Community News & Updates

Stay informed with the latest happenings, achievements, and announcements from our community.

All News

calendar_today April 30, 2026

ICSE Class 10 Result જાહેર, સમગ્ર દેશમાં 99.18 ટકા વિદ્યાર્થીઓ ઉત્તીર્ણ

કાઉન્સિલ ફોર ધ ઇન્ડિયન સ્કૂલ સર્ટિફિકેટ એક્ઝામિનેશન્સ (CISCE) દ્વારા આજે ધોરણ 10 (ICSE - Indian Certificate of Secondary Education) ના પરિણામની જાહેરાત કરવામાં આવી છે. લાખો વિદ્યાર્થીઓની આતુરતાનો અંત લાવતા બોર્ડ દ્વારા સત્તાવાર વેબસાઇટ પર પરિણામ અપલોડ કરી દેવામાં આવ્યું છે.99.18 ટકા પરિણામ જાહેર ચાલુ વર્ષે ICSE બોર્ડનું એકંદર પરિણામ 99.18 ટકા રહ્યું છે. આ આંકડા દર્શાવે છે કે, ગત વર્ષની સરખામણીએ વિદ્યાર્થીઓના પ્રદર્શનમાં સાતત્ય જળવાઈ રહ્યું છે. દર વર્ષની જેમ આ વર્ષે પણ પરિણામમાં વિદ્યાર્થિનીઓએ નોંધપાત્ર દેખાવ કર્યો છે. ફેબ્રુઆરી-માર્ચમાં યોજાઈ હતી પરીક્ષા ઉલ્લેખનીય છે કે, ICSE ધોરણ 10ની પરીક્ષાઓ ફેબ્રુઆરી અને માર્ચ મહિના દરમિયાન સમગ્ર દેશના વિવિધ કેન્દ્રો પર લેવામાં આવી હતી. પરીક્ષા પૂર્ણ થયા બાદ વિદ્યાર્થીઓ અને વાલીઓ પરિણામની કાગડોળે રાહ જોઈ રહ્યા હતા. પરિણામ કેવી રીતે તપાસશો? વિદ્યાર્થીઓ તેમનું પરિણામ બોર્ડની સત્તાવાર વેબસાઇટ પર જઈને પોતાનો યુનિક આઈડી (Unique ID) અને ઇન્ડેક્સ નંબર નાખીને ચેક કરી શકે છે. આ ઉપરાંત વિદ્યાર્થીઓ SMS દ્વારા પણ પોતાનો સ્કોર જાણી શકશે. પરિણામ જાહેર થતા જ શાળાઓ અને સફળ વિદ્યાર્થીઓના પરિવારોમાં ખુશીનો માહોલ જોવા મળી રહ્યો છે. આ પણ વાંચો - Ahmedabad : કમાણી પડાવી લીધી ને મળ્યો ફક્ત ત્રાસ, પત્નીના પાપે પતિનું મોત, પોલીસે ફરાર થયેલી ભગવતીની ધરપકડ કરી

Read Full Story arrow_forward

calendar_today April 30, 2026

Agni-6 Missile : સરકાર આપે ગ્રીન સિગ્નલ, અમે છીએ તૈયાર: DRDO ચીફ

DRDOના અધ્યક્ષ સમીર વી.કામતે તાજેતરમાં જણાવ્યું છે કે અગ્નિ-6 મિસાઈલના વિકાસ અંગેનો અંતિમ નિર્ણય સંપૂર્ણપણે સરકાર પર નિર્ભર છે. તેમણે સ્પષ્ટ કર્યું કે જ્યારે પણ સરકાર તરફથી મંજૂરી મળશે તો DRDO આ પ્રોજેક્ટ માટે તૈયાર છે. આ નિવેદન એવા સમયે આવ્યું છે જ્યારે ભારતની વ્યૂહાત્મક શક્તિ વધારવા માટે અગ્નિ-6 પ્રોજેક્ટને લઈને ચર્ચાઓ તેજ બની છે.Agni-5નું વધુ શક્તિશાળી વર્ઝન હશે અગ્નિ-6 ભારતની આગામી ઈન્ટરકોન્ટિનેન્ટલ બેલિસ્ટિક મિસાઈલ (ICBM) હશે, જે 10,000 કિલોમીટરથી વધુ અંતર સુધી પ્રહાર કરવાની ક્ષમતા ધરાવશે. અગ્નિ-6 DRDO દ્વારા વિકસાવવામાં આવી રહેલી સૌથી આધુનિક અને લાંબા અંતરની મિસાઇલ ગણાશે. તે Agni-5નું વધુ શક્તિશાળી વર્ઝન હશે. આ મિસાઇલમાં MIRV (Multiple Independently Targetable Re-entry Vehicle) ટેક્નોલોજી હશે. મિસાઈલનો મુખ્ય હેતુ સ્ટ્રેટેજિક ડિટરન્સ મજબૂત બનાવવાનો જેના કારણે એક જ મિસાઈલમાં અનેક ન્યુક્લિયર વોરહેડ લગાવી શકાય છે અને તે અલગ-અલગ ટાર્ગેટને એકસાથે નિશાન બનાવી શકે છે. આ મિસાઈલનો મુખ્ય હેતુ સ્ટ્રેટેજિક ડિટરન્સ મજબૂત બનાવવાનો છે. તેની મદદથી ભારત પોતાની રક્ષણાત્મક ક્ષમતામાં વધારો કરી શકશે અને વૈશ્વિક સ્તરે પોતાની સ્થિતિ વધુ મજબૂત બનાવી શકશે.આ પણ વાંચો : Operation Sindoor: લાંબી લડાઇ માટે તૈયાર હતું ભારત..રાજનાથ સિંહનો મોટો ખુલાસો

Read Full Story arrow_forward

calendar_today April 30, 2026

Gujarat સરકારે ઔદ્યોગિક એકમોને 'સિંગલ ક્લિક'થી રૂપિયા 1,349 કરોડની સહાય ચૂકવી

ગુજરાત સરકારના ઉદ્યોગ અને સુક્ષ્મ, લઘુ અને મધ્યમ કક્ષાના ઉદ્યોગોના વિભાગ દ્વારા રાજ્યના લાભાર્થીઓને ઝડપી અને પારદર્શક રીતે નાણાકીય સહાય પહોંચાડવાના હેતુસર વાયબ્રન્ટ ગુજરાત રીજનલ કોન્ફરન્સ, સુરત અંતર્ગત આજે (ગુરુવારે) સવારે 11 વાગ્યે નાયબ મુખ્યમંત્રી હર્ષ સંઘવીના હસ્તે 'Single Click Payment Program'નું આયોજન કરવામાં આવ્યું હતું.MSMEની વિવિધ યોજના હેઠળ 7,495 લાભાર્થીઓએ લાભ લીધો આ કાર્યક્રમ અંતર્ગત ઉદ્યોગ અને MSME વિભાગની વિવિધ યોજનાઓ હેઠળ કુલ 11,029 લાભાર્થીઓને રૂપિયા 1349.50 કરોડની રકમ ઈ-પેમેન્ટ મારફતે એક જ સમયે તેમના બેન્ક ખાતામાં સીધી જમા કરવામાં આવી હતી. જેમા મુખ્યત્વે MSMEની વિવિધ યોજના હેઠળ 7,495 લાભાર્થીઓને 299.75 કરોડ, ટેક્ષ્ટાઈલ યોજનામાં 3,423 લાભર્થીઓને 538.76 કરોડ તથા લાર્જ ઈન્ડસ્ટ્રીના 111 લાભાર્થીઓને 510.99 કરોડની સહાયનો સમાવેશ થાય છે. સરકારે ઉત્પાદન વૃદ્ધિ અને રોજગારી સર્જન માટે સતત પ્રયત્નશીલ રાજ્ય સરકાર દ્વારા અમલમાં મૂકવામાં આવેલી વિવિધ ઔદ્યોગિક તથા MSME યોજનાઓના લાભાર્થીઓને સમયસર સહાય મળતી રહે તે માટે મુખ્યમંત્રી ભૂપેન્દ્ર પટેલના માર્ગદર્શનમાં આ પ્રકારના કાર્યક્રમો દ્વારા ચુકવણી પ્રક્રિયાને વધુ કાર્યક્ષમ, સરળ અને ટેક્નોલોજી આધારિત બનાવવાનો પ્રયાસ કરવામાં આવી રહ્યો છે તેમ નાયબ મુખ્યમંત્રી હર્ષ સંઘવીએ જણાવ્યું છે. ગુજરાત સરકાર રાજ્યમાં ઉદ્યોગ વિકાસ, રોકાણ પ્રોત્સાહન, ઉત્પાદન વૃદ્ધિ અને રોજગારી સર્જન માટે સતત પ્રયત્નશીલ છે અને MSME ક્ષેત્રને વધુ સક્ષમ બનાવવા માટે વિવિધ પ્રોત્સાહક યોજનાઓ અમલમાં મૂકી રહી છે. આ 'સિંગલ ક્લિક પેમેન્ટ પ્રોગ્રામ' દ્વારા લાભાર્થીઓને સહાય રકમ ત્વરિત અને પારદર્શક રીતે પ્રાપ્ત થાય છે.આ પણ વાંચો : Dwarka News: આરંભડામાં તંત્રનું બુલડોઝર, 1.34 કરોડની કિંમતની જમીન પરથી ધાર્મિક અને વાણિજ્યિક દબાણોનો સફાયો

Read Full Story arrow_forward