Community News & Updates

Stay informed with the latest happenings, achievements, and announcements from our community.

All News

calendar_today May 5, 2026

Bharuch: ભરૂચ જિલ્લા ભાજપે ફટાકડા ફોડી અને મીઠાઈ વહેંચી ઉજવણી કરી

પશ્ચિમ બંગાળ સહિત પાંચ રાજયોની વિધાનસભા ચુંટણીમાં ભાજપના શાનદાર પ્રદર્શનને પગલે ભરૂચમાં ભાજપ દ્વારા ભવ્ય ઉજવણી કરવામાં આવી હતી.પશ્ચિમ બંગાળ, આસામ, તમિલનાડુ, કેરળ અને પુડુચેરીમાં વિધાનસભા ચુંટણીમાં ભાજપે શાનદાર પ્રદર્શન કર્યુ છે. ખાસ કરીને બંગાળમાં ભાજપે ઐતિહાસિક વિજય મેળવ્યો છે. ભરૂચ જિલ્લા ભાજપ દ્વારા પાંચબત્તી ખાતે ફટાકડા ફોડવામાં આવ્યા હતા. ભાજપ કાર્યકરોમા ઉત્સાહનો માહોલ વચ્ચે વંદે માતરમ, ભારત માતા કી જય, ખેલા હો ગયા સહિતના નારાઓથી વાતાવરણ ગજવી દીધુ હતુ. ભરૂચ જિલ્લા ભાજપ પ્રમુખ પ્રકાશ મોદીએ આ દીદીના એક હથ્થું શાસનનો અંત અને પ્રજાના ભાજપ પર વિશ્વાસનો વિજય ગણાવ્યો હતો.આ ઐતિહાસિક વિજયને જનસમર્થનથી જીત લેખાવી હતી. ઉજવણીમાં જિલ્લા ભાજપ પ્રમુખ પ્રકાશ મોદી સાથે મહામંત્રી પરેશ પટેલ,નરેન્દ્રસિંહ પરમાર, યુવા પ્રમુખ શક્તિસિંહ પરમાર,શહેર પ્રમુખ જતીન પટેલ, પરેશ લાડ સહિતના આગેવાનો અને કાર્યકરો જોડાયા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 5, 2026

Bharuch: રહેણાંક વિસ્તારમાં ઘરના વાડામાં અજગર ઘૂસી જતાં ગભરાટ ફેલાયો

આમોદ તાલુકામાં પુરસા ગામે ઘરમાં ઘુસી આવેલા મહાકાય અજગરનું રેસ્ક્યૂ કરાયુ હતું.પુરસા ગામે રાત્રીના સમયે ઘરના વાડામાં મહાકાય અજગર હોવાનું જોવા મળતા ઘર માલિકે આમોદ આમોદ વન વિભાગને જાણ કરી હતી. જેથી આમોદ વન વિભાગના ઇન્ચાર્જ રેન્જ ફેરેસ્ટ ઓફ્સિર મહેન્દ્રસિંહ કપલેટીયાની સુચના અને માર્ગદર્શન હેઠળ નેચર સેવિંગ ફઉન્ડેશનના કાર્યકર અંકિત પરમાર તથા હેમંત પરમારે રાતોરાત પુરસા ગામે પહોંચી કરશનભાઇ મોહનભાઈ પરમારના ઘરના વાડામાં છુપાયેલા અજગર ને શોધી કાઢી ભારે જહેમત બાદ આશરે આઠ ફૂટ લાંબા અજગરનું રેસ્ક્યું કર્યું હતું.મહાકાય અજગરને આમોદ વન વિભાગની કચેરીએ લાવ્યા બાદ તેને નૈસર્ગીક વાતાવરણમાં મુકત કરવામાં આવ્યો હતો. અત્રે ઉલ્લેખનીય છે કે પુરસા ગામે રહેણાંક વિસ્તારમાં મહાકાય અજગર જોવા મળતા લોકોમાં ભારે ગભરાટ ફેલાઈ ગયોહતો ત્યારે નેચર સેવિંગ ફાઉન્ડેશનના અંકિત પરમાર તેમજ હેમંત પરમાર દ્વારા મહાકાય અજગરનું રાત્રીના સમયે જ સુરક્ષિત રીતે રેસ્ક્યૂ કરાતા આસપાસના લોકોએ રાહતનો શ્વાસ લીધો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 5, 2026

Ankleshwar: અંકલેશ્વરમાં પેટ્રોલ પુરાવ્યા બાદ પૈસા ચૂક્વ્યા વગર ચાલકે કાર ભગાવી મૂકી

અંકલેશ્વર નજીક એરસ્ટ્રીપ સામેના પેટ્રોલપંપ પર કારમાં પેટ્રોલ પુરાવ્યા બાદ પૈસા ચુકવ્યા વગર જ કાર ચાલકે કાર ભગાવી દીધી હતી. કારને રોકવા માટે પેટ્રોલપંપનો કર્મચારી કાર સાથે લટકી ગયો હતો તેમ છતાં ચાલકે કાર રોકી નહતી અને કાર ચાલક જતો રહ્યો હતો. આ દુર્ઘટનામાં પેટ્રોલ પંપના કર્મચારીનો બચાવ થયો હતો.અંકલેશ્વર નજીકNH-48 પર આવેલા એરસ્ટ્રીપ સામેના પેટ્રોલ પંપ પર એક ચોંકાવનારી ઘટના સામે આવી છે. સીસીટીવી ફૂટેજ મુજબ, એક કારચાલકે પેટ્રોલ ભરાવ્યા બાદ પૈસા ચૂકવ્યા વગર ભાગવાના પ્રયાસ કર્યો હતો. કારચાલકે રૂપિયા 3285નું પેટ્રોલ ભરાવ્યું હતું. જ્યારે પેટ્રોલ પંપના કર્મચારી મહંમદ સાહબાઝે પેમેન્ટ માટે કહ્યું, ત્યારે કારચાલકે ઓનલાઈન પેમેન્ટ કર્યું હોવાનું કહી અચાનક ગાડી ઝડપથી દોડાવી હતી જેના પગલે પેટ્રોલપંપનો કર્મચારી કાર સાથે લટકી ગયો હતો.સદનસીબે જાનહાનિ ટળી હતી.આ સમગ્ર ઘટના પેટ્રોલ પંપ પર લગાવવામાં આવેલા સીસીટીવી કેમેરામાં કેદ થઈ ગઈ છે.પેટ્રોલપંપના કર્મચારીના જણાવ્યા અનુસાર કારમાં 4 થી 5 લોકો સવાર હતા, કારની ટાંકી ફૂલ કરાવ્યા બાદ પેમેન્ટ માટે તેની પાસે ક્યુઆર કોડ માંગવામાં આવ્યો હતો જો કે પેમેન્ટ કર્યું નહતું અને બાદમાં કારચાલક પુર ઝડપે ફ્રાર થઇ ગયો હતો. ઘટનાની જાણ થતાં બી ડિવિઝન પોલીસ સ્ટેશન દ્વારા ગુનો નોંધવાની તજવીજ શરૂ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward