Community News & Updates

Stay informed with the latest happenings, achievements, and announcements from our community.

All News

calendar_today May 9, 2026

Himatnagar: હિંમતનગરની સિવિલ હોસ્પિટલમાં થેલેસેમિયાના 76 દર્દી સારવાર હેઠળ

સામાન્ય રીતે કોઈપણ વ્યક્તિમાં જયારે જરૂરીયાત કરતાં ઓછુ લોહી હોય ત્યારે ર્ડાકટરો નિદાન કરીને કેટલાક કિસ્સાઓમાં દર્દીઓ થેલેસેમિયાનો ભોગ બને છે ત્યારે આવા દર્દીઓને રોજબરોજ જરૂરી લોહી ચઢાવવાની જરૂરીયાત ઉભી થાય છે ત્યારે હિંમતનગર સિવિલમાં અત્યારે થેલેસેમિયાના 76 દર્દીઓ સારવાર હેઠળ છે. જે પૈકી 18 દર્દીઓને રોજબરોજ મફત લોહી ચઢાવવામાં આવે છે. જેમાં સાબરકાંઠા, અરવલ્લી અને રાજસ્થાન જિલ્લાના છે. આ અંગે હિંમતનગર સિવિલ હોસ્પિટલના ઈન્ચાર્જ RMO ડૉ.વિપુલ જાની અને ડૉ. આનંદ પટેલે જણાવ્યું હતુ કે, હિંમતનગર સિવિલમાં 76 દર્દીઓમાંથી 9 રાજસ્થાનના અને 67 સાબરકાંઠા તથા અરવલ્લી જિલ્લાના છે. આ તમામ દર્દીઓ મેજર થેલેસેમિયાથી પીડાઈ રહ્યા છે. તેમાંથી 18 દર્દીઓને દર મહિને નિયમિતપણે નિઃશુલ્ક લોહી ચઢાવવામાં આવે છે. હોસ્પિટલમાં પીઆઈસીયુ અને પીડિયાટ્રિક વોર્ડ 1, 2 અને 3માં દર્દીઓને દાખલ કરીને સારવાર આપવામાં આવે છે. જરૂરિયાત મુજબ દર્દીઓને લોહી ચઢાવવા ઉપરાંત દવાઓ પણ પૂરી પાડવામાં આવે છે. જેના લીધે મેજર થેલેસેમિયાના દર્દીઓને ખુબજ રાહત થાય છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Gandhinagar: રેર ગણાતી મોયા-મોયા બીમારીથી પીડિત યુવક આયુર્વેદથી સાજો થયો

રાજ્યમાં મોયા મોયા નામની રેર ગણાતી દૂર્લભ બીમારીનો કિસ્સો પાટનગરમાં સામે આવ્યો છે. આઠેક વર્ષથી પથારીવશ રહ્યાં બાદ યુવાન આયુર્વેદિક ચિકિત્સા પદ્ધતિથી ફરી ચાલતો થયો છે.યુવકની સારવાર માટે અલગ-અલગ રાજ્યોમાં ફરીને પરિવારો લાખો રૂપિયાનો ખર્ચ કર્યો હતો. જોકે સેક્ટર-22 સરકારી આયુર્વેદ હોસ્પિટલ ખાતે મળેલી સારવારથી યુવકે ચાલવાનું શરૂ કર્યું છે.સેક્ટર-26માં રહેતાં અને કલોલની અરવિંદ મિલમાં નોકરી કરતાં દિલીપસિંહ બિહોલાના પુત્ર હર્ષને 2016માં સ્ટ્રોક આવ્યો હતો, જે બાદ 2018માં આવેલા બીજા સ્ટ્રોકમાં યુવક સંપૂર્ણ પથારીવશ થઈ ગયો હતો.દિકરાની સારવાર માટે પરિવારે ગાંધીનગર, અમદાવાદ,મુંબઈ, દિલ્હીના તબીબો પાસે સારવાર કરાવી હતી.જેમાં પરિવારે લાખો રૂપિયા ખર્ચી નાખ્યા બાદ પણ મોયા-મોયા જેવી જટિલ બીમારીમાં કોઈ રાહત મળી ન હતી. મોયા-મોયા રક્તવાહિનીઓને લગતી બહુ રેર જોવા મળતી બિમારી છે, જેમાં મગજને લોહી પહોંચાડતી મુખ્ય નળીઓ બ્લોક થઈ જાય છે. જેના કારણે મગજ પોતાનો રસ્તો બનાવવા માટે નાની-નાની અસંખ્ય રક્તવાહીનીઓ વિકસાવે છે. જે એક્સ-રે કે સ્કેનિંગમાં ધૂમાડા જેવી દેખાય છે. આવી સ્થિતિમાં દર્દીને વારંવાર સ્ટ્રોક આવવો, લકવો મારવો, માનસિક ક્ષમતા ઘટવા જેવા લક્ષણો જોવા મળે છે. સામાન્ય રીતે જાપાન કે કોરિયામાં વધારે જોવા મળે છે. રેર જોવા મળતી મોયા-મોયાની સારવાર માટે અંતે પરિવારે આયુર્વેદિક પદ્ધતિ અપનાવી હતી. સે-22 આયુર્વેદ હોસ્પિટલના વૈદ્ય રાકેશ ભટ્ટ દ્વારા 35 દિવસની યુવકની સઘન સારવાર ચાલી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Himatnagar: સાબરકાંઠા વહીવટી તંત્ર દ્વારા ચોમાસાની પૂર્વ તૈયારીઓ અંગેની સમીક્ષા બેઠક યોજાઈ

હિંમતનગર ખાતે આગામી ચોમાસાની ઋતુને ધ્યાને રાખીને વહીવટી તંત્રની સજ્જતા ચકાસવા અને પૂર્વ તૈયારીઓના ભાગરૂપે શુક્રવારે કલેક્ટરના અધ્યક્ષસ્થાને કલેક્ટર કચેરીના પોળો હોલ ખાતે પ્રિ-મોન્સૂન રિવ્યુ મીટિંગનું આયોજન કરાયું હતું. આ અંગે જિલ્લા કલેકટર નારાયણસિંગ સાંદુના જણાવાયા મુજબ, સાબરકાંઠા જિલ્લામાં ચોમાસા દરમિયાન સંચાર અને માહિતીના આદાન-પ્રદાનને મહત્વ આપતા કલેક્ટરે જિલ્લા અને તાલુકા કક્ષાના કંટ્રોલરૂમને 24 કલાક કાર્યરત કરવા સૂચના આપી હતી. ઉપરાંત દર બે કલાકે વરસાદના આંકડાની સચોટ માહિતી પહોંચાડવા અને તમામ મામલતદાર કચેરીઓના લેન્ડલાઈન ફોન સત્વરે ચાલુ કરવા જણાવાયું હતું.વરસાદી પાણીના ભરાવા અને સંભવિત જોખમોને ટાળવા માટે કલેક્ટરે નીચાણવાળા વિસ્તારો, કોઝવે અને વોટર લોગિંગ થતા સ્થળોની યાદી તૈયાર કરી સંબંધિત ગામના તલાટી અને સરપંચના સંપર્ક નંબર સાથેનો ડેટા તૈયાર રાખવા સંબંધિત અધિકારીઓને તાકીદ કરી હતી. ચોમાસા પૂર્વે ગટર અને નદી-નાળાની સફાઈ પૂર્ણ કરવા, જોખમી વૃક્ષોનું કટીંગ કરવા તેમજ જો ભારે વરસાદને કારણે વીજળીના થાંભલા ધરાશાયી થાય તો તેને તાત્કાલિક હટાવી વીજ પુરવઠો પૂર્વવત કરવા સૂચના અપાઈ હતી. રસ્તાના ખાડાનું સમયસર રિપેરિંગ, ડેમમાં બફર ઝોનની જાળવણી અને અંડરબ્રિજમાં પાણી ભરાય ત્યારે બેરિકેટિંગ કરી અવરજવર રોકવા જેવા સુરક્ષાત્મક પગલાં લેવા માટે પણ માર્ર્ગદર્શન આપવામાં આવ્યું હતું. આપત્તિ વ્યવસ્થાપનની સજ્જતાના ભાગરૂપે તરવૈયા અને આપદામિત્રોની યાદી તૈયાર રાખવા તેમજ લાઈફ બોયા, જેકેટ અને જનરેટર જેવા બચાવ સાધનોનું વેરિફિકેશન કરવા બેઠકમાં વિગતવાર ચર્ચા થઈ હતી. જોખમી સ્થળોએ રેડિયમ સિગ્નલ મૂકવા અને ભયજનક ઈમારતો તેમજ હોર્ડિંગ્સ ઉતારવાની કામગીરી પૂર્ણ કરવા પર પણ ભાર મુકાયો હતો. આ બેઠકમાં નિવાસી અધિક કલેક્ટર ક્રિષ્ના વાઘેલા, પ્રાંત અધિકારીઓ, મામલતદારોઓ, તાલુકા વિકાસ અધિકારીઓ અને ચીફ ઓફિસરોઓ સહિત વિવિધ વિભાગના ઉચ્ચ અધિકારીઓએ ઉપસ્થિત રહ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward