Community News & Updates

Stay informed with the latest happenings, achievements, and announcements from our community.

All News

calendar_today May 6, 2026

Vadodara : અંકોડીયા યુવતી હત્યા કેસનો ભેદ ઉકેલાયો, પ્રેમી જ નીકળ્યો કાતિલ

વડોદરાના અંકોડીયા વિસ્તારમાં ગત રોજ મળી આવેલી યુવતીની લાશના કેસમાં વડોદરા તાલુકા પોલીસે મોટી સફળતા મેળવી છે. પોલીસે ગણતરીના કલાકોમાં જ હત્યારા પ્રેમી રોહન વણકરની ધરપકડ કરી લીધી છે. પ્રેમ પ્રકરણમાં ખટરાગ થતા રોહને યુવતીની હત્યા કરી હોવાનો ખુલાસો પોલીસે કર્યો છે.રેસ્ટોરન્ટમાં કામ કરતો હતો આરોપી પોલીસ તપાસમાં સામે આવ્યું છે કે આરોપી રોહન વણકર અકોટા વિસ્તારમાં આવેલી એક ખાનગી રેસ્ટોરન્ટમાં નોકરી કરે છે. મૃતક યુવતી અને રોહન વચ્ચે લાંબા સમયથી પ્રેમ સંબંધ હતો. જોકે, કોઈ કારણોસર બંને વચ્ચે તકરાર થતા રોહને ઉશ્કેરાટમાં આવી યુવતીને મોતના ઘાટ ઉતારી દીધી હતી અને લાશને અંકોડીયા પાસે ફેંકી દીધી હતી. પોલીસની ત્વરિત કાર્યવાહી ઘટનાની જાણ થતા જ વડોદરા તાલુકા પોલીસની ટીમો સક્રિય થઈ હતી. ટેકનિકલ સર્વેલન્સ અને હ્યુમન ઈન્ટેલિજન્સની મદદથી પોલીસે રોહન સુધી પહોંચવામાં સફળતા મેળવી હતી. પ્રાથમિક પૂછપરછમાં જ આરોપીએ પોતાનો ગુનો કબૂલી લીધો હતો. હાલ પોલીસે આરોપીને કસ્ટડીમાં લઈ વધુ પુરાવા એકત્ર કરવાની તજવીજ હાથ ધરી છે.આ પણ વાંચો----    CM ભૂપેન્દ્ર પટેલની કલેક્ટરોને ટકોર,, હું જ સિસ્ટમ ચલાવું છું તેવું મનમાંથી કાઢી નાખો, ઝીરો ટોલરન્સ નીતિ સાથે કામ કરો

Read Full Story arrow_forward

calendar_today May 6, 2026

Gandhinagar News: દેવદૂત બની આવ્યા ‘કડી સર્વ નેતૃત્વ’ના યુવાનો, કેનાલમાં પડવા જતી બે યુવતીઓને બચાવી

રાજ્યના પાટનગર ગાંધીનગરની નર્મદા કેનાલ આત્મહત્યાના પ્રયાસો માટે અવારનવાર ચર્ચામાં રહે છે, પરંતુ આ વખતે 'કડી સર્વ નેતૃત્વ'ના જાગૃત યુવાનોની સતર્કતાને કારણે બે યુવતીઓનો જીવ બચી ગયો છે. છેલ્લા બે દિવસમાં કેનાલ પર આત્મહત્યા કરવા આવેલી બે અલગ-અલગ યુવતીઓને આ ટીમે સમયસૂચકતા વાપરી મોતના મુખમાંથી ઉગારી લીધી છે.પરિણામના સમયે ખાસ પેટ્રોલિંગ ઉલ્લેખનીય છે કે, ધોરણ 10 અને 12ના બોર્ડના પરિણામના સમયે વિદ્યાર્થીઓમાં તણાવ અને હતાશાને કારણે નકારાત્મક વિચારો આવતા હોય છે. આ સ્થિતિને પહોંચી વળવા 'કડી સર્વ નેતૃત્વ'ની ટીમ દર વર્ષે કેનાલ પર ખાસ પેટ્રોલિંગ કરે છે. આ યુવાનો પોલીસ અને ફાયર વિભાગ સાથે સતત સંકલન કરીને કામ કરે છે, જેથી કોઈ અપ્રિય ઘટના ન બને. જીવ બચાવીને પોલીસને સોંપી કેનાલ પર શંકાસ્પદ રીતે આંટાફેરી કરતી યુવતીઓને જોઈ ટીમના સભ્યોએ તેમને સમજાવ્યા હતા અને આત્મઘાતી પગલું લેતા અટકાવી હતી. ત્યારબાદ પોલીસને જાણ કરીને આ યુવતીઓને સલામત રીતે સોંપવામાં આવી હતી. આ યુવાનોની નિઃસ્વાર્થ સેવા અને માનવતાના કાર્યની ગાંધીનગરમાં ઠેર-ઠેર પ્રશંસા થઈ રહી છે. આ પણ વાંચો - Gandhinagar : ચિલોડામાં જમીન સંપાદન મુદ્દે ખેડૂતોનો ઉગ્ર વિરોધ, અધિકારીઓને ધક્કે ચડાવ્યા

Read Full Story arrow_forward

calendar_today May 6, 2026

Ahmedabad : ખાનપુરમાં SMC ના પોલીસકર્મીની દાદાગીરી, સમાજની વાડીમાં રૂમ બાબતે કર્મચારીને ઢોર માર માર્યો

અમદાવાદ શહેરના ખાનપુર વિસ્તારમાં આવેલી ગુજરાત સમસ્ત મુસ્લિમ ઘાંચી સમાજ ભવનની વાડીમાં એક પોલીસ કોન્સ્ટેબલે કાયદાનું ભાન ભૂલીને સામાન્ય કર્મચારી પર હાથ ઉપાડતા ચકચાર મચી ગઈ છે. સ્ટેટ મોનિટરિંગ સેલ (SMC) માં ફરજ બજાવતા પોલીસકર્મીએ રૂમ રાખવા જેવી ક્ષુલ્લક બાબતે ઉગ્ર થઈને યુવકને માર માર્યો હોવાની ઘટના સીસીટીવીમાં કેદ થઈ છે.રૂમ આપવા બાબતે થઈ હતી તકરાર મળતી માહિતી મુજબ, મૂળ પાટણના વતની અને હાલ સ્ટેટ મોનિટરિંગ સેલમાં ફરજ બજાવતા પોલીસ કોન્સ્ટેબલ નવાઝ ગુલામ રસૂલ (નવાઝ ઘાંચી) ખાનપુર સ્થિત જ્ઞાતિની વાડીએ પહોંચ્યા હતા. અહીં સમાજની વાડીમાં રૂમ આપવા બાબતે કર્મચારી ફરદીન શેખ સાથે તેમની બોલાચાલી થઈ હતી. આ તકરાર દરમિયાન પોલીસ કોન્સ્ટેબલ એટલા ઉગ્ર બન્યા હતા કે તેમણે ફરદીન શેખને બેફામ ગાળો આપી ઢોર માર માર્યો હતો. CCTV ફૂટેજ આવ્યા સામે આ સમગ્ર મારામારીની ઘટના વાડીમાં લાગેલા સીસીટીવી કેમેરામાં કેદ થઈ ગઈ હતી. વીડિયોમાં જોઈ શકાય છે કે કઈ રીતે એક જવાબદાર પદ પર રહેલા પોલીસકર્મીએ સામાન્ય નાગરિક સાથે અમાનવીય વર્તન કર્યું છે. આ ફૂટેજ સોશિયલ મીડિયામાં વાયરલ થતા પોલીસ બેડામાં પણ ચર્ચાઓ જાગી હતી. પોલીસ સ્ટેશનમાં માફી માંગી મામલો થાળે પાડ્યો બનાવ બાદ ભોગ બનનાર યુવક અને સમાજના લોકો પોલીસ સ્ટેશન પહોંચ્યા હતા. જોકે, મામલો વધુ બિચકે તે પહેલા પોલીસ કોન્સ્ટેબલ નવાઝ ઘાંચીએ પોતાની ભૂલ સ્વીકારી લીધી હતી. પોલીસ સ્ટેશનમાં જ તેમણે યુવક ફરદીન શેખની માફી માંગી હતી, ત્યારબાદ બંને પક્ષો વચ્ચે સમાધાન થતા મામલો થાળે પડ્યો હતો. આ પણ વાંચો----    CM ભૂપેન્દ્ર પટેલની કલેક્ટરોને ટકોર,, હું જ સિસ્ટમ ચલાવું છું તેવું મનમાંથી કાઢી નાખો, ઝીરો ટોલરન્સ નીતિ સાથે કામ કરો

Read Full Story arrow_forward