Tapi News: પશ્ચિમ બંગાળમાં ભાજપના ભવ્ય વિજયનો ઉત્સવ, કાર્યકરોએ ફટાકડા ફોડી અને મીઠાઈ વહેંચી જીતને વધાવી
પશ્ચિમ બંગાળ સહિત અન્ય રાજ્યોની ચૂંટણીમાં ભારતીય જનતા પાર્ટીના શાનદાર પ્રદર્શન અને વિજયને પગલે સમગ્ર દેશ સહિત ગુજરાતમાં પણ ખુશીનો માહોલ જોવા મળી રહ્યો છે. તાપી જિલ્લા ભાજપ સંગઠન દ્વારા આ ઐતિહાસિક જીતની ઉજવણી કરવામાં આવી હતી, જેમાં મોટી સંખ્યામાં કાર્યકરો અને આગેવાનો જોડાયા હતા.કુશાસનનો અંત અને જનતાનો વિજયઆ પ્રસંગે તાપી ભાજપ સંગઠનના પ્રભારી ડો. જગદીશ પટેલે જણાવ્યું હતું કે, પશ્ચિમ બંગાળમાં છેલ્લા 15 વર્ષથી ચાલી રહેલા તૃણમૂલ કોંગ્રેસના કુશાસન, દાદાગીરી અને ગુંડાગીરીનો અંત આવ્યો છે. અત્યાર સુધી બંગાળના મતદારો મતદાન કરતા ડરતા હતા, પરંતુ આ વખતે જનતાએ ડર્યા વગર પરિવર્તન માટે મતદાન કર્યું છે, જેના પરિણામે TMCનો સફાયો થયો છે. વિકાસના નવા યુગની શરૂઆત ભાજપના નેતાઓએ વિશ્વાસ વ્યક્ત કર્યો હતો કે, હવે પશ્ચિમ બંગાળ પણ અન્ય ભાજપ શાસિત રાજ્યોની જેમ વિકાસના માર્ગે પૂરપાટ ઝડપે આગળ વધશે. બંગાળમાં આ વિજય માત્ર પક્ષનો નથી, પરંતુ ત્યાંની પીડિત જનતાનો વિજય છે. તાપીમાં ભાજપના કાર્યકરોએ ફટાકડા ફોડી અને એકબીજાનું મોઢું મીઠું કરાવીને આ જીતનો આનંદ વ્યક્ત કર્યો હતો. આ પણ વાંચો - Tapi : કલેક્ટર કચેરીથી માત્ર 10 કિમી દૂર સરૈયા ગામના આદિવાસીઓ પાયાની સુવિધા માટે તરસ્યા
Read Full Story arrow_forward
