Rajkot News: આજી ડેમમાં ન્હાવા પડેલા એક જ પરિવારના સભ્યો પાણીમાં ડૂબ્યા, પિતા-પુત્ર સહિત 4ના મોત
રાજકોટના આજી ડેમ ખાતે આજે એક અત્યંત હૃદયદ્રાવક ઘટના સામે આવી છે. શહેરના ઘાંચીવાડ વિસ્તારમાં રહેતો એક પરિવાર રિક્ષા લઈને મોગલ ધામ મંદિર પાસે આજી ડેમમાં ફરવા આવ્યો હતો, જ્યાં ન્હાવા પડતી વખતે ચાર સભ્યો ઊંડા પાણીમાં ગરકાવ થઈ ગયા હતા. આ દુર્ઘટનામાં અત્યાર સુધીમાં પિતા-પુત્ર સહિત ત્રણ લોકોના કરૂણ મોત નીપજ્યા છે, જ્યારે એક વ્યક્તિની હજુ પણ શોધખોળ ચાલી રહી છે.એકને બચાવવા જતાં આખો પરિવાર પાણીમાં હોમાયો સમગ્ર ઘટના અંગે ડીસીપી (DCP) હેતલ પટેલે મીડિયા સાથેની વાતચીતમાં જણાવ્યું હતું કે, પરિવારના સભ્યો રિક્ષા લઈને ડેમ કાંઠે આવ્યા હતા. જેમાંથી એક વ્યક્તિ પાણીમાં ઉતર્યો હતો અને અચાનક ડૂબવા લાગ્યો હતો. તેને બચાવવા માટે પરિવારના અન્ય સભ્યો એક પછી એક પાણીમાં પડ્યા હતા, પરંતુ પાણી ઊંડું હોવાને કારણે ચારેય સભ્યો ડૂબી ગયા હતા. ફાયર બ્રિગેડની ટીમે તાત્કાલિક બચાવ કામગીરી હાથ ધરીને ત્રણ મૃતદેહો બહાર કાઢ્યા છે. 108ની ટીમે સ્થળ પર જ ત્રણેયને મૃત જાહેર કર્યા હતા. મૃતકોની ઓળખ થઈ, ઘાંચીવાડ વિસ્તારમાં શોકનું મોજું આ ગમખ્વાર ઘટનામાં મૃત્યુ પામનાર વ્યક્તિઓની ઓળખ ભરત જાદવ, ધવલ જાદવ અને ધ્રુવ મકવાણા તરીકે થઈ છે. મૃતકોમાં પિતા-પુત્રની જોડીનો પણ સમાવેશ થાય છે, જેના કારણે પરિવાર પર આભ તૂટી પડ્યું છે. આજી ડેમ પોલીસ અને ફાયર વિભાગ દ્વારા હજુ પણ એક ગુમ થયેલ વ્યક્તિની શોધખોળ કરવામાં આવી રહી છે. એક જ પરિવારના ત્રણ-ત્રણ સભ્યોના મોતના સમાચાર મળતા જ ઘાંચીવાડ વિસ્તારમાં ભારે શોકનું મોજું ફરી વળ્યું છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
