Palanpur: કલેકટર કચેરી પાલનપુરમાં યથાવત રાખવા હવે પથિકાશ્રામ તોડી પડાશે
બનાસકાંઠા જિલ્લાના મુખ્યાલય પાલનપુરમાં જિલ્લા પંચાયત બિલ્ડિંગ બન્યા બાદ જિલ્લા પંચાયતના આરએન્ડબી વિભાગ દ્વારા પથિકાશ્રામ બનાવવામાં આવ્યું હતું. અને વર્ષ 2021 માં તેનું નવીનીકરણ કરી લોકાર્પણ કરવામાં આવ્યું હતું. હવે લાખો રૂપિયાના ખર્ચ બાદ આ પથિકાશ્રામને તોડવામાં આવી રહ્યું છે. આથી હવે પાલનપુરનું આ પથિકાશ્રામ હવે ઈતિહાસ બની જશે.પાલનપુર શહેરમાં વિકાસના કામો કરવામાં આવી રહ્યા છે તેમાં જિલ્લા કલેકટર કચેરી જગાણા ખાતે ખસેડવા સામે લોકોનો વિરોધ હતો અને તેમાં જે તે સમયે જિલ્લા પંચાયતમાં સત્તા પર બેઠેલ સત્તાધીશોએ કલેકટર કચેરી બહાર ન જાય તે માટે વધારાની જમીન આપવા માટે સંમતિ દર્શાવી અને પથિકાશ્રામની જગ્યા મહેસુલ વિભાગને ફાળવવા માટેનો ઠરાવ કર્યો હતો. આમ પથિકાશ્રામના ભોગે નવી કલેકટર કચેરી જોરાવર પેલેસ કમ્પાઉન્ડમાં બને તે માટેના પ્રયાસ સફળ રહ્યા અને હાલમાં કલેકટર કચેરી જોરાવર પેલેસ કમ્પાઉન્ડમાં જ બનાવવાનો નિર્ણય લેવાયો છે. પથિકાશ્રામને હવે તોડી પાડી અને જમીન ખુલ્લી કરવામાં આવી રહી છે. આમ નવિન કલેકટર કચેરી માટે બગીચા ઉપરાંત વધારાની જમીન પણ સર્વે કરાઈ છે. ત્યારે પથિકાશ્રામ હજુ તો પાંચ વર્ષ પહેલા જ નવીનીકરણ કરી અને લાખો રૂપિયાનો ખર્ચ કરવામાં આવ્યો હતો. ત્યાં હવે આ બિલ્ડિંગ તોડવાની શરૂઆત કરાઈ છે.જો કે આ જમીન ખુલ્લી થવાથી રસ્તા પહોળા બનશે અને ટ્રાફિક સમસ્યાનો ઉકેલ આવશે તેમજ નવું પથિકાશ્રામ બાયપાસ રોડ પર બનાવવામાં આવે તેવી સંભાવના છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
