ શાહના બેંક એકાઉન્ટમાં ટ્રાન્સફ્ર કરાવ્યા હતા.વિઝા પ્રક્રિયા પૂર્ણ ન થતા જ્યારે દિપનભાઈએ પોતાના રૂપિયા પરત માંગ્યા ત્યારે આરોપીએSIDBI બેંકમાં રૂ. 22 લાખની એફ્.ડી. કરાવ્યાનો ખોટો લેટર વોટ્સએપ મારફ્તે મોકલ્યો હતો. એટલું જ નહીં, દીકરીના નામે ICICI બેંકમાંથી રૂ. 24 લાખની એજ્યુકેશન લોન મંજૂર થયાનું ખોટું સહી-સિક્કાવાળું લોન સેન્કશન લેટર પણ આપ્યું હતું. જોકે બાદમાં દસ્તાવેજોની ખરાઈ કરતાં SIDBI અને ICICI બેંકના અધિકારીઓએ બંને લેટર સંપૂર્ણપણે ખોટા અને બનાવટી હોવાનું જાહેર કર્યું હતું. જેથી દિપનભાઈને પોતાની સાથે મોટાપાયે છેતરપિંડી થઈ હોવાનો ભાન થયું હતું. ગુનો નોંધાયા બાદ આરોપી યતીન શાહ પોલીસની નજરથી બચવા ભારત છોડીને મલેશિયા ભાગી ગયો હતો. ત્યારબાદ ભરૂચ સી-ડિવિઝન પોલીસે ટેકનિકલ સર્વેલન્સ, ડિજિટલ ટ્રેકિંગ અને વિવિધ રાજ્યોમાં નેટવર્ક સક્રિય કરી તેની શોધખોળ શરૂ કરી હતી. આ દરમિયાન આરોપી મલેશિયાથી ભારત પરત ફ્રી રહ્યો હોવાની માહિતી પોલીસને મળતા બેંગ્લોર પોલીસે એરપોર્ટ પરથી જ આરોપીને ઝડપી લીધો હતો. ત્યારબાદ ભરૂચ સી-ડિવિઝન પોલીસની ટીમ બેંગ્લોર પહોંચી આરોપીની કસ્ટડી મેળવી તેને ભરૂચ લાવવામાં સફ્ળ રહી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 11, 2026

ગેરકાયદે રેતી ખનન કરતા 2 ઍક્સેવેટર મશીન ઝડપાયા

ભરૂચ જિલ્લાના તવરા ગામે નર્મદા નદીના તટમાં ચાલતા રેતીના ગેરકાયદે ખનનની પ્રવૃતિ ઉપર ભુસ્તર વિજ્ઞાન અને ખનીજ કચેરીની ટીમ ત્રાટકી હતી અને આશરે રૂા.1 કરોડથી વધુ કિંમતનો મુદ્દામાલ જપ્ત કરાયો હતો. જો કે ગેરકાયદે ખનન કરતા તત્વો સામે હજુ સુધી કોઇ કાર્યવાહી કરવામાં આવી નથી.ભરૂચ જિલ્લામાં બિનઅધિકૃત ખનીજ ખનન અને વહન સામે તંત્રએ લાલ આંખ કરી છે. ભરૂચ તાલુકાના જૂના તવરા ગામે નર્મદા નદીના પટમાં ચાલતી સાદી રેતીની ગેરકાયદે પ્રવૃત્તિ પર ભુસ્તરવિજ્ઞાન અને ખનીજ કચેરીની ટીમને શનિવારના રોજ જૂના તવરા ગામના ગ્રામજનો દ્વારા ખનીજ ચોરી અંગેની મૌખિક રજૂઆતો કરવામાં આવી હતી.આ ફ્રિયાદને ગંભીરતાથી લઈને ભરૂચના ભુસ્તરશાસ્ત્ર્રીની સૂચના મુજબ ક્ષેત્રિય તપાસ ટીમ દ્વારા તાત્કાલિક સ્થળ તપાસ હાથ ધરવામાં આવી હતી.તપાસ દરમિયાન જૂના તવરા ખાતે નદીના પટમાં સાદી રેતીનું બિનઅધિકૃત ખનન થતું હોવાનું માલૂમ પડયું હતું. ખનીજ વિભાગની ટીમે સ્થળ પરથી 1 ટાટા હિટાચી એક્સેવેટર મશીનઅને 1 હ્યુન્ડાઇ એક્સેવેટર મશીન આમ, કુલ 02 એક્સેવેટર મશીનો સીઝ કરી અંદાજે રૂપિયા 1કરોડથી વધુની કિંમતનો મુદ્દામાલ જપ્ત કર્યો છે. આ જપ્ત કરાયેલ મુદ્દામાલ હાલ તવરા ગામના સરપંચની કસ્ટડીમાં સોંપવામાં આવ્યો છે. ભૂસ્તર વિભાગ દ્વારા આ મામલે ખનીજ ચોરી કરનારા તત્વો વિરુદ્ધ નિયમોનુસાર દંડકીયકાર્યવાહી હાથ ધરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward