Dahegam: દહેગામ પાલિકામાં પ્રમુખ પદ માટે પટેલ પાવરની દાવેદારી મજબૂત
દહેગામ નગર પાલિકામાં પ્રમુખ પદ માટે હાલમાં રાજકીય. ગતિવિધિઓ તેજ બની છે. પ્રમુખપદ માટે સામાન્ય મહિલા બેઠક હોવાથી પાલિકામાં સામાન્ય બેઠકો પર જીતેલા મહિલા ઉમેદવારો પૈકી ત્રણ નામ હાલમાં ચર્ચામાં ચાલી રહ્યા છે અને આ ત્રણેયની પ્રમુખ પદ માટે દાવેદારી માનવામાં આવી રહી છે.આ ત્રણેય નામો પૈકી પટેલ ઉમેદવારનુ નામ અગ્ર હરોળમાં મનાઇ રહ્યુ છે. જોકે શાહ તથા બ્રાહમણ ઉમેદવાર પણ મેદાનમાં છે. દહેગામ નગર પાલિકા સ્થાપનાના દાયકાઓ બાદ પાલિકાના પ્રમુખ પદે અત્યાર સુધી પાલિકામાં અમીન, બારોટ, રબારી, જૈન, બ્રાહમણ ,એસસી સહી તના સમાજના ઉમેદવારો પ્રમુખ પદે આવી ચુક્યા છે. પરંતુ પાટીદાર સમાજમાંથી પટેલ સરનેમવાળા ઉમેદવાર પાલિકાના પ્રમુખ બની શક્યા નથી. આ વખતે સમીકરણો અલગ જોવા મળી રહ્યા છે. હાલ પાલિકાના સાતેય વોર્ડમાંથી જીતેલા સામાન્ય બેઠકો પૈકીના ત્રણ મહિલા ઉમેદવારોના નામ ભારે ચર્ચામાં છે. જે પૈકી વોર્ડ નંબર 4 માંથી ભાજપની સામાન્ય મહિલા બેઠક પર 1541 મતોથી વિજયી બનેલા નેહા કિંજલ પટેલનુ નામ અગ્ર હરોળમાં ચર્ચાય રહ્યુ છે. નેહા પટેલના પતિ કિંજલ પટેલ ભાજપમાં સક્રીય અને રેલવે સમિતીના સદસ્ય પણ છે. કિંજલ પટેલ સક્રીય હોદ્દેેદાર મનાય છે. જેને લઇને આગામી પાલિકાના પ્રમખ તરીકેની રેસમાં નેહા પટેલની દાવેદારી મજબુત માનવામાં આવી રહી છે. આ સિવાય શહેર સંગઠનમાં મહત્વનુ પદ ધરાવતા એક ભાજપ અગ્રણીની મનશા બ્રાહમણ ઉમેદવાર પાલિકા પ્રમુખ બને એવી માનવામાં આવી રહી છે. તો બીજી તરફ શહેરના પુર્વ પાલિકા પ્રમુખ રહી ચુકેલા ભાજપના બે અગ્રણીઓની મનશા વણીક ઉમેદવારને પાલિકા પ્રમખના પદે બેસાડવાની છે. હવે પાર્ટી કોના પર કળશ ઢોળે છે એ ટુંક સમયમાં સામે આવી જશે. હાલ પાલિકાના વોર્ડ નંબર 4 ના નેહા કિંજલ પટેલ, વોર્ડ નંબર 5 માંથી ઝરણાબેન દવે તેમજ મેઘનાબેન પ્રતિકકુમાર શાહ ના નામો પ્રમુખ પદની દાવેદારી મામલે ચર્ચાઇરહ્યા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
