Community News & Updates

Stay informed with the latest happenings, achievements, and announcements from our community.

All News

calendar_today May 10, 2026

Ahmedabad : વાડજમાં કાર પાર્કિંગના ઝઘડામાં હેર સલૂનમાં 4 લોકોએ કરી તોડફોડ

અમદાવાદના વાડજ વિસ્તારમાં કાર પાર્કિંગના ઝઘડાએ હિંસક સ્વરૂપ ધારણ કર્યું. સોરાબજી કમ્પાઉન્ડ નજીક આવેલા એક હેર સલૂનમાં ચાર લોકોએ તોડફોડ કરી ભારે નુકસાન પહોંચાડ્યું છે. આ ઘટનાથી વિસ્તારમાં તણાવનું વાતાવરણ સર્જાયું.ચાર વ્યક્તિઓએ ગુસ્સામાં આવીને સલૂન પર હુમલો કર્યો મળતી માહિતી મુજબ, પાર્કિંગ બાબતે થયેલા નાના વિવાદે ઉગ્ર સ્વરૂપ ધારણ કર્યું. વિવાદ બાદ બે મહિલાઓ સહિત કુલ ચાર વ્યક્તિઓએ ગુસ્સામાં આવીને સલૂન પર હુમલો કર્યો હતો. આરોપીઓએ દંડા વડે સલૂનની અંદર તોડફોડ કરી, ફર્નિચર, કાચ અને અન્ય સામગ્રીને નુકસાન પહોંચાડ્યું હતું. આ અચાનક હુમલાથી સલૂનમાં હાજર લોકોમાં ભયનો માહોલ ફેલાઈ ગયો હતો. ઘટના બાદ સલૂન માલિકે તાત્કાલિક વાડજ પોલીસ સ્ટેશનમાં ચારેય આરોપીઓ સામે ફરિયાદ નોંધાવી હતી. ફરિયાદમાં જણાવવામાં આવ્યું છે કે પાર્કિંગ મુદ્દે સામાન્ય બોલાચાલી બાદ આરોપીઓએ સંગઠિત રીતે આવીને હિંસા કરી અને સંપત્તિને નુકસાન પહોંચાડ્યું. વાડજ પોલીસ સ્ટેશનમાં ફરિયાદના આધારે તપાસ શરૂ કરી છે. પોલીસ દ્વારા ઘટનાસ્થળના સીસીટીવી ફૂટેજ અને સાક્ષીઓના નિવેદનો એકત્રિત કરવામાં આવી રહ્યા છે. આરોપીઓની ઓળખ થઈ ગઈ હોવાનું પણ જાણવા મળ્યું છે અને તેમની શોધખોળ શરૂ કરવામાં આવી છે. કાયદો હાથમાં લેનાર કોઈને પણ છોડવામાં નહીં આવે સ્થાનિક લોકોના જણાવ્યા મુજબ આ વિસ્તારમાં પાર્કિંગને લઈને અગાઉ પણ નાના-મોટા વિવાદો થતા રહ્યા છે, પરંતુ આ વખતની ઘટના હિંસક બની ગઈ છે. પોલીસે જણાવ્યું છે કે કાયદો હાથમાં લેનાર કોઈને પણ છોડવામાં નહીં આવે અને કડક કાર્યવાહી કરવામાં આવશે. હાલ સમગ્ર વિસ્તારમાં પોલીસ બંદોબસ્ત વધારી દેવામાં આવ્યો છે અને પરિસ્થિતિ નિયંત્રણમાં છે. આ ઘટનાએ ફરી એકવાર શહેરમાં પાર્કિંગ વ્યવસ્થાની સમસ્યા અને તેના કારણે થતા વિવાદો પર પ્રશ્નો ઉભા કર્યા છે. આ પણ વાંચો : Kachchh : છછીના દરિયાકાંઠે લાઈટ હાઉસ નજીક વિસ્ફોટક સેલ મળ્યો, આસપાસનો વિસ્તાર ખાલી કરાવવામાં આવ્યો

Read Full Story arrow_forward

calendar_today May 10, 2026

Maharashtra:અમરાવતી જિલ્લામાં ન્હાવા પડેલા બે સગા ભાઈ-બહેન સહિત 4 બાળકોના ડૂબી જવાથી કરુણ મોત!

