Rajkot News: ગોંડલમાં પિતાએ બે સંતાનોને ગળાટૂંપો આપી પોતે પણ ગળાફાંસો ખાધો, ગાયત્રી સિમેન્ટ કારખાનામાં ત્રણ મૃતદેહ મળ્યા
રાજકોટના ગોંડલ પંથકમાં કાળજું કંપી જાય તેવી એક ઘટના સામે આવી છે. ગોંડલ શહેરના ઘોઘાવદર રોડ પર આવેલા 'ગાયત્રી સિમેન્ટ'ના કારખાનામાં એક પિતાએ પોતાના બે તેજસ્વી સંતાનોની હત્યા કરી પોતે પણ ગળાફાંસો ખાઈ જીવન ટૂંકાવ્યું છે. આ સામુહિક આપઘાતની ઘટનાથી ગોંડલના વેપારી આલમ અને સાંઢવાયા ગામમાં શોકનું મોજું ફરી વળ્યું છે.બાળકોને વહાલથી કારખાને લાવ્યા અને ખેલ્યો ખતરનાક ખેલ ઘટનાની પ્રાપ્ત વિગતો મુજબ, ગાયત્રી સિમેન્ટ કારખાનાના માલિક જયપાલભાઈ તોગડીયા (ઉં.વ. 35) સવારે ઘરેથી પોતાના બંને સંતાનોને વહાલથી કારખાને સાથે લાવ્યા હતા. કોઈને અંદાજ પણ ન હતો કે પિતા આવું ભયાનક પગલું ભરશે. કારખાનામાં પહોંચ્યા બાદ જયપાલભાઈએ કોઈ અગમ્ય કારણોસર પોતાના 15 વર્ષીય પુત્ર મિશ્ર અને 10 વર્ષીય પુત્રી રિવાને ગળાટૂંપો આપી મોતને ઘાટ ઉતાર્યા હતા અને ત્યારબાદ પોતે પણ પંખા સાથે લટકી જીવન ટૂંકાવ્યું હતું. તાજેતરમાં જ પુત્રએ ધોરણ 10માં મેળવ્યા હતા 70 ટકા આ કરુણાંતિકામાં ભોગ બનનાર બંને બાળકો અભ્યાસમાં અત્યંત તેજસ્વી હતા. 15 વર્ષીય મિશ્રે તાજેતરમાં જ જાહેર થયેલા ધોરણ 10ના પરિણામમાં 70 ટકા ગુણ મેળવી પરિવારનું નામ રોશન કર્યું હતું, જ્યારે 10 વર્ષીય પુત્રી રિવા પણ ખાનગી શાળામાં અભ્યાસ કરતી હતી. હસતા-રમતા અને સુખી પરિવારમાં અચાનક પિતાએ આવું કેમ કર્યું તે પ્રશ્ન સૌને સતાવી રહ્યો છે. પોલીસે હાથ ધરી તપાસ ઘટનાની જાણ થતા જ ગોંડલ 'એ' ડિવિઝન પોલીસ અને 108 ની ટીમ ઘટના સ્થળે દોડી આવી હતી. પોલીસે ત્રણેય મૃતદેહોને પોસ્ટ મોર્ટમ માટે ખસેડ્યા છે. છેલ્લા 15 વર્ષથી સફળ વ્યવસાય કરતા જયપાલભાઈના આ અંતિમ પગલાં પાછળ આર્થિક ભીંસ છે કે અન્ય કોઈ કારણ, તે દિશામાં પોલીસે ઊંડી તપાસ શરૂ કરી છે. આ પણ વાંચો - Rajkot બર્ગર કિંગમાંથી ઝડપાયું 72 લીટર એક્સપાયરી ડેટવાળું દૂધ, આરોગ્ય વિભાગે ફટકાર્યો દંડ
Read Full Story arrow_forward
