Community News & Updates

Stay informed with the latest happenings, achievements, and announcements from our community.

All News

calendar_today May 3, 2026

Assembly Election Results 2026: સત્તાનો ‘સુપર મંડે’, પાંચ રાજ્યોના ચૂંટણી પરિણામો, બંગાળથી તમિલનાડુ સુધી કોનો થશે રાજ્યાભિષેક?

ભારતની રાજનીતિ માટે આવતીકાલનો સોમવાર 'નિર્ણાયક' સાબિત થવાનો છે. પશ્ચિમ બંગાળ, તમિલનાડુ, આસામ, કેરળ અને કેન્દ્રશાસિત પ્રદેશ પુડુચેરીમાં યોજાયેલી વિધાનસભા ચૂંટણીના પરિણામો આવતીકાલે (4 મે) જાહેર થશે. સવારે 8 વાગ્યાથી મતગણતરી શરૂ થશે અને બપોર સુધીમાં સ્પષ્ટ થઈ જશે કે, કયા રાજ્યમાં કોની સરકાર બનશે. લોકશાહીના આ મહાસંગ્રામમાં જનતાનો જનાદેશ કોની તરફેણમાં છે તેના પર આખા દેશની નજર છે.પશ્ચિમ બંગાળ: દીદીનો જાદુ કે કમળનો પ્રહાર? બંગાળમાં 294 બેઠકોમાંથી 293 બેઠકો પર આવતીકાલે મતગણતરી થશે (ફલતા બેઠક પર પુનઃમતદાનને કારણે પરિણામ 24 મેના રોજ આવશે). આ વખતે ભાજપ અને TMC વચ્ચે કાંટાની ટક્કર છે. જ્યાં મમતા બેનર્જી 'લક્ષ્મી ભંડાર' અને બંગાળી અસ્મિતાના જોરે સત્તા ટકાવવા મથે છે, ત્યાં ભાજપ ભ્રષ્ટાચાર અને પરિવર્તનના નારા સાથે એડીચોટીનું જોર લગાવી રહ્યું છે. ભવાનીપુર બેઠક પર મમતા બેનર્જી અને સુવેન્દુ અધિકારી વચ્ચેનો મુકાબલો સૌથી વધુ ચર્ચામાં છે. દક્ષિણનો ગઢ: તમિલનાડુ અને કેરળ તમિલનાડુમાં 234 બેઠકો પર DMK અને AIADMK વચ્ચે પરંપરાગત જંગ છે, પરંતુ આ વખતે અભિનેતા વિજયની પાર્ટી 'TVK' ની એન્ટ્રીએ સમીકરણો બદલ્યા છે. બીજી તરફ, કેરળમાં મુખ્યમંત્રી પિનારાઈ વિજયન (LDF) ઇતિહાસ બદલીને ફરી સત્તા મેળવશે કે, કોંગ્રેસની આગેવાની હેઠળનું UDF વાપસી કરશે, તે જોવું રસપ્રદ રહેશે. કેરળમાં ભાજપ પણ ત્રિપાંખિયા જંગમાં મજબૂત દેખાઈ રહ્યું છે. આસામ અને પુડુચેરી આસામમાં 126 બેઠકો પર હિમંતા બિસ્વા સરમાના નેતૃત્વમાં ભાજપ હેટ્રિકની આશા રાખી રહ્યું છે, જ્યારે કોંગ્રેસ મુસ્લિમ બહુલ વિસ્તારો અને જૂના વોટબેંકના આધારે વાપસીનો દાવો કરી રહી છે. પુડુચેરીની 30 બેઠકો પર અપક્ષ ઉમેદવારો કિંગમેકર બને તેવી શક્યતા સેવાઈ રહી છે. સ્ટ્રોંગ રૂમની બહાર ચુસ્ત બંદોબસ્ત અને EVM પર રાજકીય પક્ષોની બાજ નજર વચ્ચે આવતીકાલે 'સત્તાનું સિરપાવ' કોને મળશે તે જાહેર થશે. આ પણ વાંચો - Kerala Assembly Election Result: કેરલમમાં પરિણામ પહેલા જ કોંગ્રેસમાં જશ્નની તૈયારી, સાથી પક્ષોએ CM પસંદ કરવાની સત્તા હાઈકમાન્ડને સોંપી

Read Full Story arrow_forward

calendar_today May 3, 2026

Bhavnagar News: ધારાસભ્ય સેજલબેન પંડ્યાની દીકરીના લગ્નમાં CM ભૂપેન્દ્ર પટેલની પ્રેરક ઉપસ્થિતિ, નવદંપતીને આપ્યા આશીર્વાદ

