Community News & Updates

Stay informed with the latest happenings, achievements, and announcements from our community.

All News

calendar_today May 8, 2026

Delhi Police: દિલ્હીનું ઐતિહાસિક મંદિર અને સોનીપતનં ઢાબુ આતંકીઓના નિશાને, 9ની ધરપકડ

દિલ્હી પોલીસની સ્પેશિયલ સેલે પાકિસ્તાન પ્રેરિત આતંકી ષડયંત્રનો પર્દાફાશ કરીને એક મોટી દુર્ઘટના ટાળી છે. પાકિસ્તાની આતંકી હેન્ડલર 'શહઝાદ ભટ્ટી મોડ્યુલ'ના 9 સભ્યોની ધરપકડ બાદ પૂછપરછમાં જે વિગતો સામે આવી છે તે અત્યંત ચોંકાવનારી છે. આ આતંકીઓના નિશાના પર દિલ્હીનું ઐતિહાસિક મંદિર અને હરિયાણાના મહત્વના સૈન્ય મથકો હતા. દિલ્હીનું પ્રસિદ્ધ મંદિર અને સૈન્ય કેમ્પ હતા ટાર્ગેટ પરસ્પેશિયલ સેલની તપાસમાં બહાર આવ્યું છે કે પાકિસ્તાની ગુપ્તચર એજન્સી ISI ના ઈશારે આ મોડ્યુલ દિલ્હીના એક પ્રાચીન અને ઐતિહાસિક મંદિરમાં મોટો હુમલો કરવાની ફિરાકમાં હતું. આતંકીઓએ આ મંદિરની રેકી પણ કરી લીધી હતી અને તેના વીડિયો તથા ફોટા પાકિસ્તાનમાં બેઠેલા આકાઓને મોકલ્યા હતા. તેમનો ઈરાદો મંદિરની સુરક્ષામાં તૈનાત જવાનો પર અંધાધૂંધ ગોળીબાર કરી દહેશત ફેલાવવાનો હતો. સોનીપતનો પ્રખ્યાત ઢાબો પણ નિશાના પરઆતંકીઓના પ્લાનિંગમાં માત્ર ધાર્મિક સ્થળો જ નહીં, પણ ભીડભાડવાળી જગ્યાઓ પણ સામેલ હતી. દિલ્હી-સોનીપત હાઈવે પર આવેલ એક અત્યંત લોકપ્રિય ઢાબુ કે જ્યાં રોજ હજારોની સંખ્યામાં લોકો આવે છે, ત્યાં ગ્રેનેડ ફેંકીને સામૂહિક નરસંહાર કરવાની તેમની યોજના હતી. સૈન્ય મથકો અને પોલીસ સ્ટેશનની પણ કરી હતી રેકીપકડાયેલા આતંકીઓએ કબૂલાત કરી છે કે તેઓએ હરિયાણાના હિસારમાં આવેલા મિલિટરી કેમ્પની જાસૂસી કરી હતી અને તેના વીડિયો હેન્ડલર્સને મોકલ્યા હતા. આ ઉપરાંત ઉત્તર પ્રદેશના કેટલાક પોલીસ સ્ટેશનો પણ તેમની હિટ લિસ્ટમાં સામેલ હતા. ઓપરેશનની વિગતોદિલ્હી પોલીસની સ્પેશિયલ સેલે એક ગુપ્ત ઓપરેશન હાથ ધરીને દેશના અલગ-અલગ રાજ્યોમાંથી આ મોડ્યુલના 9 સભ્યોને અત્યાધુનિક હથિયારો સાથે ઝડપી પાડ્યા હતા. આ ધરપકડને કારણે દેશમાં લોહીલુહાણ ખેલ ખેલવાની પાકિસ્તાની સાઝિશ નિષ્ફળ રહી છે. હાલ પોલીસ આ આતંકીઓના નેટવર્ક અને અન્ય સ્લીપર સેલ વિશે વધુ તપાસ કરી રહી છે.આ પણ વાંચો- Shani Amavasya 2026: 16મેએ શનિનું મહાગોચર, 5 રાશિની તિજોરી ભરાશે એ નક્કી !

Read Full Story arrow_forward

calendar_today May 8, 2026

Surat: બાય ઇન્ડી કંપનીમાં રોકાણ કરાવી પિતા-પુત્રએ આચર્યું 4.76 કરોડનું કૌભાંડ, નિવૃત્ત વ્યક્તિએ આજીવન મૂડી ગુમાવી

સુરત શહેરના સીટીલાઈટ વિસ્તારમાં રહેતા એક નિવૃત્ત વ્યક્તિ સાથે 'બાય ઇન્ડી' (Buy Indy) નામની કંપનીમાં રોકાણ કરાવવાના નામે કરોડો રૂપિયાની છેતરપિંડી થઈ છે. આરોપી પ્રવીણ દારુકા અને તેના પુત્ર હર્ષ દારુકાએ ભેગા મળીને રોકાણકારોને મોટી લાલચો આપી કરોડો રૂપિયા પડાવ્યા હોવાનું બહાર આવ્યું છે.25% નફાની જાળમાં ફસાવ્યાઆરોપી પિતા-પુત્રએ ભોગ બનનાર નિવૃત્ત વૃદ્ધનો સંપર્ક કરી પોતાની કંપનીમાં રોકાણ કરવા માટે સમજાવ્યા હતા. તેમણે ખાતરી આપી હતી કે આ રોકાણ પર વાર્ષિક 25% જેટલો મોટો નફો મળશે. નિવૃત્તિ પછીની પોતાની જમાપુંજી સુરક્ષિત રીતે વધશે તેવી આશાએ વૃદ્ધે મોટી રકમનું રોકાણ કર્યું હતું. કુલ મળીને ₹4.76 કરોડની માતબર રકમનું કૌભાંડ આચરવામાં આવ્યું છે.GSTના બહાને 80 લાખની ઉઘાડી લૂંટઠગાઈની હદ તો ત્યાં આવી કે જ્યારે રોકાણકારે પોતાનો નફો કે મૂળ રકમ પરત માંગી, ત્યારે આરોપીઓએ GST (વસ્તુ અને સેવા કર) ભરવાના નામે વધુ પૈસાની માંગણી કરી હતી. ટેક્સ ભર્યા પછી જ રકમ છૂટી થશે તેવો વિશ્વાસ અપાવી આરોપીઓએ આ વૃદ્ધ પાસેથી વધુ ₹80 લાખ પડાવી લીધા હતા. અંતે, કોઈ વળતર ન મળતા ભોગ બનનારને પોતાની સાથે છેતરપિંડી થઈ હોવાનો અહેસાસ થયો હતો.ઇકો સેલ પોલીસની કાર્યવાહીઆ સમગ્ર મામલે ભોગ બનનારે સુરત પોલીસમાં ફરિયાદ નોંધાવતા, આર્થિક ગુના નિવારણ શાખા એટલે કે ઇકો સેલ (Eco Cell) એ તપાસ સંભાળી છે. પોલીસે પ્રવીણ દારુકા અને હર્ષ દારુકા વિરુદ્ધ છેતરપિંડી અને વિશ્વાસઘાતનો ગુનો દાખલ કર્યો છે.આ પણ વાંચો: Bharuch: વાગરાના ગંધાર સોલ્ટમાં શેડ ધરાશાયી, શ્રમિક કાટમાળ નીચે દબાઈ જતા ઘટનાસ્થળે જ દમ તોડ્યો

Read Full Story arrow_forward

calendar_today May 8, 2026

Gujarat Weather News: સૌરાષ્ટ્ર અને કચ્છમાં આજે છુટાછવાયો વરસાદ પડશે, કાલથી 5 દિવસ ગરમીનું યલો એલર્ટ

સૌરાષ્ટ્ર-કચ્છમાં કાળઝાળ ગરમી વચ્ચે ચોમાસાની ગતિવિધી શરૂ થઈ હોય તેમ છેલ્લા બે દિવસથી અમરેલી, સોમનાથ અને રાજકોટ જિલ્લામાં તોફાની વરસાદ પડી રહ્યો છે. આજે શુક્રવારે સૌરાષ્ટ્રના અડધો ડઝન જિલ્લાઓમાં છુટાછવાયા સ્થળોએ વરસાદ અને શનિવારથી પાંચ દિવસ ગરમીનું યલો એલર્ટ જાહેર કરવામાં આવ્યું છે. તે સાથે આજે પણ ગરમીનું જોર વધ્યુ છે. આજે રાજ્યમાં હોટેસ્ટ રહેલા રાજકોટની સાઈડ કાપી સુરેન્દ્રનગર સર્વાધિત ગરમ શહેર બન્યું છે. સુરેન્દ્રનગર રાજ્યમાં સૌથી ગરમ શહેર બન્યું આજે શુક્રવારે રાજકોટ, જુનાગઢ, સોમનાથ, દીવ, બોટાદ અને ભાવનગર પંથકમાં છુટાછવાયા સ્થળોએ વરસાદ પડવાની આગાહી કરવામાં આવી છે.પશ્ચિમ ઉત્તરના નીચલા લેવલના પવન ફુંકાતા ગરમીનું પ્રમાણ વધશે.આથી શનિવારથી તાપમાનમાં બેથી ત્રણ ડિગ્રીનો વધારો થશે.બપોરે પવનનું જોર વધવાથી લુના કારણે લોકો ઘરમાં પુરાઈ ગયા છે. તીવ્ર ગરમીના કારણે જનજીવન પ્રભાવીત થયું છે.આજે સુરેન્દ્રનગરમાં સૌથી વધુ 43.5 ડિગ્રી તાપમાન નોંધાયું હતું. રાજકોટ આજે રાજ્યનું ત્રીજા નંબરનું ગરમ શહેર બન્યું છે.શહેરમાં ગરમીનો પારો 42.7 ડિગ્રીએ આંબી ગયો છે.સવારે હવામાં ભેજનું પ્રમાણ 76 ટકા હતું. ગરમ લુ ફૂંકાવાના કારણે લોકો ઘરમાં પુરાઈ ગયા પવનનું જોર વધી 22 કિલોમીટર સુધી થઈ જતા ગરમા ગરમ લુ ફૂંકાવાના કારણે નગરજનો ઘરમાં પુરાઈ ગયા હતા.રાત્રીના સમયે પણ ગરમ પવનના કારણે શહેરીજનો પરસેવે રેબઝેબ બની ગયા હતા.ઘર-ઓફિસમાં એસી, કુલર પણ હાઈ તાપમાન સામે નકામા સાબિત થઈ રહ્યા છે.કંડલા એરપોર્ટમાં 42.9, અમરેલીમાં 42.3, ભુજમાં 40.9, કેશોદમાં 40.1, ભાવનગરમાં 40, જુનાગઢમાં 39.4, મહુવામાં 37.4, દીવમાં 36.5, નલીયામાં 36, પોરબંદરમાં 34.6, ઓખામાં 33.4, દ્વારકામાં 33.2, વેરાવળમાં 32.9 ડિગ્રી તાપમાન નોંધાયું હતું. આ પણ વાંચોઃ Bharuch: વાગરાના ગંધાર સોલ્ટમાં શેડ ધરાશાયી, શ્રમિક કાટમાળ નીચે દબાઈ જતા ઘટનાસ્થળે જ દમ તોડ્યો

Read Full Story arrow_forward