મહારાષ્ટ્રના અમરાવતી જિલ્લામાં એક અત્યંત હૃદયદ્રાવક ઘટના સામે આવી છે. શહેરના ઘાટખેડા તળાવમાં ન્હાવા ગયેલા ચાર બાળકોના ડૂબી જવાથી મોત નીપજ્યા છે. આ કરૂણ દુર્ઘટનામાં બે સગા ભાઈ-બહેનનો પણ સમાવેશ થાય છે. આ ઘટનાને પગલે સમગ્ર વિસ્તારમાં માતમ છવાઈ ગયો છે.રમતા-રમતા તળાવે પહોંચ્યામળતી માહિતી મુજબ, ખોલાપુરી ગેટ પોલીસ સ્ટેશન વિસ્તારના રહેવાસી એવા ચાર બાળકો રવિવારે ઘરેથી ફરવા માટે નીકળ્યા હતા. આ દરમિયાન તેઓ ઘાટખેડા તળાવ પાસે પહોંચ્યા અને ન્હાવા માટે પાણીમાં ઉતર્યા હતા. જોકે, પાણીના ઉંડાણનો અંદાજ ન આવતા ચારેય બાળકો એકપછી એક ડૂબવા લાગ્યા હતા. કમનસીબે તે સમયે આસપાસ કોઈ હાજર ન હોવાથી તેમને બચાવી શકાયા ન હતા.મૃતકોની ઓળખપોલીસે સ્થાનિક ગ્રામજનો અને ડિઝાસ્ટર રેસ્ક્યૂ ટીમની મદદથી ચારેયના મૃતદેહ બહાર કાઢ્યા છે. મૃતકોમાં સોનાલી નરેન્દ્ર જોશી (16 વર્ષ), આદિત્ય નરેન્દ્ર જોશી (12 વર્ષ), પાયલ બબલુ પંડિત (21 વર્ષ) અને યશ ગજાનન કાકણે (13 વર્ષ) નો સમાવેશ થાય છે.પરિવારમાં શોકનું મોજુંએક જ વિસ્તારના ચાર આશાસ્પદ યુવાનો અને બાળકોના મોતથી પરિવારજનો પર આભ ફાટ્યું છે. હોસ્પિટલ અને ઘટનાસ્થળે સ્વજનોના રડવાના અવાજથી વાતાવરણ ગમગીન બની ગયું હતું. હાલ પોલીસ આ મામલે અકસ્માત મોતનો ગુનો નોંધી આગળની તપાસ હાથ ધરી રહી છે.આ પણ વાંચો: Delhi : Oppo-Oneplusની નકલી પ્રોડક્ટ બનાવી બજારમાં વેચી રહ્યો હતો આરોપી, પોલીસે ઝડપ્યો

Read Full Story arrow_forward

calendar_today May 10, 2026

Amit Shahની આગેવાનીમાં મહત્વની બેઠક, દેશમાં વધી રહેલા હીટવેવના પ્રકોપ સામે લેવાશે પગલાં

અમિત શાહે રવિવારે નવી દિલ્હીમાં એક મહત્વપૂર્ણ ઉચ્ચસ્તરીય બેઠકની અધ્યક્ષતા કરી, જેમાં દેશમાં સંભવિત પૂર અને લૂ (હીટવેવ) જેવી પરિસ્થિતિઓનો સામનો કરવા માટેની તૈયારીઓની વિગતવાર સમીક્ષા કરવામાં આવી. બેઠક દરમિયાન તેમણે સંબંધિત વિભાગોના અધિકારીઓને જરૂરી માર્ગદર્શન આપ્યું અને આપત્તિ વ્યવસ્થાપનને વધુ મજબૂત બનાવવા પર ભાર મૂક્યો. અદ્યતન ટેક્નોલોજીનો ઉપયોગ આ બેઠકમાં મુખ્ય ધ્યાન પૂર પૂર્વાનુમાન અને રિયલ-ટાઈમ ડેટા ઈન્ટિગ્રેશન દ્વારા અદ્યતન ટેક્નોલોજીનો ઉપયોગ કરીને વહેલી ચેતવણી સિસ્ટમને મજબૂત બનાવવા પર રાખવામાં આવ્યું. સાથે જ પૂર અને લૂ જેવી એકસાથે આવતી આપત્તિઓનો સામનો કરવા માટે રાજ્ય, જિલ્લા અને નગરપાલિકા સ્તરે તૈયારી વધારવા અંગે ચર્ચા કરવામાં આવી હતી. જાનહાનિ ઘટાડવા માટે સમુદાય જાગૃતિ અને ક્ષમતા નિર્માણ કાર્યક્રમો ચલાવવાની પણ સૂચના આપવામાં આવી. NDMA દ્વારા આપેલા માર્ગદર્શનોને અસરકારક રીતે અમલમાં મૂકવા ગૃહમંત્રીએ સ્પષ્ટ જણાવ્યું કે દરેક રાજ્યમાં FCMTનું ગઠન કરી તેને સક્રિય કરવું જરૂરી છે. તેમણે કહ્યું કે NDMA દ્વારા આપેલા માર્ગદર્શનોને અસરકારક રીતે અમલમાં મૂકવામાં આવે તે માટે સતત સમીક્ષા થવી જોઈએ. સાથે જ રાજ્યોએ જંગલમાં આગ, હીટવેવ અને પૂર જેવી પરિસ્થિતિઓ માટેના તૈયારીઓના ધોરણોનું પાલન કેટલું કરે છે તેની પણ તપાસ થવી જોઈએ. અમિત શાહે વડાપ્રધાન મોદીના નેતૃત્વમાં Zero Casualty Disaster Managementના લક્ષ્ય પર ભાર મૂક્યો. તેમણે કહ્યું કે નદીઓ પર ચેકડેમ્સ બનાવી જળ સંરક્ષણ અને ભૂગર્ભ જળ સ્તર સુધારવા માટે વધુ પ્રયાસો થવા જોઈએ. હીટવેવથી કૃષિ ક્ષેત્રને ઓછામાં ઓછું નુકસાન થાય તે માટે પણ વિશેષ આયોજન જરૂરી છે. તેમણે CAMPA ફંડનો ઉપયોગ પર્યાવરણ સંતુલન અને બહુઆયામી વિકાસ માટે કરવાની સૂચના આપી. કુલ મળીને આ બેઠકમાં આપત્તિ વ્યવસ્થાપનને આધુનિક, અસરકારક અને ઝડપી પ્રતિસાદક્ષમ બનાવવા પર ભાર મૂકવામાં આવ્યો હતો. આ પણ વાંચો : Delhi : Oppo-Oneplusની નકલી પ્રોડક્ટ બનાવી બજારમાં વેચી રહ્યો હતો આરોપી, પોલીસે ઝડપ્યો

Read Full Story arrow_forward