Community News & Updates

Stay informed with the latest happenings, achievements, and announcements from our community.

All News

calendar_today May 5, 2026

Gujarat Weather News: ગરમી અને ઉકળાટ વચ્ચે અરવલ્લીમાં વહેલી સવારે વરસાદ ખાબક્યો

ગુજરાતમાં ગરમીમાં ઘટાડો થયો છે પણ બીજી તરફ ઉકળાટ વધ્યો છે. રાજ્યમાં ભેજનું પ્રમાણ વધ્યું છે. હવામાન વિભાગે તાપમાનમાં વધઘટની આગાહી કરી છે. રાજ્યમાં સૌથી વધુ રાજકોટમાં 42.2 ડિગ્રી ગરમી નોંધાઈ છે. સુરેન્દ્રનગર 41.8,ભુજ 41, અમરેલી 40.5,ભાવનગર 40.7, અમદાવાદ 39.4,ગાંધીનગર 49, કંડલા 39.7,ડીસા 38.9 ડિગ્રી તાપમાન નોંધાયું છે.ત્યારે આજે વહેલી અરવલ્લી જિલ્લાના વાતાવરણમાં પલટો આવ્યો છે. મોડાસાના નાદિસણ ગામે પણ વરસાદ થયો અરવલ્લી જિલ્લામાં વહેલી સવારે માવઠું થયું હતું. વહેલી સવારે મેઘરજના ગ્રામ્ય વિસ્તારોમાં વરસાદ ખાબક્યો હતો. માલપુર તાલુકામાં પણ વાતાવરણમાં પલટો આવ્યો હતો. વહેલી સવારથી પવન અને વાદળછાયું વાતાવરણ સર્જાયું હતું. ઇસરી જીતપુર પંથકમાં ગાજ વીજ તેમજ પવન સાથે વરસાદ થયો છે.વરસાદી માવઠાને લઈ વાતાવરણમાં ઠંડક પ્રસરી છે. મોડાસાના નાદિસણ ગામે પણ વરસાદ થયો છે. ગરમ પવનને કારણે ઉકળાટની અસર ગુજરાતમાં ગરમીનું પ્રમાણ વધી રહ્યું છે. ગરમ પવનને કારણે ઉકળાટની અસર જોવા મળી છે. વેસ્ટર્ન ડિસ્ટર્બન્સને કારણે ઉકળાટની સ્થિતિ અનુભવાઈ રહી છે. રાજ્યમાં મહત્તમ તાપમાનમાં એકથી બે ડિગ્રીનો ઘટાડો થયો છે. બીજી તરફ રાજકોટમાં આકરા તાપ સાથે લૂ વરસાવતા ગરમ પવન ફૂંકાયા છે. શહેરમાં હજુ પણ તાપમાનમાં વધારો થઈ શકે છે.ગુજરાતમાં વેસ્ટર્ન ડિસ્ટર્બન્સની અસરને કારણે ગરમી અને ઉકળાટની અસર જોવા મળી છે.આ પણ વાંચોઃ Dahod: વડનગર ખાતે રાષ્ટ્રીય કાર્યક્રમ માટે દાહોદના બે વિદ્યાર્થીની પસંદગી

Read Full Story arrow_forward

calendar_today May 5, 2026

Limbdi: લીંબડી-લખતર હાઈવે પર અકસ્માતગ્રસ્ત કારમાંથી દારૂ મળ્યો

લીંબડી પીએસઆઈ વી.એમ.કોડીયાતર સહિતની ટીમને શીયાણીથી લીંબડી તરફ એક ઈનોવા કારમાં દારૂ આવનાર હોવાની બાતમી મળી હતી. આથી ટીમ લીંબડીથી શીયાણી તરફ જતા ઘાઘરેટીયા પાસે વળાંકમાં ઈનોવા કાર અકસ્માતગ્રસ્ત નજરે પડી હતી. જેમાં તપાસ કરતા દારૂ-બીયર મળી આવ્યા હતા. પોલીસે દારૂની 1320 બોટલ, બીયરના 84 ટીન અને કાર મળી રૂપીયા 10,11,488નો મુદ્દામાલ કબજે કરી લીંબડી પોલીસ મથકે ફરિયાદ નોંધી છે. આરોપીને ઝડપી લેવા વધુ તપાસ પીઆઈ જી.બી.પરમાર ચલાવી રહ્યા છે. જયારે મુળી પોલીસની ટીમે મહાદેવગઢથી સરાના રસ્તે એક વિદેશી દારૂ ભરેલ પીકઅપ રસ્તાની સાઈડમાં ઉતરી ગઈ હોવાનું તથા તેમાંથી દારૂ સ્વીફટ કારમાં હેરફેર કરાતો હોવાની બાતમી મળતા રેડ કરાઈ હતી. જેમાં ટ્રેકટર સાથે પીકઅપ બાંધેલી હોવાનું જણાયુ હતુ. આ બન્ને શખ્સો પોલીસને જોઈ નાસવા લાગતા પોલીસે પીછો કરી બન્નેને ઝડપી લીધા હતા. આ બન્ને રાણીપાટનો મેહુલ જેમાભાઈ છારદીયા અને હળવદ તાલુકાના ચીત્રોડીનો મહીપત ભાવસંગભાઈ રાઠોડ હતા. બન્નેની પુછપરછ કરતા મહીપતે જણાવ્યુ કે, તેના પિતરાઈ ભાઈ ચીત્રોડીના યુવરાજ અજીતભાઈ રાઠોડે ફોન કરી બોલેરો રસ્તાની સાઈડમાં ઉતરી ગઈ હોવાનું કહી ટ્રેકટર લઈને જવાનું કહ્યુ હતુ. યુવરાજ ટ્રેકટર સાથે પીકઅપને બાંધીને જતો રહ્યો હતો. જયારે મેહુલની પુછપરછ કરતા રાયસંગપરના રામદેવસિંહ ગજુભા ઝાલાએ ફોન કરી બાવળીથી દારૂ લઈને સરા પહોંચાડવાનું કહેતા તે પીકઅપ લઈને ગયો હતો. જેમાં એક ક્રેટા કાર લઈને આવેલા શખ્સે દારૂ ભરી આપ્યો હતો. અને પીકઅપ ફસાતા સ્વીફટ કાર લઈને આવેલો અજાણ્યો શખ્સ દારૂ ભરીને જતો રહ્યો હતો. પોલીસે દારૂની 26 બોટલ, 61 ચપલા, બીયરના 4 ટીન, ટ્રેકટર, પીકઅપ, ર મોબાઈલ સહિત રૂપીયા 3,32,998ના મુદ્દામાલ સાથે મેહુલ અને મહીપતની ધરપકડ કરી તમામ સામે મુળી પોલીસ મથકે ગુનો નોંધ્યો છે. અન્ય આરોપીઓને ઝડપી લેવા વધુ તપાસ પીએસઆઈ એન.એલ.ગીલવા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 5, 2026

Wadhwan: વઢવાણમાં હોર્ન મારવા બાબતે એસ.ટી.બસના ચાલકને 4 શખ્સોએ માર માર્યો

ગઢડાથી માતા મઢ જતી એસ.ટી.બસ વઢવાણના શીયાણીપોળથી બસ સ્ટેશન તરફ જતી હતી. ત્યારે રસ્તામાં કાર નડતરરૂપ હોઈ બસના ડ્રાઈવરે હોર્ન મારતા કારમાંથી ઉતરેલા 4 શખ્સોએ બસના ડ્રાઈવરને માર મારી જાનથી મારી નાંખવાની ધમકી આપી હતી. અમરેલી જિલ્લાના બગસરા તાલુકાના હામાપુર ગામે રહેતા 40 વર્ષીય પંકજકુમાર મોહનભાઈ સાગઠીયાગઢડા એસ.ટી.ડેપોમાં ડ્રાઈવર તરીકે ફરજ બજાવે છે. તા. 30-4ના રોજ સાંજે તેઓ ગઢડા-માતાના મઢ રૂટની બસ લઈને રવાના થયા હતા. જેમાં સાંજના 8-30 કલાકે વઢવાણ શિયાણી પોળથી બસ સ્ટેશન તરફ જતા હતા. ત્યારે રસ્તામાં એક કાળા કલરની કાર ઉભી હોઈ તેઓએ બસ થોભાવી હોર્ન માર્યો હતો. આ સમયે કારમાંથી ઉતરેલા 4 શખ્સોએ પંકજકુમાર સાથે બોલાચાલી કરી 2 શખ્સોએ ડ્રાઈવરની કેબીનમાં ધસી જઈ માર માર્યો હતો. અને યુનીફોર્મ ફાડી નાંખ્યો હતો. આ સમયે બસના કંડકટર વચ્ચે પડતા ચારેય શખ્સો હવે અહીંથી નીકળીશ તો જાનથી મારી નાંખીશુ તેવી ધમકી આપી જતા રહ્યા હતા. આ બનાવમાં 108 દ્વારા પંકજકુમારને સારવાર માટે પ્રથમ વઢવાણ સીએચસી અને બાદમાં સી.યુ.શાહ મેડિકલ હોસ્પીટલ લઈ જવાયા હતા. પંકજકુમારે ઘરમેળે તપાસ કરતા આ ચારેય વઢવાણના નવીન સોલંકી, પ્રફુલ્લ સોલંકી, મીતેશ સોલંકી અને પંકજ પારધી હોવાનું સામે આવ્યુ હતુ. આથી પંકજકુમારે તા. 1-5ના રોજ મોડી સાંજે ચારેય સામે વઢવાણ પોલીસ મથકે ફરિયાદ નોંધાવતા વધુ તપાસ એએસઆઈ યુ.બી.ગોહીલ ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward