Community News & Updates

Stay informed with the latest happenings, achievements, and announcements from our community.

All News

calendar_today May 9, 2026

Patan: પાટણના બાલીસણામાં આગ ભભુકી : જાનહાની ટળી

પાટણ : પાટણ તાલુકાના બાલીસણા ગામે આવેલ સિંધી વાસ પાસેની આંબાવાડી ખાતે અગમ્ય કારણોસર આગ લાગવાની ઘટના બનવા પામી હતી. જેની જાણ જાનમહમદ સીંધી દ્વારા પુર્વ સદસ્ય નરેશભાઈ પરમારને કરતાં તેમણે મામલતદાર સહિતના તંત્રનું ધ્યાન દોરતા તાત્કાલિક અસરથી ફાયર બ્રિગેડની ટીમ સહિત નવનિયુક્ત ડેલીગેટ અને સરપંચ સહિતના દોડી આવી પાણીનો મારો ચલાવી આગ પર કાબુ મેળવ્યો હતો. જોકે લાગેલી આગની ઘટનામાં કોઈ પણ પ્રકારની જાનહાની થવા પામી ન હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Patan: શંખેશ્વર તાલુકાના જેસડા ખાતે વીજ વાયર શોર્ટસર્કિટથી મકાનમાં આગ

શંખેશ્વર તાલુકામાં એક તરફ્ કાળ ઝાળ ગરમી વચ્ચે જેસડા ગામે ગત 8મેના રોજ બપોરના સમયે ગામના છેવાડે દેવી પુજકના મકાન પાસે જીઈબી ના વીજ વાયરમાં સ્પાર્ક થવાથી આગ લાગવાનો બનાવ સામે આવ્યો હતો તેમજ આગ ના તણખા મકાનની અંદર પડતાં મકાનમાં રાખેલો સામન સળગ્યો હતો જોકે મકાન માલીક મજુરી અર્થ બહાર ગામ ગયેલો હોઈ મકાન પાસેના સુકા ઘાસ અને બાવળની ઝાડીમાં લાગેલી આ આગ મકાન સુધી પહોંચતાં આગથી ઘરમાં શું સળગ્યું કેટલું નુકસાન થયું છે જાણી શકાયું નથી લોકોએ જણાવ્યું હતું કે ધુમાડાના ગોટા દેખાઈ આવતાં લોકોને આગ લાગવાની જાણ થયેલી તેથી લોકો સ્થળ પર દોડી આવ્યા હતા અને જે પાણી ભરવાના સાધનો હાથ લાગ્યાતે લઈને પાણીનો મારો ચલાવી મકાન આસપાસ લાગેલી આગ ઉપર કાબુ મેળવ્યો હતો તેમજ મકાનમાં રહેલા સામાન માં લાગેલી આગ મકાન ની બારીથી પાણી નાખી મકાનમાં લાગેલી આગ પણ ઓલવી હોવાનું લોકોએ જણાવ્યું હતું જોકે મકાન માલીક બહાર રહેતો હોઈ મકાનને તાળુ મારેલું હોવાથી મકાનમાં કેટલું નુકસાન થયું તે જાણી શકાયું નથી પરંતું આગ વધુ ફેલાય તે પહેલાં ગામ લોકોએ આગ ઉપર કાબુ મેળવી લીધો હતો સ્થાનીક એ જણાવ્યું હતું કે મકાન પાસે પસાર થતી વીજ લાઇના મેન્ટેનન્સના અભાવે વીજવાયર સ્પાર્ક થવાથી આગ લાગી હોવાનું લોકોએ જણાવ્યું હતું. અત્રે ઉલ્લેખનીય છે કે, મકાનની અંદર નજર કરતાં પ્લાસ્ટીકના ડ્રમમાં આગ લાગેલી પરંતું આ ડ્રમમાં શુ હતું. તે મકાન માલીક આવે ત્યારે જાણી શકાય.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 9, 2026

Patan: વાવલ નજીક ઈકોની અડફેટે એકટીવાચાલક ઈજાગ્રસ્ત

સમી તાલુકાના વાવલ ગામની નજીક એક અકસ્માતની ઘટના બનવા પામી હતી. જેમાં વાવલ ગામ તરફ્થી એકટીવા લઈને આવી રહેલા એક યુવકને રાધનપુર તરફ્ જતી એક ઈકો ગાડીના ચાલકે અડફેટે લેતાં એકટીવા ચાલક રોડ પર પટકાતાં ઈજાઓ પહોંચી હતી. જેને સૌ પ્રથમ સમી સામુહિક આરોગ્ય કેન્દ્રમાં સારવાર માટે લવાયા બાદ વધુ સારવાર માટે અન્યત્ર ખસેડાયો હતો.મળતી માહિતી મુજબ સમી તાલુકાના બાસ્પા ગામના વિજય દિનેશભાઈ રાઠોડ નામના એકટીવા ચાલક વાવલ ગામ તરફ્થી એકટીવા લઈને પસાર થઈ રહ્યા હતા. તે દરમિયાન રાધનપુર તરફ્ જતી એક ઈકો ગાડીના ચાલકે એક્ટીવાને અડફેટે લીધા બાદ ફરાર થઈ ગયો હતો. અકસ્માતની જાણ થતાં લોકો દોડી આવ્યા હતા અને તાત્કાલિક 108 વાન મારફ્તે ઈજાગ્રસ્ત એકટીવા ચાલકને સારવાર માટે સમી ખાતે લઈ જવાયા બાદ વધુ સારવાર માટે અન્યત્ર ખસેડાયો હતો. જોકે આ અંગે આ લખાય છે ત્યાં સુધી કોઈ પોલીસ ફરિયાદ નોંધાવવા પામી ન હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward