Community News & Updates

Stay informed with the latest happenings, achievements, and announcements from our community.

All News

calendar_today April 26, 2026

Rajpipla: નર્મદા જિ.પં., તા.પં.અને રાજપીપળા પાલિકા માટે આજે મતદાન યોજાશે

રાજ્યની સ્થાનિક સ્વરાજ્યની ચૂંટણીઓ-2026 અંતર્ગત નર્મદા જિલ્લામાં જિલ્લા પંચાયત, તાલુકા પંચાયત તેમજ રાજપીપળા નગરપાલિકાની ચૂંટણી અનુસંધાને આવતી કાલે મતદાન યોજાનાર છે. તે સંદર્ભે આજે જિલ્લામાં તમામ મતદાન મથકો માટે ચૂંટણીલક્ષી સાધન સામગ્રીનું સફળતાપૂર્વક વિતરણ કરાયું હતું. રાજપીપળા નગર પાલિકા ચૂંટણી હેઠળના કુલ 29 મતદાન મથકો તેમજ જિલ્લા અને તાલુકા પંચાયત ચૂંટણી હેઠળના કુલ 607 મતદાન મથકો માટે કુલ 7 ડિસ્પેચિંગ-રિસીવીંગ સેન્ટરો મારફ્તે સામગ્રી વિતરણ કરાઇ હતી.રાજપીપળા નગર પાલિકા ચૂંટણી અધિકારી અને નાંદોદ પ્રાંત અધિકારી પરસનજીર કૌરે જણાવ્યું હતું કે, રાજપીપળા નગરપાલિકાના તમામ 29 મતદાન મથકો માટે આદર્શ નિવાસી કુમાર શાળા, રાજપીપળા ખાતે સ્થિત ડિસ્પેચિંગ-રિસીવીંગ સેન્ટર પરથી ચૂંટણીલક્ષી સામગ્રી વિતરણ કરાઇ હતી. જેમાં 1થી 5 ઝોનલ રૂટમાં આવતાં મતદાન મથકોનો સમાવેશ કરાયો હતો. વધુમાં જણાવ્યું હતું કે, પોલિંગ ટીમમાં પ્રિસાઈડિંગ ઓફિસર, આસી.પ્રિસાઈડિંગ ઓફિસર, પોલિંગ ઓફિસર, ઝોનલ ઓફિસર/સેકટર મેજિસ્ટ્રેટ સહિત મદદનિશ ઝોનલ ઓફિસરને જરૂરી સામન વિતરણ કરી રવાના કરાયા હતા. છોટુભાઈ પુરાણી વ્યાયામ મહાવિદ્યાલય ખાતેના કેન્દ્ર પરથી 1થી 19 ઝોનલ રૂટમાં સમાવિષ્ટ 113 જેટલા મતદાન મથકો માટે સામગ્રી વિતરણ કરાયું હતું. મતદાન મથકો માટે ઇવીએમ, પ્રિસાઇડિંગ ઓફિસરની ડાયરી તેમજ મતદાર યાદી સહિત જરૂરી તમામ સામગ્રી પૂરી પડાઇ છે. જે બસ મારફ્તે મતદાન મથક સુધી પહોંચાડેલ છે. ઉપરાંત જિલ્લા વહીવટી તંત્ર દ્વારા મતદાતાઓને મતદાન દરમિયાન કોઈ તકલીફ ન પડે તે તેમજ હીટવેવથી બચવા માટે પૂરતી વ્યવસ્થા કરાઇ છે. આરોગ્ય વિભાગ દ્વારા પ્રાથમિક આરોગ્ય સુવિધા, મતદાન મથકો પર છાયડાની વ્યવસ્થા તથા પીવાના પાણી જેવી સુવિધા ઉપલબ્ધ કરાવાઇ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 26, 2026

Narmada: દેડિયાપાડા જિ.પં.ની 5 અને તા. પં.ની 18 બેઠક માટે આજે મતદાન

દેડિયાપાડા તાલુકાની સ્થાનિક સ્વરાજની ચૂંટણી આજે તા. 26 એપ્રિલના રોજ યોજાશે તેની તડામાર તૈયારી પૂર્ણ કરાઇ છે. દેડિયાપાડા તાલુકાની જિલ્લા પંચાયતની કુલ 5 બેઠકો માટે તમામ બૂથ લેવલની તૈયારીઓ પૂર્ણ કરાઇ છે. તેમ જિલ્લા ચૂંટણી અધિકારી દેડિયાપાડા પ્રાંત અધિકારી જુઈ પાંડે એ જણાવ્યું હતું. જ્યારે દેડિયાપાડા તાલુકા પંચાયતની 18 બેઠકો છે. તેના ચૂંટણી અધિકારી દેડિયાપાડાના મામલતદાર ચિરાગ કામોલ અને દેડિયાપાડા તાલુકા વિકાસ અધિકારી યોગેશ તડવી કાર્યભાર સંભાળી રહ્યાં છે. દેડિયાપાડા તાલુકામાં મતદાન મથકો કુલ. 139 છે. તેમાં 27 મતદાન મથકો ક્રિટીકલ મતદાન મથકો છે. સંવેદનશીલ મતદાન મથકો છે. પુરુષ મતદારોની સંખ્યા- 47,819 છે. જ્યારે સ્ત્રી મતદારોની સંખ્યા 46710 છે. કુલ. મતદારો 94529 છે. કુલ - 139 બુથ મતદાન મથકો છે. પ્રિસાઈડીગ, આસિ. પ્રિસાઈડીગ, મહિલા પોલિંગ અને પટાવાળા મળી કુલ. 556 કર્મચારીઓ ચૂંટણીની કામગીરીમાં ફરજ બજાવશે. રીઝર્વ કર્મચારીઓ અને ઝોનલ અધિકારીઓ અને અન્ય કર્મચારીઓ ચૂંટણીની કામગીરીમાં લાગી ગયા છે.દેડિયાપાડાની આદર્શ નિવાસી શાળામાં મતદાન દેડિયાપાડાની આદર્શ નિવાસી શાળા ખાતે આજે સ્થાનિક સ્વરાજની ચૂંટણીમાં રોકાયેલા કર્મચારીઓને ઇવીએમ મશીન અને અન્ય ચૂંટણીની સામગ્રી સાથે વાહનોમાં મતદાન મથકોએ રવાના કરાયા હતા. અનિચ્છનીય બનાવ ન બને તે માટે લોખંડી બંદોબસ્ત દેડિયાપાડા તાલુકામાં સ્થાનિક સ્વરાજની ચૂંટણીમાં ચુસ્ત પોલીસ બંદોબસ્ત ગોઠવી દેવાયો છે. તેમાં પોલીસના 208 જવાન, હોમગાર્ડ-જીઆરડી-248, લોકરક્ષક- 39 ,SRP ના 16, PSI 7, PI 4, DySp-2 મળી કુલ 553 પોલીસ કર્મચારીઓ તૈનાત કરાયા છે. ચિકદા, સાગબારામાં પણ આજે મતદાન થશે ચિકદા તાલુકા પંચાયતની 16 અને જિલ્લા પંચાયતની 2 બેઠક ઉપર ચૂંટણી યોજાશે. અને સાગબારા તાલુકા પંચાયતની 18 બેઠકો અને જિલ્લા પંચાયતની 4 બેઠકો ઉપર પણ સ્થાનિક સ્વરાજની ચૂંટણીની તડામાર તૈયારી પૂર્ણ કરાઇ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 26, 2026

Ankleshwar: ચૂંટણી સાથે સંકળાયેલા કર્મચારીઓ મતદાન મથકો ઉપર જવા રવાના

અંકલેશ્વરમાં સ્થાનિક સ્વરાજ્યની સંસ્થાઓની ચૂંટણીને ધ્યાને રાખી વિવિધ સેન્ટરો પરથી ચૂંટણીમાં જોડાયેલ કર્મચારીઓને ઇવીએમ સહિતની ચૂંટણી સામગ્રી સાથે મતદાન મથકો પર રવાના કરવામાં આવ્યા હતાઅંકલેશ્વર અને હાંસોટ વિસ્તારમાં આવતીકાલે સ્થાનિક સ્વરાજ્ય સંસ્થાઓની ચૂંટણી યોજાવાની છે. ચૂંટણીને ધ્યાનમાં રાખીને તંત્ર દ્વારા તૈયારીઓ પૂર્ણ કરવામાં આવી છે અને તમામ જરૂરી વ્યવસ્થાઓ ગોઠવવામાં આવી છે.ચૂંટણી માટે તાલુકા પંચાયત અને જિલ્લા પંચાયતની સામગ્રીનું વિતરણ અંકલેશ્વરની જીનવાલા હાઈસ્કૂલ પરથી કરવામાં આવ્યું છે, જ્યારે નગરપાલિકાની ચૂંટણી માટેની સામગ્રી આદર્શ હાઈસ્કૂલ પરથી વહેંચવામાં આવી છે. તંત્ર દ્વારા ઝોનલ અધિકારીઓ, બુથ લેવલ ઓફિસરો (BLO) અને પ્રીસાઈડિંગ ઓફિસરોને EVM અને બેલેટ યુનિટ સહિતની ચૂંટણી સામગ્રી સાથે મતદાન મથકો પર રવાના કરવામાં આવ્યા છે, જેથી મતદાન પ્રક્રિયા સુચારૂ રીતે પૂર્ણ થઈ શકે. ગરમીને ધ્યાનમાં રાખીને મતદાન મથકો પર ખાસ આરોગ્ય વ્યવસ્થા પણ કરવામાં આવી છે. મતદારો અને સ્ટાફ માટે દવાઓ તથા ORS ઉપલબ્ધ કરાવવામાં આવ્યા છે. આ ચૂંટણીમાં નગરપાલિકાના 9 વોર્ડની કુલ 36 બેઠકો, તાલુકા પંચાયતની 23 બેઠકો અને જિલ્લા પંચાયતની 6 બેઠકો માટે મતદાન યોજાશે. તંત્ર દ્વારા મતદારોને નિર્ભય અને ઉત્સાહપૂર્વક મતદાન કરવા અપીલ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward