Stay informed with the latest happenings, achievements, and announcements from our community.
વડાપ્રધાન નરેન્દ્ર મોદીએ પશ્ચિમ બંગાળ સ્થિત બેલુર મઠની મુલાકાત બાદ પોતાના અનુભવો સોશિયલ મીડિયા પર શેર કર્યા. તેમણે જણાવ્યું કે બેલુર મઠની મુલાકાત હંમેશા ખાસ અને આત્મિક શાંતિ આપનાર હોય છે.
Read Full Story arrow_forward
અમદાવાદ ગ્રામ્યના બાવળા તાલુકામાં તણાવભર્યો માહોલ જોવા મળી રહ્યો છે. બાવળા તાલુકાના ઢેઢાળ વાસણા ગામે જૂની અદાવતનો બદલો લેવા માટે એક યુવક પર ધારિયા જેવા તીક્ષ્ણ હથિયાર વડે જીવલેણ હુમલો કરવામાં આવતા સમગ્ર પંથકમાં ચકચાર મચી ગઈ છે. આ હુમલામાં યુવક ગંભીર રીતે ઇજાગ્રસ્ત થતા તેને તાત્કાલિક હોસ્પિટલ ખસેડવામાં આવ્યો છે.જૂની અદાવતમાં લોહિયાળ હુમલો ઘટનાની મળતી માહિતી અનુસાર, ઢેઢાળ વાસણા ગામમાં રહેતા ઇન્દ્રજીત મકવાણા નામના યુવક પર તે જ ગામના કાળુ ચૌહાણ નામના શખ્સે અચાનક હુમલો કર્યો હતો. બંને વચ્ચે લાંબા સમયથી જૂની અદાવત ચાલી રહી હતી. આ અદાવતનો ખાર રાખી કાળુ ચૌહાણે ઇન્દ્રજીતને રસ્તામાં આંતરીને ધારિયાના ઘા ઝીંકવાનું શરૂ કર્યું હતું. તને જીવતો નહીં રહેવા દઉં, કહી આપી ધમકી હુમલા દરમિયાન આરોપી કાળુ ચૌહાણે ઇન્દ્રજીતને ગંભીર ઇજાઓ પહોંચાડી હતી અને જાનથી મારી નાખવાની ધમકી આપતા કહ્યું હતું કે, તને આજે જીવતો નહીં રહેવા દઉં. હુમલા બાદ ઘાયલ યુવક લોહીલુહાણ હાલતમાં જમીન પર ઢળી પડ્યો હતો, જ્યારે હુમલાખોર ઘટના સ્થળેથી ફરાર થઈ ગયો હતો. આસપાસના લોકોએ તાત્કાલિક ઇજાગ્રસ્ત યુવકને સારવાર અર્થે હોસ્પિટલમાં ખસેડ્યો હતો. પોલીસની કાર્યવાહી ઘટનાની જાણ થતા જ બાવળા પોલીસ કાફલો ઘટના સ્થળે અને હોસ્પિટલ પહોંચ્યો હતો. પોલીસે ઇન્દ્રજીત મકવાણાની ફરિયાદના આધારે આરોપી કાળુ ચૌહાણ વિરુદ્ધ ગુનો નોંધી તેને ઝડપી લેવા માટે ચક્રો ગતિમાન કર્યા છે. ગામમાં ફરી આવી કોઈ હિંસક ઘટના ન બને તે માટે પોલીસ દ્વારા પૂરતી તકેદારી રાખવામાં આવી રહી છે. આ પણ વાંચો - Local Body Elections 2026: "કોંગ્રેસ હારના ડરથી બહાના શોધે છે", મતદાર યાદીના વિવાદમાં ભાજપ પ્રવક્તા અનિલ પટેલનું મોટું નિવેદન!
Read Full Story arrow_forward
ગિરનાર પર્વતની પવિત્રતા જાળવવા અને સનાતન ધર્મના પ્રતીકોના રક્ષણ માટે આજે જૂનાગઢના માર્ગો પર ભગવો લહેરાયો હતો. ગિરનાર સંરક્ષણ સમિતિ દ્વારા આયોજિત 'ગિરનાર બચાવો અભિયાન' અંતર્ગત યોજાયેલી મહા રેલીમાં હજારોની સંખ્યામાં સાધુ-સંતો અને શ્રદ્ધાળુઓ ઉમટી પડ્યા હતા. આ આંદોલન દ્વારા ગિરનાર પર થઈ રહેલા કથિત અતિક્રમણ સામે ઉગ્ર વિરોધ નોંધાવવામાં આવ્યો હતો.સંતોની એકતા: ઝાંસીની રાણી સર્કલે જામ્યો મેળાવડો રેલીનો પ્રારંભ શહેરના મુખ્ય ઝાંસીની રાણી સર્કલથી થયો હતો, જ્યાં સવારથી જ તમામ સંપ્રદાયના સાધુ-સંતો અને મહંતો એકત્રિત થયા હતા. એક જ મંચ પરથી તમામ અખાડા અને સંપ્રદાયના સંતોએ ગિરનારને સનાતન ધર્મનું હૃદય ગણાવી તેના સંરક્ષણ માટે હાકલ કરી હતી. રેલી દરમિયાન 'જય ગિરનારી' અને સનાતન ધર્મના ગગનભેદી નારાઓથી સમગ્ર વાતાવરણ ભક્તિમય અને જોશીલું બની ગયું હતું. અતિક્રમણ વિરોધ અને રાષ્ટ્રપતિને સંબોધિત આવેદન ગિરનાર પર્વત પર જૈન અતિક્રમણ વધી રહ્યું હોવાના આક્ષેપ સાથે સંતોએ રોષ વ્યક્ત કર્યો હતો. રેલી સ્વરૂપે કલેક્ટર કચેરી પહોંચેલા સંતોએ રાષ્ટ્રપતિને સંબોધિત એક વિસ્તૃત આવેદનપત્ર જિલ્લા કલેક્ટરને સુપરત કર્યું હતું. જેમાં ગિરનાર પરની સનાતન ધર્મની પૌરાણિક જગ્યાઓ અને શિખરો પર થતા ફેરફારોને અટકાવવાની માગ કરવામાં આવી છે. સનાતન ધર્મના રક્ષણ માટે મજબૂત ઠરાવ આ મહા રેલીમાં માત્ર સંતો જ નહીં, પરંતુ મોટી સંખ્યામાં સ્થાનિક જનતા અને હિન્દુ સંગઠનો જોડાયા હતા. સંતોએ એકત્રિત થયેલી વિશાળ મેદની વચ્ચે મજબૂત ઠરાવ કર્યો હતો કે, ગિરનારની અસ્મિતા સાથે કોઈપણ પ્રકારની છેડછાડ ચલાવી લેવામાં આવશે નહીં. આ આંદોલનને આગામી સમયમાં વધુ ઉગ્ર બનાવવાની પણ ચીમકી ઉચ્ચારવામાં આવી છે. આ પણ વાંચો - Junagadh News: ટેકાના ભાવની ખરીદીમાં નબળી ગુણવત્તાની મગફળી ખરીદાઇ: મંત્રી અર્જુન મોઢવાડીયા
Read Full Story arrow_forward