Community News & Updates

Stay informed with the latest happenings, achievements, and announcements from our community.

All News

calendar_today May 2, 2026

Delhi Rain : રાજધાનીમાં વરસાદનું પવન સાથે આગમન, લોકોને ગરમમાંથી મળી રાહત

દિલ્હીમાં શનિવારે હવામાનમાં અચાનક ફેરફાર થતા ગરમીથી પરેશાન લોકોને મોટી રાહત મળી છે. શહેરના અનેક વિસ્તારોમાં ઝરમરથી લઈને ભારે વરસાદ થયો, જ્યારે કેટલાક વિસ્તારોમાં ભારે પવને વાતાવરણ ઠંડું બનાવી દીધું. સવારે જ વાદળછાયા માહોલ વચ્ચે શરૂ થયેલા વરસાદે થોડા જ સમયમાં જોર પકડ્યું. 2 દિવસ હવામાન આવું જ રહેવાની શક્યતા આ વરસાદ સાથે 30થી 40 કિમી પ્રતિ કલાકની ઝડપે પવન ફૂંકાયા, થોડી જ વારમાં પવનની ઝડપ 50 કિમી પ્રતિ કલાક સુધી પહોંચી ગઈ. ગાજવીજ અને વીજળીના કડાકા સાથે વાતાવરણ વધુ બદલાયું, જેના કારણે તાપમાનમાં નોંધપાત્ર ઘટાડો થયો. હવામાન વિભાગે અગાઉથી જ દિલ્હી માટે યેલો એલર્ટ જાહેર કર્યું હતું. વિભાગ મુજબ આગામી બે દિવસ સુધી આવું જ હવામાન રહેવાની શક્યતા છે. એટલે કે રવિવાર અને સોમવારે પણ હળવાથી મધ્યમ વરસાદ, અને ભારે પવન જોવા મળી શકે છે. હવાની ગુણવત્તા મધ્યમ શ્રેણીમાં નોંધાઈ હવામાન નિષ્ણાતોના જણાવ્યા મુજબ નવા પશ્ચિમ વિક્ષોભના કારણે આ પરિસ્થિતિ સર્જાઈ છે, જેના કારણે આગામી દિવસોમાં પણ વરસાદ ચાલુ રહી શકે છે. હાલમાં લૂ ચાલવાની શક્યતા નથી. આ દરમિયાન હવાની ગુણવત્તા મધ્યમ શ્રેણીમાં નોંધાઈ છે. CPCBના આંકડા મુજબ શનિવારે સાંજે AQI 144 રહ્યો, જે મધ્યમ શ્રેણી ગણાય છે. વરસાદને કારણે દિલ્હી-એનસીઆર વિસ્તારમાં પ્રદૂષણમાં પણ થોડી રાહત મળી છે. આ પણ વાંચો : Jharkhand : ધનબાદમાં મોટી દુર્ઘટના, કોલસાની સ્લરીમાં દબાઈ જવાથી 4 મજૂરના થયા મોત

Read Full Story arrow_forward

calendar_today May 2, 2026

Bavla News: જ્વેલર્સમાં ખરીદીના બહાને આવેલી મહિલાએ રૂમાલની આડમાં રૂ.1.40 લાખની સોનાની વીંટી ચોરી

અમદાવાદ જિલ્લાના બાવળા શહેરમાં આવેલી એક જ્વેલર્સની દુકાનમાં ગ્રાહક બનીને આવેલી મહિલાએ અત્યંત ચતુરાઈથી સોનાની વીંટીની ચોરી કરી હોવાની ઘટના સામે આવી છે. બપોરના આશરે અઢી વાગ્યાના સુમારે બાવળાની જાણીતી R.A. પટેલ માર્કેટમાં આવેલી જ્વેલર્સની દુકાનમાં આ ચોરીની ઘટના બની હતી. મહિલાએ સોનાની વીંટી જોતી વખતે નજર ચૂકવી અસલી વીંટી પચાવી પાડી હતી અને દુકાનદારને તેની જાણ સુધ્ધાં થવા દીધી નહોતી.હાથચાલાકીથી અસલી વીંટી ગાયબ કરી ચોરીની પદ્ધતિ જોઈને પોલીસ પણ સ્તબ્ધ થઈ ગઈ છે. મહિલાએ ઘરેણાં જોતી વખતે પોતાની પાસે રહેલા રૂમાલનો ઉપયોગ કર્યો હતો. તેણે રૂમાલની નીચે અસલી સોનાની વીંટી છૂપાવી દીધી હતી અને તેની જગ્યાએ દુકાનદારની નજર ચૂકવીને ટ્રેમાં ખોટી (નકલી) વીંટી મૂકી દીધી હતી. ચોરી થયેલી 9 ગ્રામ સોનાની આ વીંટીની બજાર કિંમત આશરે 1,40,000 રૂપિયા હોવાનું જાણવા મળ્યું છે. મહિલા દુકાનમાંથી રવાના થયા બાદ જ્યારે ઘરેણાંની તપાસ કરવામાં આવી ત્યારે આ ચોરીનો પર્દાફાશ થયો હતો. CCTV ફૂટેજમાં કેદ થઈ ચોરીની સમગ્ર કરતૂત દુકાન માલિકે તરત જ સીસીટીવી (CCTV) ફૂટેજ ચેક કરતા તેમાં મહિલાની હાથચાલાકી સ્પષ્ટપણે ઝડપાઈ ગઈ હતી. ફૂટેજમાં જોઈ શકાય છે કે મહિલા કઈ રીતે રૂમાલની આડમાં સોનાની વીંટી સેરવી રહી છે. આ મામલે બાવળા પોલીસ મથકે ફરિયાદ નોંધાવવામાં આવી છે. પોલીસે સીસીટીવી ફૂટેજના આધારે અજાણી મહિલાની ઓળખ મેળવવા અને તેને ઝડપી પાડવા માટે તપાસના ચક્રો ગતિમાન કર્યા છે. વેપારીઓમાં આ ઘટનાને પગલે ભારે જાગૃતિ રાખવા અપીલ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 2, 2026

Panchmahal News: કાલોલના વેજલપુરમાં વહીવટી તંત્રના દરોડા, રહેણાંક મકાનમાંથી 12 નંગ ગેરકાયદે ગેસ સિલિન્ડર ઝડપાયા

પંચમહાલ જિલ્લાના કાલોલ તાલુકાના વેજલપુર ગામમાં ગેરકાયદેસર રીતે રાખવામાં આવેલા રાંધણ ગેસના બોટલો પર વહીવટી તંત્રએ લાલ આંખ કરી છે. વેજલપુર ગામના પીપળી ફળિયા વિસ્તારમાં બાતમીના આધારે પુરવઠા વિભાગ અને પોલીસની સંયુક્ત ટીમે દરોડા પાડ્યા હતા. આ કાર્યવાહી દરમિયાન એક રહેણાંક મકાનમાંથી જુદી-જુદી કંપનીના કુલ 12 નંગ ગેરકાયદેસર LPG ગેસના બોટલ મળી આવતા પંથકમાં ચકચાર મચી ગઈ છે.મામલતદાર અને પુરવઠા વિભાગની સંયુક્ત તપાસ પોલીસને મળેલી ચોક્કસ માહિતીના આધારે કાલોલના પુરવઠા મામલતદારને સાથે રાખીને પીપળી ફળિયામાં રહેતા ખેરુનિશા ટપના ઘરે તપાસ હાથ ધરવામાં આવી હતી. તપાસ દરમિયાન ઘરના પરિસરમાંથી વ્યાપારી અને ઘરેલુ વપરાશના હોઈ શકે તેવા ગેસ સિલિન્ડરનો જથ્થો મળી આવ્યો હતો. આ જથ્થા અંગે કોઈ પણ માન્ય આધાર-પુરાવા કે લાયસન્સ રજૂ ન કરી શકાતા તંત્ર દ્વારા તમામ 12 નંગ ગેસ બોટલ કબજે લેવામાં આવ્યા હતા. તમામ બોટલો સીઝ કરી કાયદેસરની કાર્યવાહી હાથ ધરાઈ કાલોલ મામલતદાર દ્વારા ગેરકાયદેસર રીતે સંગ્રહિત કરવામાં આવેલા તમામ 12 ગેસ સિલિન્ડરને ઘટનાસ્થળે જ સીઝ કરી દેવામાં આવ્યા છે. વહીવટી તંત્ર દ્વારા આ મામલે પંચનામું કરી આરોપી વિરુદ્ધ આવશ્યક ચીજવસ્તુ ધારા અને અન્ય સંબંધિત કાયદાઓ હેઠળ કડક કાર્યવાહી કરવાની પ્રક્રિયા શરૂ કરવામાં આવી છે. રહેણાંક વિસ્તારમાં આ રીતે જોખમી રીતે ગેસ બોટલોનો સંગ્રહ કરવા પાછળનો હેતુ શું હતો અને તેની પાછળ અન્ય કોણ સંડોવાયેલું છે તે દિશામાં પણ તપાસ તેજ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward