Community News & Updates

Stay informed with the latest happenings, achievements, and announcements from our community.

All News

calendar_today May 8, 2026

Ahmedabad: રિવરફ્રન્ટ પર બે ટૂ-વ્હીલરમાં ભીષણ આગ, શોર્ટ સર્કિટના કારણે વાહનો ભડભડ સળગ્યા

અમદાવાદના રિવરફ્રન્ટ વિસ્તારમાં આજે એકાએક બે ટૂ-વ્હીલરમાં આગ લાગતા અફરાતફરી મચી ગઈ હતી. ધોમધખતા તાપ વચ્ચે રસ્તા પર ઉભેલા બે વાહનો અચાનક આગની લપેટમાં આવી ગયા હતા. આ ઘટનાની જાણ થતા જ ફાયર બ્રિગેડનો કાફલો ઘટનાસ્થળે પહોંચી ગયો હતો અને ભારે જહેમત બાદ આગ પર કાબૂ મેળવ્યો હતો.શોર્ટ સર્કિટથી આગ લાગ્યાની આશંકાપ્રાથમિક માહિતી અનુસાર, આ આગ લાગવાનું કારણ શોર્ટ સર્કિટ હોવાનું મનાઈ રહ્યું છે. રિવરફ્રન્ટ પર પાર્ક કરેલા અથવા પસાર થઈ રહેલા વાહનોમાં અચાનક ધુમાડા નીકળ્યા બાદ આગની જ્વાળાઓ જોવા મળી હતી. જોતજોતામાં બંને વાહનો આગની ઝપેટમાં આવી ગયા હતા. સદનસીબે, આ દુર્ઘટનામાં કોઈ જાનહાનિ થઈ નથી, પરંતુ વાહનોને ભારે નુકસાન પહોંચ્યું છે.ઈ-વ્હીકલ્સમાં આગનું વધતું પ્રમાણનિષ્ણાતોના જણાવ્યા અનુસાર, ઉનાળાના આકરા તાપમાં ખાસ કરીને ઈલેક્ટ્રિક વાહનો (E-Vehicles) ની બેટરી ગરમ થવાને કારણે આગ લાગવાની ઘટનાઓ વધી રહી છે. અમદાવાદમાં છેલ્લા કેટલાક દિવસોથી તાપમાન ૪૦ ડિગ્રીને પાર પહોંચી રહ્યું છે, જે ઈલેક્ટ્રિક વાહનોના સેલ અને વાયરિંગ માટે જોખમી સાબિત થઈ શકે છે. આગની જાણ થતા જ ફાયર ફાઈટરો તાત્કાલિક ઘટનાસ્થળે પહોંચ્યા હતા અને પાણીનો મારો ચલાવી આગને વધુ પ્રસરતી અટકાવી હતી.આ પણ વાંચો:Surat: પાલતુ કૂતરાઓ રાખતા અને ડુંગરામાં છુપાતા આરોપીઓને પોલીસે ફિલ્મી ઢબે દબોચ્યા, મોહનીયા ગેંગના સૂત્રધારો ઝડપાયા

Read Full Story arrow_forward

calendar_today May 8, 2026

Gujarat Weather: રાજ્યમાં તાપમાનમાં બેથી ત્રણ ડિગ્રીનો વધારો થશે, આ શહેરોમાં હીટવેવની આગાહી

રાજ્યમાં આઠ શહેરોમાં ગરમીનો પારો 40 ડિગ્રીને પાર થયો છે. 9 થી 12 તારીખ સુધી રાજ્યમાં ગરમીનું યલો એલર્ટ આપવામાં આવ્યું છે.હવામાન વિભાગે આકરી ગરમીની કરી આગાહી કરી છે. આગામી દિવસમા ગરમીનો પારો ઉંચો જવાની શક્યતા છે. 11થી 12મેના રોજ હીટવેવની શક્યતાઓ વ્યક્ત કરાઈ છે.હવામાન વિભાગે આગામી સાત દિવસ કચ્છ અને સૌરાષ્ટ્રમાં હિટવેવની આગાહી કરી છે. હવામાન વિભાગની આગાહી હવામાન વિભાગના વૈજ્ઞાનિક પ્રદીપ શર્માએ આગાહીને લઈને કહ્યું હતું કે, આગામી સાત દિવસ કચ્છ અને સૌરાષ્ટ્રમાં હીટવેવની અસર વર્તાશે. રાજકોટ, સુરેન્દ્રનગર, પાટણ, બનાસકાંઠા, ગાંધીનગર, સુરત, વડોદરામાં આગામી સાત દિવસ હીટવેવની શક્યતાઓ છે. અમદાવાદમાં 11,12 અને 13 એપ્રિલે હીટવેવની આગાહી કરવામાં આવી છે. આ ઉપરાંત ગાંધીનગર, સુરત, વડોદરામાં પણ ગરમીમાં વધારો થવાની આગાહી કરવામાં આવી છે. તાપમાનમાં બેથી ત્રણ ડિગ્રીનો વધારો થશે રાજ્યમાં તાપમાનમાં બેથી ત્રણ ડિગ્રીનો વધારો થશે. હવામાન વિભાગે આવતીકાલથી જ હીટવેવની આગાહી કરી છે. આ ઉપરાંત હવામાન વિભાગે રાજ્યના કેટલાક વિસ્તારોમાં છુટાછવાયા વરસાદની પણ આગાહી કરી છે. રાજસ્થાન અને મધ્યપ્રદેશ તરફ સાયક્લોનિક સર્ક્યુલેશન અને ટર્ફ સક્રિય થતાં આ બંને રાજ્યોને અડીને આવેલા ગુજરાતના જિલ્લાઓમાં છુટો છવાયો વરસાદ થઈ શકે છે.આ પણ વાંચોઃ Gujarat Weather News: રાજ્યના 8 શહેરોમાં તાપમાનનો પારો 40 ડિગ્રી, 12 મે સુધી ગરમીનું યલો એલર્ટ

Read Full Story arrow_forward

calendar_today May 8, 2026

Amit Shah in Kolkata: બંગાળના લોકોનો ભાજપ પ્રત્યે અપાર પ્રેમ, વિશ્વાસ..અમિત શાહે માન્યો આભાર

2026ની પશ્ચિમ બંગાળ વિધાનસભા ચૂંટણીમાં શાનદાર જીત બાદ ભારતીય જનતા પાર્ટી (ભાજપ) ના ધારાસભ્ય પક્ષની આજે બેઠક યોજાવાની છે. આ બેઠક દરમિયાન, રાજ્યના આગામી મુખ્યમંત્રીના નામ અંગે અંતિમ નિર્ણય લેવામાં આવશે. કેન્દ્રીય ગૃહમંત્રી અમિત શાહ પણ આ બેઠકમાં હાજર રહેવા માટે કોલકાતા પહોંચી ગયા છે. આજે સાંજે 4 વાગ્યે બંગાળમાં ધારાસભ્ય પક્ષની બેઠક મળશે. બંગાળનો આભાર- અમિત શાહ ત્યારે અમિતશાહે પશ્ચિમ બંગાળમાં ભાજપ પ્રત્યેનો ઉત્સાહ જોઇને તેઓનો આભાર માન્યો છે. તેમણે સોશિયલ મીડિયા પર કેટલીક તસવીરો શેર કરી છે. જેમાં તેઓ જનતાનું અભિવાદન ઝીલતા જોવા મળી રહ્યા છે. તેમણે લખ્યું કે હું બંગાળના લોકોનો ભાજપ પ્રત્યે અપાર પ્રેમ, વિશ્વાસ અને સમર્થન માટે આભાર માનું છું. આ સાથે જ તેમણે વીડિયો અને તસવીરો શેર કરી જેમાં લોકો ભાજપા ઝંડા લઇને અમિત શાહને આવકારતા જોવા મળી રહ્યા છે.  સાંજે 4 વાગે યોજાશે બેઠકપશ્ચિમ બંગાળમાં આજે ભાજપ ધારાસભ્ય પક્ષની બેઠક દરમિયાન પશ્ચિમ બંગાળના આગામી મુખ્યમંત્રીનું નામ નક્કી કરવામાં આવશે. કેન્દ્રીય ગૃહમંત્રી અમિત શાહ અને ઓડિશાના મુખ્યમંત્રી મોહન ચરણ માઝી આ મહત્વપૂર્ણ બેઠકમાં અનુક્રમે નિરીક્ષક અને સહ-નિરીક્ષક તરીકે હાજર રહેશે.  પક્ષના સૂત્રોના જણાવ્યા અનુસાર, આ બેઠક કોલકાતાના બિસ્વ બાંગ્લા કન્વેન્શન સેન્ટર ખાતે સાંજે 4:00 વાગ્યે યોજાવાની છે. આ બેઠક દરમિયાન જ વિધાનસભા પક્ષના નેતા - જે પછીથી રાજ્યના નવા મુખ્યમંત્રી બનશે - ની પસંદગી કરવામાં આવશે. કાલે પરેડ ગ્રાઉન્ડ ખાતે શપથ ગ્રહણ સમારોહરાજ્ય ભાજપ પ્રમુખ સમિક ભટ્ટાચાર્યએ બુધવારે જાહેરાત કરી હતી કે રાજ્યમાં નવી સરકારનો શપથ ગ્રહણ સમારોહ 9 મેના રોજ યોજાશે. તેમણે જણાવ્યું હતું કે આ કાર્યક્રમ કોલકાતાના પ્રતિષ્ઠિત બ્રિગેડ પરેડ ગ્રાઉન્ડ ખાતે સવારે 10:00 વાગ્યે શરૂ થશે. આ પ્રસંગે મોટી સંખ્યામાં પક્ષના કાર્યકરો અને વરિષ્ઠ નેતાઓ હાજર રહે તેવી અપેક્ષા છે. પક્ષના સૂત્રોના જણાવ્યા અનુસાર, શપથ ગ્રહણ સમારોહમાં વડા પ્રધાન, NDA અને BJPના તમામ મુખ્યમંત્રીઓ અને કેન્દ્રીય મંત્રીઓ હાજરી આપશે. બે ડઝન મંત્રીઓ પણ શપથ ગ્રહણ કરે તેવી અપેક્ષા છે.આ પણ વાંચો- Shani Amavasya 2026: 16મેએ શનિનું મહાગોચર, 5 રાશિની તિજોરી ભરાશે એ નક્કી !

Read Full Story arrow_forward