ગુજરાતના મુખ્યમંત્રી ભૂપેન્દ્ર પટેલે આજે ભાવનગરની મુલાકાત લીધી હતી. મુખ્યમંત્રી ભૂપેન્દ્ર પટેલે ભાવનગર પૂર્વ મત વિસ્તારના ધારાસભ્ય સેજલબેન પંડ્યાની પુત્રીના લગ્ન પ્રસંગે હાજરી આપી સામાજિક સૌહાર્દના દર્શન કરાવ્યા હતા. આ પ્રસંગે રાજ્યના કૃષિ મંત્રી સહિતના મંત્રીમંડળના સભ્યો અને અન્ય મહાનુભાવો પણ તેમની સાથે જોડાયા હતા.અવાણિયા રિસોર્ટ ખાતે ભવ્ય આયોજન ધારાસભ્ય સેજલબેન પંડ્યાની દીકરીના લગ્ન પ્રસંગનું આયોજન ભાવનગરના અવાણિયા વિસ્તારમાં આવેલા એક જાણીતા રિસોર્ટ ખાતે કરવામાં આવ્યું હતું. મુખ્યમંત્રી ભૂપેન્દ્ર પટેલે વ્યસ્ત કાર્યક્રમો વચ્ચે ભાવનગર પહોંચી નવદંપતીને મંગલમય જીવનના આશીર્વાદ પાઠવ્યા હતા અને પંડ્યા પરિવારને અભિનંદન આપ્યા હતા. રાજકીય નેતાઓની માતબર હાજરી મુખ્યમંત્રીની આ મુલાકાત દરમિયાન તેમની સાથે રાજ્યના કૃષિ મંત્રી રાઘવજી પટેલ સહિતના અન્ય મંત્રીઓ અને સંગઠનના હોદ્દેદારો પણ ઉપસ્થિત રહ્યા હતા. ધારાસભ્યના આ સામાજિક પ્રસંગમાં મુખ્યમંત્રીની હાજરીથી સ્થાનિક કાર્યકરોમાં પણ ભારે ઉત્સાહ જોવા મળ્યો હતો. લગ્ન પ્રસંગે પ્રોટોકોલ મુજબ ચુસ્ત સુરક્ષા બંદોબસ્ત પણ ગોઠવવામાં આવ્યો હતો. આ પણ વાંચો - Bhavnagar News: સિહોરમાં નશામાં ધૂત કારચાલકનો આતંક, 8 લોકોને અડફેટે લેતા લોહીલુહાણ

Read Full Story arrow_forward

calendar_today May 3, 2026

Surat News: સરથાણામાં અકસ્માત બાદ આરોગ્ય મંત્રીની માનવતા, 108ની રાહ જોયા વગર પોતાની પાયલોટિંગ જીપમાં ઈજાગ્રસ્તને હોસ્પિટલ મોકલ્યો

સુરત શહેરના સરથાણા વિસ્તારમાં આવેલા એન્થમ સર્કલ પાસે આજે એક અકસ્માતની ઘટના સર્જાઈ હતી. ભારે ટ્રાફિક જામ વચ્ચે બનેલી આ દુર્ઘટનામાં એક યુવક ગંભીર રીતે ઈજાગ્રસ્ત થયો હતો. આ સમયે ત્યાંથી પસાર થઈ રહેલા રાજ્યના આરોગ્ય મંત્રી પ્રફુલ પાનસેરીયાએ કાફલો રોકાવીને તાત્કાલિક ઈજાગ્રસ્ત યુવકની મદદે દોડી જઈ માનવતાનું ઉત્તમ ઉદાહરણ પૂરું પાડ્યું હતું.પાયલોટિંગ પોલીસ કાર બની એમ્બ્યુલન્સ એન્થમ સર્કલ વિસ્તારમાં ટ્રાફિક જામ હોવાને કારણે 108 એમ્બ્યુલન્સને પહોંચવામાં વિલંબ થઈ શકે તેમ હતો. પરિસ્થિતિની ગંભીરતા સમજીને મંત્રી પ્રફુલ પાનસેરીયાએ એક પણ ક્ષણનો સમય ગુમાવ્યા વગર યુવકનો જીવ બચાવવા માટે તજવીજ હાથ ધરી હતી. તેમણે પ્રોટોકોલની પરવા કર્યા વગર પોતાની પાયલોટિંગ પોલીસ જીપમાં જ ઈજાગ્રસ્ત યુવકને બેસાડીને તાત્કાલિક સારવાર અર્થે હોસ્પિટલ રવાના કર્યો હતો. ટ્રાફિક હળવો કરાવી યુવકને સમયસર સારવાર અપાવી અકસ્માતને પગલે રસ્તા પર સર્જાયેલા ભારે ટ્રાફિક જામમાં ઈજાગ્રસ્તને લઈ જતી ગાડી ફસાય નહીં તે માટે મંત્રીએ જાતે ઊભા રહીને ટ્રાફિક દૂર કરાવવાની કામગીરી પણ કરી હતી. યુવકને સમયસર સારવાર મળી રહે તે માટે મંત્રીએ પર્સનલી ધ્યાન આપીને તેને હોસ્પિટલ પહોંચાડવાની વ્યવસ્થા કરી હતી. એક જવાબદાર પદ પર હોવા છતાં સામાન્ય નાગરિકના જીવની રક્ષા માટે મંત્રીએ દાખવેલી આ તત્પરતા અને સંવેદનશીલતા જોઈને ત્યાં હાજર સ્થાનિક લોકોએ તેમનો આભાર માની કામગીરીને બિરદાવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward