Palanpur: વેડંચામાં સિમેન્ટ બ્લોક બનાવતી ફેક્ટરીમાં મશીનમાં ફસાયેલા શ્રામિકનું મોત નીપજ્યું
પાલનપુરથી વેડંચા જવાના માર્ગમાં આકેસણ અને વેડંચા વચ્ચે આવેલ રાધેક્રિષ્ના એન્ટરપ્રાઈઝ નામની સિમેન્ટના બ્લોક બનાવતી ફેક્ટરીમાં મશીનની સફાઈ કરતી વખતે અચાનક મશીન ચાલુ થઈ જતા મશીનમાં ફસાઈ ગયેલ મધ્યપ્રદેશના શ્રામિકનું ઘટનાસ્થળે જ મોત નિપજતા આ અંગે મૃતકની પત્નિએ પાલનપુર તાલુકા પોલીસ મથકે ફરીયાદ નોંધાવતા પોલીસે ગુનો નોંધી તપાસ હાથ ધરી છે. ઉપરોકત બનાવની વિગત એવી છે કે પાલનપુર તાલુકામાં વેડંચા અને આકેસણ ગામ વચ્ચે આવેલી સિમેન્ટના બ્લોક બનાવવાની રાધેક્રિષ્ના એન્ટરપ્રાઈઝ નામની ફેક્ટરીમાં મશીનની સફાઈ કરી રહેલ મધ્યપ્રદેશના જ્ઞાનપ્રસાદ જાનીભાઈ રાઠોડ નામના શ્રામિક સફાઈ કરતો હતો તે વખતે મશીન અચાનક ચાલુ થઈ જતા તે મશીનમાં ફસાઈ ગયો હતો. અને મશીનમાં ફસાઈ જવાના કારણે તેના સાથળના ભાગે ગંભીર ઈજાઓ થઈ હતી અને મશીનમાં દબાઈ જવાથી તેનું મોત નિપજ્યું હતું. જે અંગે મૃતક જ્ઞાનપ્રસાદ જાનીભાઈ રાઠોડના પત્નિ મનીષાબેન જ્ઞાનપ્રસાદ રાઠોડે પાલનપુર તાલુકા પોલીસ મથકે ફરીયાદ આપતા પોલીસે આ અંગે ગુનો નોંધ્યો છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
