Community News & Updates

Stay informed with the latest happenings, achievements, and announcements from our community.

All News

calendar_today May 6, 2026

Gir Somnath News: ગીર ગઢડામાં મિની વાવાઝોડા સાથે કમોસમી વરસાદ, કેસર કેરીના પાકને ભારે નુકસાનની ભીતિ

ગીર સોમનાથ જિલ્લાના વાતાવરણમાં આજે અચાનક પલટો જોવા મળ્યો હતો. ગીર ગઢડા અને તેની આસપાસના ગ્રામ્ય વિસ્તારોમાં મિની વાવાઝોડા જેવા તેજ પવન સાથે ધોધમાર કમોસમી વરસાદ શરૂ થયો છે. ઉનાળાની કાળઝાળ ગરમી વચ્ચે આવેલા આ વરસાદને કારણે વાતાવરણમાં ઠંડક તો પ્રસરી છે, પરંતુ જગતનો તાત ચિંતામાં મુકાયો છે.આ ગામોમાં જોવા મળી અસરગીર ગઢડાના બાબરીયામાં મેઘરાજાએ તોફાની બેટિંગ શરૂ કરી છે. આ ઉપરાંત હરમડીયા, પૂછવી, એભલવડ, ધોકડવા અને બેડીયા સહિતના ગ્રામ્ય વિસ્તારોમાં પવનના સૂસવાટા સાથે વરસાદી ઝાપટા પડ્યા હતા. કેસર કેરીના પાક પર જોખમઆ કમોસમી વરસાદ અને તેજ પવનને કારણે સૌથી વધુ નુકસાનની આશંકા કેસર કેરી પકવતા ખેડૂતોને છે. કેરીના આંબા પરથી ફળ ખરી પડવાની તેમજ તૈયાર થયેલા પાકને નુકસાન થવાની ભીતિ સેવાઈ રહી છે. ખેડૂતોના મતે, આ મિની વાવાઝોડું તેમના મોઢા સુધી આવેલો કોળિયો છીનવી શકે છે. માત્ર કેરી જ નહીં, પરંતુ અન્ય ઉનાળુ પાકોને પણ આ માવઠાથી વ્યાપક નુકસાન થવાની સંભાવના છે. આ પણ વાંચો - Gir Somnath : ઉના શહેરમાં અશાંત ધારો લાગુ, મિલકત વેચતા પહેલા લેવી પડશે મંજૂરી, નિયમ તોડ્યો તો 5 વર્ષની જેલ

Read Full Story arrow_forward

calendar_today May 6, 2026

Bihar Cabinet Expansion 2026: નીતિશ કુમારના પુત્ર નિશાંત બનશે મંત્રી, 7મેએ મંત્રીમંડળનું વિસ્તરણ

બિહારમાં સમ્રાટ મંત્રીમંડળનું વિસ્તરણ આવતીકાલે એટલે કે ગુરુવારે થવાનું છે. આ કાર્યક્રમ પહેલા રાજ્યમાંથી એક મોટો ઘટનાક્રમ સામે આવ્યો છે.  ભૂતપૂર્વ મુખ્યમંત્રી અને જેડીયુના રાષ્ટ્રીય અધ્યક્ષ નીતિશ કુમારના પુત્ર નિશાંત કુમાર મંત્રી બનવાના છે.ગાંધી મેદાનમાં થશે મંત્રીઓનો શપથ સમારોહ અહેવાલો અનુસાર જેડીયુના નેતાઓએ નિશાંતને આ ભૂમિકા સ્વીકારવા માટે સફળતાપૂર્વક મનાવી લીધા છે. નિશાંતે અગાઉ મંત્રી પદની ઓફરનો ઇનકાર કર્યો હતો. સમ્રાટ મંત્રીમંડળનું વિસ્તરણ પટનાના ઐતિહાસિક ગાંધી મેદાનમાં થવાનું છે. આ કાર્યક્રમની તૈયારીઓ હાલમાં ખૂબ જ ઉત્સાહ અને જોશ સાથે ચાલી રહી છે. પ્રધાનમંત્રી નરેન્દ્ર મોદી અને અમિત શાહ પણ સમારોહમાં હાજરી આપે તેવી અપેક્ષા છે.નિશાંત કુમાર લેશે મંત્રી પદના શપથ સૂત્રોના જણાવ્યા અનુસાર, ભાજપ અને જેડીયુ વચ્ચે મંત્રી પદ અંગે "15-15 ફોર્મ્યુલા" લાગુ કરવામાં આવી શકે છે. આ વ્યવસ્થા હેઠળ, મંત્રીમંડળમાં ભાજપના 13 અને જેડીયુના 12 મંત્રીઓનો સમાવેશ થઈ શકે છે. ચિરાગ પાસવાનની પાર્ટી (LJP-રામ વિલાસ), જીતન રામ માંઝીની પાર્ટી (HAM) અને ઉપેન્દ્ર કુશવાહાની પાર્ટી (RLM) ને પણ મંત્રીમંડળમાં પ્રતિનિધિત્વ મળે તેવી શક્યતા છે. દિલ્હી જતા પહેલા મુખ્યમંત્રી સમ્રાટે નીતિશ કુમાર સાથે પણ બેઠક કરી હતી. 15 એપ્રિલે સમ્રાટ ચૌધરી બન્યા બિહારના મુખ્યમંત્રી સમ્રાટ ચૌધરીએ 15 એપ્રિલે બિહારના નવા મુખ્યમંત્રી તરીકે શપથ લીધા હતા. તેઓ રાજ્યના 24મા મુખ્યમંત્રી બન્યા હતા. બે નાયબ મુખ્યમંત્રીઓ - વિજેન્દ્ર યાદવ અને વિજય ચૌધરી - એ પણ તેમની સાથે શપથ લીધા હતા. મુખ્યમંત્રી પદ સંભાળ્યા પછી, સમ્રાટ ચૌધરીએ ઘણા લાંબા સમયથી ચાલી આવતા રાજકીય દંતકથાઓને તોડી નાખી. તેઓ બિહારના ઇતિહાસમાં માત્ર બીજા નેતા છે જેમણે મુખ્યમંત્રી બનતા પહેલા નાયબ મુખ્યમંત્રી તરીકે સેવા આપી છે. અત્યાર સુધી, કર્પૂરી ઠાકુર બિહારમાં એકમાત્ર નેતા રહ્યા હતા જેમણે મુખ્યમંત્રી બનતા પહેલા નાયબ મુખ્યમંત્રી પદ સંભાળ્યું હતું.

Read Full Story arrow_forward

calendar_today May 6, 2026

Tamil Nadu થલાપતિ યુનો પ્રારંભ, વિજયે રજૂ કર્યો સરકાર બનાવવાનો દાવો!

તમિલનાડુની તાજેતરની વિધાનસભા ચૂંટણીના પરિણામો બાદ રાજ્યના રાજકારણમાં એક નવો ઇતિહાસ રચાઈ રહ્યો છે. 'તમિલગા વેટ્ટરી કઝગમ' (TVK) ના વડા અને લોકપ્રિય અભિનેતા વિજયે સત્તાવાર રીતે સરકાર બનાવવાનો દાવો રજૂ કરી દીધો છે. આ ઘટનાક્રમ સાથે જ રાજ્યમાં લાંબા સમયથી ચાલી આવતા પરંપરાગત પક્ષોના શાસન સામે એક નવો વિકલ્પ ઉભરી આવ્યો છે. રાજભવન ખાતે ઔપચારિક મુલાકાત ટીવીકે ચીફ વિજય આજે ગિન્ડી સ્થિત રાજભવન પહોંચ્યા હતા, જ્યાં તેમણે રાજ્યપાલ રાજેન્દ્ર વિશ્વનાથ આર્લેકર સાથે મુલાકાત કરી હતી. આ બેઠક દરમિયાન વિજયે પોતાની પાર્ટીના વરિષ્ઠ નેતાઓ અને ચૂંટાયેલા ધારાસભ્યોના સમર્થન સાથે સરકાર રચવાનો દાવો રજૂ કર્યો હતો. તેમની સાથે પાર્ટીના અગ્રણી નેતાઓ એન. આનંદ, આધવ અર્જુન, સેંગોટાઈયન અને અરુણરાજ પણ હાજર રહ્યા હતા. રાજ્યપાલે વિજયના દાવાની નોંધ લીધી છે અને તેમને સરકાર બનાવવા માટે આમંત્રણ આપ્યું છે. શપથ ગ્રહણ સમારોહની વિગતો ચૂંટણીમાં ટીવીકે સૌથી મોટા પક્ષ તરીકે ઉભરી આવ્યા બાદ હવે શપથ ગ્રહણની તૈયારીઓ પૂરજોશમાં ચાલી રહી છે. મળતી માહિતી મુજબ, વિજય આવતીકાલે સવારે 10:00 થી 11:15 વાગ્યાની વચ્ચે મુખ્યમંત્રી તરીકે પદ અને ગોપનીયતાના શપથ લેશે. આ સમારોહમાં અનેક દિગ્ગજ નેતાઓ અને અભિનેતાઓ હાજર રહે તેવી શક્યતા છે. જનતા નવા નેતૃત્વને આવકારવા આતુર વિજયની આ સફળતા પાછળ તેમનો વિશાળ ચાહક વર્ગ અને પાયાના સ્તરે કરેલી કામગીરી જવાબદાર માનવામાં આવે છે. હવે જોવાનું એ રહેશે કે 'થલાપતિ' વિજય મુખ્યમંત્રી તરીકે રાજ્યની જનતાની અપેક્ષાઓ પર કેટલા ઉતરે છે. તમિલનાડુની જનતા અત્યારે આ નવા નેતૃત્વને આવકારવા માટે આતુર છે. આ પણ વાંચોઃ Indian ship: અરબી સમુદ્રમાં ફસાયું ભારતીય જહાજ 'ગૌતમ', પાકિસ્તાની નૌસેનાએ કરી મદદ

Read Full Story arrow_forward