Surendranagar : લીમડી પાસેની ખનીજ ચેકપોસ્ટ રામભરોસે, ટોકરાળા ટોલનાકા પરથી તમામ અધિકારીઓ ગાયબ થતા માફિયાઓને મળ્યું મોકળું મેદાન
ઝાલાવાડ પંથકમાં ખનીજ ચોરીની ફરિયાદો વચ્ચે એક ચોંકાવનારી ઘટના સામે આવી છે. સુરેન્દ્રનગરના લીમડી પાસે આવેલા ટોકરાળા ટોલનાકા નજીકની ખનીજ ચેકપોસ્ટ હાલ લાવારીસ હાલતમાં જોવા મળી રહી છે. ચેકપોસ્ટ પર ફરજ બજાવતા જવાબદાર અધિકારીઓ અને સ્ટાફ રહસ્યમય રીતે ગાયબ થઈ જતા સમગ્ર પંથકમાં ખળભળાટ મચી ગયો છે.અધિકારીઓની ગેરહાજરી જોવા મળી મળતી માહિતી મુજબ, આ ચેકપોસ્ટ ખનીજ ચોરી અટકાવવા અને ગેરકાયદેસર પરિવહન કરતા વાહનો પર લગામ રાખવા માટે બનાવવામાં આવી છે. જોકે, છેલ્લા કેટલાક સમયથી અહીં અધિકારીઓની ગેરહાજરી જોવા મળી રહી છે, જેના કારણે વાહનોની તપાસની પ્રક્રિયા સંપૂર્ણપણે ઠપ થઈ ગઈ છે. આ પરિસ્થિતિનો સીધો ફાયદો ખનીજ માફિયાઓને મળી રહ્યો હોય તેમ જણાય છે. ચેકપોસ્ટ પર કોઈ રોકટોક ન હોવાથી ખનીજ ભરેલા વાહનો બેરોકટોક પસાર થઈ રહ્યા છે. મોટા ભ્રષ્ટાચારની સંડોવણી હોવાની આશંકા સ્થાનિકોમાં આ બાબતે ભારે રોષ ફાટી નીકળ્યો છે. લોકોમાં એવી ચર્ચા છે કે શું અધિકારીઓ જાણીજોઈને ખનીજ માફિયાઓને રસ્તો કરી આપવા માટે ગાયબ થયા છે? આ ગેરરીતિ પાછળ કોઈ મોટા ભ્રષ્ટાચારની સંડોવણી હોવાની આશંકા પણ સેવાઈ રહી છે. ખનીજ વિભાગના ઉચ્ચ અધિકારીઓ આ મામલે મૌન સેવી રહ્યા છે, જે અનેક પ્રશ્નો ઉભા કરે છે. પ્રશાસન દ્વારા આ ચેકપોસ્ટ પર તાત્કાલિક સ્ટાફની નિમણૂંક કરવામાં આવે અને ગાયબ થયેલા અધિકારીઓ સામે કડક પગલાં લેવામાં આવે તેવી માંગ ઉઠી રહી છે. જો આ રીતે ચેકપોસ્ટ ખાલી રહેશે, તો રાજ્યની તિજોરીને લાખો રૂપિયાનું નુકસાન થવાની ભીતિ સેવાઈ રહી છે.આ પણ વાંચો---- Bhavnagar : સોની દંપતી હત્યાકાંડ, મિલકત અને દેવાએ પુત્રને બનાવ્યો કસાઈ, પુત્રવધૂએ રાજકોટથી શાર્પ શૂટર્સ બોલાવી કરાવી હત્યા
Read Full Story arrow_forward
