Community News & Updates

Stay informed with the latest happenings, achievements, and announcements from our community.

All News

calendar_today May 9, 2026

Himatnagar: વિજયનગરમાં વાવાઝોડાથી દેશી કેરીનો પાક ખરી પડતાં મોટું નુકસાન

સાબરકાંઠા જિલ્લાના હિંમતનગર સહિત અન્ય સ્થળે બુધવારે બપોર બાદ ઉનાળાની ગરમી વચ્ચે અચાનક વરસાદી છાંટાં પડતાં વાતાવરણમાં પલટો આવ્યો હતો. થોડા સમય માટે પડેલા આ છાંટાંને કારણે ગરમીમાંથી રાહત આપવાને બદલે બફારો વધારી દીધો હતો, જેના કારણે શહેરજનોને ભારે અસ્વસ્થતા અનુભવાઈ હતી. દરમિયાન પોશીનામાં 17 મીમી કમોસમી વરસાદ પડયો હતો.અચાનક આવેલા આ વરસાદથી ખેતરોમાં પાકની કાપણી અને ખેતીના કામમાં વ્યસ્ત ખેડૂતો ચિંતામાં મુકાઈ ગયા હતા. ઉનાળાની ઋતુમાં આવી અનિશ્ચિત હવામાન પરિસ્થિતિને કારણે પાકને નુકસાન થવાની ભીતિ પણ વ્યક્ત કરવામાં આવી રહી છે. બીજી તરફ રસ્તાો પર મજૂરી કરવા નીકળેલા શ્રામિકો તેમજ ખુલ્લામાં રહેલા પશુઓને પણ વરસાદી છાંટાંથી બચવા માટે ઝાડ નીચે આશરો લેવો પડયો હતો. વિજયનગર તાલુકામાં મંગળવારે સાંજે ત્રાટકેલા વાવાઝોડાએ દેશી કેરીના પાકનો સોથ વળી ગયો હતો. પવનના કારણે દેશી કેરીઓ પડી જવાના કારણે ખેડૂતોને વ્યાપક નુકસાન થવા પામ્યું હતું. પોશીના દેલવાડા આંજણી તથા આજુબાજુના ગ્રામ્ય વિસ્તારોમાં કમોસમી વરસાદ થયો હતો જેથી વાતાવરણમાં ઠંડક પ્રસરતા લોકોને ગરમીથી રાહત મળી હતી. પોશીનામાં પોણા કલાકમાં 17 મી.મી.વરસાદ નોંધાયો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Gandhinagar: સિવિલના સ્ટાફને ફાયર સેફ્ટીની તાલીમ અપાઈ

જીએમઈઆરએસ જનરલ હોસ્પિટલ ગાંધીનગર ખાતે અગ્નિ સલામતી સપ્તાહની ઉજવણી કરવામાં આવી હતી. જેમાં સિક્યુરિટી સ્ટાફ્, નર્િંસગ સ્ટાફ્ તેમજ વ્ાર્ગ-4-ના કર્મચારીઓ માટે વિશેષ જાગૃતિ કાર્યક્રમનું આયોજન કરાયું હતું. જેમાં આગ લાગવાના કારણો, આગ અકસ્માતની ઘટના બને તો રાખવી પડતી સાવચેતી અને ફયર એક્સ્ટિંગ્યુસરનો ઉપયોગ કરવાની સચોટ પદ્ધતિની માહિતી આપવામાં આવી હતી. હોસ્પિટલ ખાતે આયોજિત કાર્યક્રમમાં ફયર મોક ડ્રીલ દ્વારા પ્રેક્ટિકલ તાલીમ આપવામાં આવી હતી, જેમાં ખાસ કરીને PASS (પુલ,એઈમ, સ્ક્વિઝ, સ્વીપ)અને RACE(રેસ્ક્યુ, એલાર્મ,કોન્ફીન, એક્સ્ટિગ્યુસ) પદ્ધતિ વિશે વિસ્તૃત સમજણ લાઈવ ડેમોસ્ટ્રેશન દ્વારા અપાઈ હતી. કાર્યક્રમના અંતે ઉપસ્થિત તમામ સ્ટાફ્ દ્વારા અગ્નિ સુરક્ષા પ્રતિજ્ઞા લેવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Himatnagar: સાબરકાંઠા-અરવલ્લીમાં મહત્તમ તાપમાન ઊંચકાયું

ઉત્તર ગુજરાતમાં પૂર્વના ઉત્તરથી પૂર્વીય દિશાના ગરમ પવન ફૂંકાતા તાપમાનમાં ભારે વધારો જોવા મળી રહ્યો છે. તેની અસર જિલ્લામાં પણ પાછલા 24 કલાક દરમિયાન જોવા મળી હતી. સાબરકાંઠા અને અરવલ્લી જિલ્લામાં મહત્તમ તાપમાનમાં ઉછાળો જોવા આવ્યો હતો. તાપમાન વધતા ગરમીમાં પણ ભારે વધારો અનુભવાયો હતો.આકરી ગરમી તેમજ હિટવેવની અસર પગલે જાહેર માર્ગો સુમસામ જોવા મળ્યા હતા.ત્યારે હવામાન વિભાગના સૂત્રોના જણાવ્યા મુજબ આગામી 4 દિવસ દરમિયાન હજુ પણ તાપમાનમાં 2 થી 3 ડીગ્રીનો વધારો જોવા મળી શકે છે.જિલ્લામાં શુક્રવારે મહત્તમ તાપમાનમાં ફેરફર જોવા મળ્યો હતો. ઉત્તર ગુજરાતનો મોટો ભાગ પાછલા 24 કલાક દરમિયાન અગનભઠ્ઠીમાં શેકાયો હતો.તો તેની અસર જિલ્લામાં પણ જોવા મળી હતી. જિલ્લો પણ સવારે 11 વાગ્યાથી સાંજના 5 વાગ્યા દરમિયાન અગનભઠ્ઠીમાં શેકાયો હતો.તો પવનની ગતિમાં વધારા સાથે આગ ઓકતા હોય તેવા પવન દિવસ દરમિયાન ફૂંકાતા શહેર સહિત ગ્રામ્ય વિસ્તારમાં લોકો ભારે ત્રસ્ત થયા હતા.તો તાપમાન વધતા જિલ્લામાં દિવસ દરમિયાન બફરો પણ અનુભવાયો હતો.તો અસહ્ય ગરમી પગલે બપોરના સમયે બજાર સુમસામ જોવા મળ્યા હતા.ત્યારે મહત્તમ તાપમાનનો પારો 41 ડિગ્રી જયારે લઘુત્તમ તાપમાનનો પારો 26 ડિગ્રી નોધાયો હતો.ત્યારે હવામાન વિભાગના સૂત્રોના જણાવ્યા મુજબ આગામી ચાર દિવસ દરમિયાન મહત્તમ તાપમાનમાં હજુ પણ 2 થી 3 ડિગ્રીનો વધારો જોવા મળી શકે છે.તેને કારણે જિલ્લાવાસીઓએ આગામી દિવસો દરમિયાન અસહ્ય ગરમીનો સામનો કરવો પડી શકે છે. જો કે, આગામી દિવસોમાં તાપમાનનો પારો વધે તેવી શક્યતા હવામાન વિભાગ દ્વારા વ્યક્ત કરવામાં આવી છે. તેથી આગામી દિવસોમાં ગરમીમાં સેકાવા માટે જિલ્લાવાસીઓએ તૈયાર રહેવું પડશે. વાતાવરણમાં ચાલી રહેલા પલટાને કારણે લોકો મુંઝાયા છે તેમજ બિમારીઓ પણ વધી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward